الموضوع: القيادة في مواجهة الناموس ليلا

شكرا لحضرتك على التنبية دة
ان اول مرة اعرف الكلام دة

المشاركة الأصلية كتبت بواسطة بحري

بالأمس في طريق عودتي من بورسعيد على الطريق الدولي الساحلي -المظلم في معظمه- مررت بتجربة للمرة الأولي أردت مشاركتكم بها لاسيما من لم يسبق له المرور بها
الوقت كان بعد المغرب وكان لي عشر سنوات لم أسافر على هذا الطريق في هذا التوقيت من العام وأغلب المرات السابقة كانت نهارا
بعد مسافة في الطريق بدأت الرؤية في التشوش قليلا نتيجة وجود نقاط طينية على الزجاج وأخذت في الازدياد مع الوقت
شغلت مياه المساحات وبمجرد عمل المساحات تشوشت الرؤية تماما كأن هناك من مسح الزجاج بالطين
ركنت جانب الطريق لأتفقد الوضع فإذا بكم هائل من الناموس حول السيارة وعلى الزجاج
غسلت الزجاج بمياه كثيرة ومسحتها بفوطة بمعاناة إلى أن زال أثر الناموس
كنت بجوار كشك من الأكشاك الموجودة على الطريق وقال لي صاحبه أن من الخطأ تشغيل المساحات ليلا في وجود الناموس لأنه سيموت على الزجاج ويشوش الرؤية وهو ما حدث بالفعل
بالإضافة إلى أن مقدمة السيارة كانت مختفية تماما من الكم الرهيب من الناموس العملاق الميت عليها بطريقة شنيعة
السبب في وجود هذا الكم من الناموس هو أن المنطقة حوالي الطريق زراعية ومليئة بالبرك والزراعات بالإضافة إلى إن هذا التوقيت لم تكن هناك رياح على الطريق مما جعل الناموس مستقرا في الهواء بخلاف ما إذا وجدت رياح فإنها تأخذه في اتجاهها
والنصيحة إذا حدث هذا أن تركن جانب الطريق مع مراعاة تشغيل أنوار الانتظار والمثلث إن وجد وغسل الزجاج جيدا بالماء وفوطة قوية حتى يزول أثر العدوان الناموسي
نسأل الله لنا ولكم السلامة

والنصيحة إذا حدث هذا أن تركن جانب الطريق مع مراعاة تشغيل أنوار الانتظار والمثلث إن وجد وغسل الزجاج جيدا بالماء وفوطة قوية حتى يزول أثر العدوان الناموسي
نسأل الله لنا ولكم السلامة..
و يفضل عدم الوقوف على الطريق ده ليلا اللا فى مكان امان .. لان فى حرامية راكبين 2\1 نقل بيطلعوا على العربيات فى الطريق ده و بيحاولوا يوقفوهم .. فالافضل عدم الوقوف اللا فى العمار

شكرا على الموضوع والنصيحة
ممكن استفسار هو ازاى الناموس بيحصل العربية وهية ماشية ؟؟؟
انا سقت كتير على الزراعى مصر اسكندرية ومحصلتش ابدا معايا

الموضوع فكرنى بفيلم bee لما النحلة بتلزق على القزاز الامامى بتاع العربية وتلاقى جمبها الاف االحشرات الطائرة لازقة

YouTube - Bee Movie - Trailer 3

المشاركة الأصلية كتبت بواسطة eng_mostafa_89

شكرا لحضرتك على التنبية دة
ان اول مرة اعرف الكلام دة

الله يبارك فيك يا باشمهندس

المشاركة الأصلية كتبت بواسطة hugan

بس هو مش بيظهر تقريبا غير في ايام الصيف في الشتاء البرد بيخيفيه

بالضبط كده...أنا فعلا أغلب سفرياتي على الطريق ده كانت في الشتاء

المشاركة الأصلية كتبت بواسطة dr zezo

حمدا لله علي سلامة حضرتك :e_braces[1]:

