السلام عليكم
معلش ياجماعة عندي سؤال ومش عارف فعلا احله ازاي
انا هرخص في شهر 7 وهنقل ملكية
فقلت اروح اشوف تكلفة عمل عقد ملكية لاني معايا توكيل
فالموظفه قالتلي
لو انتاج محلي يبقي 525
ولو مستورده يبقي 670 جنيه
فطبعا الواحد اولي بالفرق ده
العربيه لانوس 2 موديل 2000
بس هيا قالتلي لازم شهاده تثبت نوعية الانتاج
فمش عارف اجيبها منين
ياريت تساعدوني في النقطه دي
ممكن يكون عندهم قائمة بالعربيات محلية الصنع مباشرة بدون شهادات
لا يادكتور محمود مش عندهماقتباس:
المشاركة الأصلية كتبت بواسطة د.محمود صلاح
الموظفه عاوزاني اجيب شهادة تثبت الانتاج
ومتهيألي ان الموضوع حد اتكلم عليه قبل كده
وفي مكان الشهاده بتخرج منه تقريبا ب30 جنيه
بس انا مش فاكر التفاصيل ولا بتطلع منين
وكمان الشهر العقاري مش جوه المرور فأكيد مش عارف
الله اعلم وإن شاء الله حد يفيدك من الأعضاء المخضرمين
تسلملي يادكتوراقتباس:
المشاركة الأصلية كتبت بواسطة د.محمود صلاح
وان شاء الله الاقي الرد
بس المشكلة تقريبا الساحه هنا محدش بيدخلها كتير ومفيش حد واخد باله من الموضوع
ياباشا الموال ده هيكلفك حوالي 60 جنيه غير وجع القلب انا رأيي المتواضع انك تعملها وتشتري دماغك من وجع القلب
روح طلع شهادة بيانات من المرور اللي العربية مترخصة فيه ...... رسومها اقل من 10 جنيهاقتباس:
المشاركة الأصلية كتبت بواسطة muhmado_furp
بيطلب منك الرخصة والبطاقة والتوكيل وصورة منهم وبتستلمها في اقل من ساعة حسب الزحام
وقول للموظف انك عاوزها للشهر العقاري وأكد عليه انه يكتبلك انها انتاج محلي .... هو بيطلع فاتورة الشراء من الملف وبيبان منها اذا كانت مصري ولا استيراد
الموضوع ده فرق معايا 300 جنية في نقل ملكية الفيرنا لأنها موديل 2007 ورسومها عالية
وخد معاك الشهادة دي وصورها صورة للشهر العقاري مع الرخصة وصورتها
الف مبروك يا باشا
انا لما جيت اعمل كده مع عربيتي اللانوس وكنت عايز انقلها من محرم بك لابيس
المهم بعد انتظار الموظف قال ان العربيه كانت مترخصه قبل كده جيزه ومش عارفين نجيبلها تتبع
يعني لبست الفلوس الذياده
الموضوع ده بسيط و تكاليفه حوالى 10 جنيه ..اقتباس:
المشاركة الأصلية كتبت بواسطة shaddadfalcon1
1: تروح المرور اللى تابعة ليه العربية و تجيب شهادة بيانات موجهة للشهر العقارى بان مثبت فيها ان العربية تصنيع محلى (وده بيبان فى دوسيه العربية)
2: لو المرور اللى متسجلة فيه العربية مش واضحة خليهم يدولك طلب استكمال من المرور السابق اللى كانت تابعة ليه العربية قبل كده و و فيها حايكون مثبوت كده .. و تقريبا هى حاتكون فى اول مرور سجلها من عالزيرو
اقتباس:
المشاركة الأصلية كتبت بواسطة mrsailor
ماهي المشكله بقي لما تبقي العربيه مستعمله وانت مش عارف ملاكها
يعني انا كنت في محرم بك وقاللي انها كانت مرخصه جيزه طيب انا لو رحت الجيزه ايه اللي يضمني انها مكنتش مرخصه اسوان مثلا؟ يبقي انا كده هصرف اكتر من اللي هوفره ده غير القرف
فريحت دماغي ودفعتهم وخلاص
لكن لو عارف اصل العربيه يبقي ان شاء الله الدنا سهله وانت الولي بكل مليم
العربية اصلا باسم المالك القديم وهو بينقل ملكيتها لنفسهاقتباس:
المشاركة الأصلية كتبت بواسطة shaddadfalcon1
يعني الرخصة بتاعتها لسة على القديم ومكتوب فيها هيا مرور ايه
يروح المرور الصادر منه رخصة السيارة .... بيبقى الملف كله هناك
وبعدين حسب المبلغ اللي ح يوفره
لو مايستاهلش يبقى يستعوض ربنا ويدفع ويريح دماغه
انا كان فرق حوالي 300 جنيه وكانت نفس المرور بتاعي .....فكانت تستاهل المجهود
الأهم بعد ما تجيب شهادة البيانات من المرور ومكتوب فيها أنتاج محلي يكون الختم علي الجملة دي وإلا مش هيعترفوا بيها في الشهر العقاري
اللهم بلغت اللهم فاشهد
واضح ان حضرتك اتلدعت من الموضوع دهاقتباس:
المشاركة الأصلية كتبت بواسطة hany_roland
دلوقت الدنيا اتقدمت كتييييراقتباس:
المشاركة الأصلية كتبت بواسطة hany_roland
بيدولك شهادة البيانات مغلفة بالبلاستك بعد ما تتختم ....... يعني ماينفعش تضيف فيها حاجة
تكنولوجيا بقى
فعلا البلاستيك ده من اكثر وسائل التكنولوبيا الحديثه
انا فاكر لما رحت اعمل نقل ملكيه في الشهر العقاري اللي في سموحه وكان معايا توكيل كامل بالعربيه ليا انا ووالدي يقول الموظف الظريف يقول لازم الأتنين يبقو موجودين رديت تاني علي كفرالدوار جبت والدي يقوم يقول ايه بقي؟ لازم العربيه تتكتب باسمكم انتو الأتنين وتسجلوها وبعد كده واحد يتنازل للتاني ياما تجيبو المالك الأصلي وهو يتنازل لواحد فيكو
رحت تاني جبت المالك الأصلي وعملي توكيل ليا انا بس وخلصت الليله بعد القرف ده كله
كان نفسي اولع في الموظف ده بصراحه وخصوصا ان المدير نفسه لما دخلناله قال عادي مفيش مشكله اي واحد يبيع للتاني طالما التوكيل باسمكم انتة الأتنين بس تقول ايه بقي
مدير مصلحه ومش عارف يمشي كلامه علي الموظفين