الموضوع: القيادة في مواجهة الناموس ليلا

المشاركة الأصلية كتبت بواسطة sherif_m72

احب اضيف نصيحه مهمه بخصوص العدو الصغير ده
انا من اسكندريه وبحكم عملى فى دمياط فبسافر كتير جدا جدا على الطريق ده وحفظته ناموسه ناموسه
الطريقه فعاله 100\100
اوانت لو مسافر فى وقت غير الغروب وما قبله بساعه او بعده بساعه يبقى متقلقش
ومن قبل الفجر بساعتين تلاته برضه متقلقش
دلوقتى لو اضطرتك الظروف انك تسافر فى المواعيد دى يبقى اقرا بعنايه
قبل ما تسافر مباشرة هتجيب كيس بريل وتفتحه وتمسح بيه مقدمة العربيه كلها (الفوانيس الشبكه الاكصدام النمر ضهرالمرايات الجانبيه)كله على خفيف (كيس واحد بس)
وبالنسبه للزجاج الامامى هتمسحه كويس جدا جدا وهتجيب ثمرة بطاطس وتقطعها نصين وتمسح بنص واحد البربريز مره واحده مش اكتر ومتخليش فى قربه الميه صابون مع الميه خليها ميه صافى ولو بتستعمل صبون يبقى مفيش داعى للبطاطس وسافروا وبعد اما توصلوا بالسلامه بشوية ميه صغيرين هتمسح بيه وش العربيه من البريل هتلاقيه اخد معاه الناموس ونزل وبالنسبه للزجاج وانت ماشى شغل المساحات بالميه عادى

الله ينور عليك بجد،،،، مع اضافة نصيحة عدم الوقوف تماما فى الطريق ده وخصوصا بليل
انا واصحابى مشينا علية كذا مرة من اسكندرية لدمياط كنا رايحين راس البر ومرات كتير بنمشى من القاهرة ل بورسعيد ونمشى بعدها علية 45 كيلو لحد دمياط واحنا مسمسين الطريق ده طريق السباع هههههههه من قمة الرعب اللى علية