سؤال عن زيت البساتم

**kalmah** · 02-05-2010 08:03 PM

السلام عليكم
انا كنت سمعت عن نوع من الزيوت بيتحط لما المكنة تبدي تنرزع او تبقيء دخلة علي عمرة
ياتري الزيت دة لية اي تأثير سلبي علي سيفيك 92 si مانيوال؟
سعرة كام و اجيبة من فين؟
و في حد هنا جربة؟

**SAMEH_FOUAD** · 02-05-2010 09:16 PM

طبعا الزيوت دية بتبقى مسكن فقط وللاسف بتبهدل المكنة اكتر

**SAMEH_FOUAD** · 05-05-2010 01:10 AM

الزيت دة بيبقى المفروض ان فية مواد بتبقى زى المواد اللى معمول منها الماتور ,فلما الماتور بيبدأ يخف والخلوص مابين البساتم يبدأ يزيد فحضرتك بتبقى محتاج زيت من نوع تقيل عشان مايقدرش انة يعدى من بين الفروقات دية ,فبتضطر تجيب زيت من نوع تقيل لكن مع حرارة الماتور بيبدأ بردة يتسلل
اما بقى الزيت اللى حضرتك بتتكلم علية وغاليا بيبقى اسمة زيت resource فدة اول لما بيبدأ الماتور فى ارتفاع درجة الحرارة بتبدا المواد اللى فية دية تسيح وتتراكم على الخلوصات مابين البستم وجسم المحرك فبتقلل نسبة التفويت وبتهدى الصوت بتاع الماتور بس للاسف بتتقل مكونات الماتور الداخلية وبتخليها ماتشتغلش بطريقة سلسة فبتؤدى الى قصر عمر المحرك وبدل ماكونت تعمل طقم شنبر تلاقى نفسك ممكن تدخل فى عمرة كاملة وفى الاخر بيطوف بيك الحال انك تجيب ماتور جديد
دة غير حاجة انك لازم تستعملة باستمرار ولو ماحطيتوش مرة بتلاقى حالة الماتور رجعت سيئة جدا
دة على حد علمى بالموضوع واى استفسار انا فى الخدمة

**kalmah** · 12-05-2010 01:12 AM

عندك فكرة اسم النوع اللي انا كنت بسال عليه اية بالانجليزي؟ عاوز اقرا عنة علي النت؟
انا الغريب عندي و اللي مش فاهملة حاجة انا عندي المية بتخلص بشكل بشع يعني لازم كل يومين ازودلي بتاع لتر و نص و العربية مش بتنقط تحتيها!! دة ممكن يكون خرم صغير اوي في دورة المية و مع السخونة و ضغط المياة العالي بيبتدي يسرب؟
ان الموتور بتاعي si d16y9 مانيوال 2 كامة عادي مش vtec
الموتور بردة بياكل زيت جامد اويييي
و فية صوت خبط و صوتة عامل زي صوت موتور الفليشا الخشن لما الكاتينة الجنزير بتبقيء عايزة تتغير و علي الرغم من دة
1-سحب الموتور ما شا لله حلو اوي يعني بأقل دوسة العربية بتطير
2-مفيش ترشيح زيت الا خفيييف اوي ناحية المكان اللي بزود منة الزيت
3-الشكمان ناشف تمام مفيش اي اثر للزيت
4-العربية بتطلع دخنة خفيف رمادي علي ابيض لما اكبس ال rpm في السلانسية علي 7

و الزيت لما بكشف علية بلاقية مش مطحن بيبقيء عادي!!!
فا بماذا تفسر اللي عندي يا دكتور سمسم :d؟
و انا بستخدم زيت شيل الاصفر
اية نوع زيت تنصحني بية عشان اهدي بية صوت المكنة؟ .

**SaberMan** · 12-05-2010 01:38 AM

أسم الزيت resource السم سم كتبه فوق تقريبا يا باشا موجود فى الكرفور و التوكيل فى التوفيقيه بره على الشارع (شارع الجمهوريه) هتلاقيه محل نتخصص كيا بس مش فاكر أسم المحل .

**SAMEH_FOUAD** · 12-05-2010 01:50 AM

1:الزيت اسمة resource
2:بالنسبة لوضوع المياة اللى بتنقص بشدة دة ممكن يكون من جوان وش السلندر ومش شرط يكون الزيت مطحن ,طالما حضرتك متاكد من درجة احكام دورة التبريد ,ولو عايز تعرف انن من الجوان حضرتك والعربية باردة افتح غطاء الرديايتر ودور العربية وخلى عينك على فتحة الرديايتر لو لقيت المياة فارت لبرة وفية فقاقيع هواء بتخرج يبقى كدة جوان ياباشا
3:بالنسبة للزيت اللى بينقص جامد فاول حاجة حضرتك تشوفها قيس كبس المحرك وشوف درجة احكام الشنابر وبكدة هنقدر نحكم اكتر على حالة المكنة وهتلاقيها فى البنزينة فى عباس العقاد ,تقريبا شيل او كالتكس
4:بالنسبة لصوت الخبط فكدة حضرت تشوف التاكيهات ممكن تكون بوشت جامد
5:بالنسبة لزيت الماتور انت بتستعمل زيت كويس جدا ومش هتلاقى احسن منة واللى زية زيت فيسكو

**SAMEH_FOUAD** · 12-05-2010 01:54 PM

لو عندك المياة مش بتنقص الا والعربية شغالة يبقى استحالة يكون تسريب فى الردياتير ,وقبل اى حاجة اعمل تجربة جوان وش السلندر اللى قولتلك عليها فوق وانت تعرف
وبالنسبة للتاكيهات لأ طبعا هية بتتظبط لو محتاجة ولو فية حاجات بتتغير المكيانيى هايشتريها