بصفة عامة لا احب القيادة علي الطرق الزراعية و افضل الصحراوية

لكن جزاك الله خيرا علي النصيحة ربما يأتي يوم احتاج اليها:f_eyeb1[1]:

الله يسلمك يادكتور.. أنا أفضل فعلا السفر على الطرق الصحراوية ...لكن حنعمل إيه..الطريق الدولي أصبح حل مثالي للسفر إلى بورسعيد في ساعتين ونصف 270 كيلو تقريبا..لكنه بالليل مشكلة لأنه في أغلبه مظلم

المشاركة الأصلية كتبت بواسطة mrsailor

والنصيحة إذا حدث هذا أن تركن جانب الطريق مع مراعاة تشغيل أنوار الانتظار والمثلث إن وجد وغسل الزجاج جيدا بالماء وفوطة قوية حتى يزول أثر العدوان الناموسي
نسأل الله لنا ولكم السلامة..
و يفضل عدم الوقوف على الطريق ده ليلا اللا فى مكان امان .. لان فى حرامية راكبين 2\1 نقل بيطلعوا على العربيات فى الطريق ده و بيحاولوا يوقفوهم .. فالافضل عدم الوقوف اللا فى العمار

جزاكم الله خيرا..حضرتك عندك حق المفروض يكون الوقوف في منطقة آمنة لأن الطريق نفسه صعب جدا ومغري لأي حد عاوز يعمل أي حاجة...في المنطقة من رشيد لإسكندرية بتكون في دوريات راكبة أحيانا لكن فيما عدا ذلك الطريق خرابة

المشاركة الأصلية كتبت بواسطة mohamed_refaat

ممكن استفسار هو ازاى الناموس بيحصل العربية وهية ماشية ؟؟؟
انا سقت كتير على الزراعى مصر اسكندرية ومحصلتش ابدا معايا

youtube - bee movie - trailer 3

ههههههههههه..هو الناموس مش بيحصل العربية وهي ماشية..هو بيكون واقف في الهواء على الطريق والعربية هي اللي بتخبطه وتسيح دمه على الزجاج والكبوت
وده مش بيحصل في كل المناطق ومش في كل الأوقات في السنة

احب اضيف نصيحه مهمه بخصوص العدو الصغير ده
انا من اسكندريه وبحكم عملى فى دمياط فبسافر كتير جدا جدا على الطريق ده وحفظته ناموسه ناموسه
الطريقه فعاله 100\100
اوانت لو مسافر فى وقت غير الغروب وما قبله بساعه او بعده بساعه يبقى متقلقش
ومن قبل الفجر بساعتين تلاته برضه متقلقش
دلوقتى لو اضطرتك الظروف انك تسافر فى المواعيد دى يبقى اقرا بعنايه
قبل ما تسافر مباشرة هتجيب كيس بريل وتفتحه وتمسح بيه مقدمة العربيه كلها (الفوانيس الشبكه الاكصدام النمر ضهرالمرايات الجانبيه)كله على خفيف (كيس واحد بس)
وبالنسبه للزجاج الامامى هتمسحه كويس جدا جدا وهتجيب ثمرة بطاطس وتقطعها نصين وتمسح بنص واحد البربريز مره واحده مش اكتر ومتخليش فى قربه الميه صابون مع الميه خليها ميه صافى ولو بتستعمل صبون يبقى مفيش داعى للبطاطس وسافروا وبعد اما توصلوا بالسلامه بشوية ميه صغيرين هتمسح بيه وش العربيه من البريل هتلاقيه اخد معاه الناموس ونزل وبالنسبه للزجاج وانت ماشى شغل المساحات بالميه عادى

المشاركة الأصلية كتبت بواسطة sherif_m72

احب اضيف نصيحه مهمه بخصوص العدو الصغير ده
انا من اسكندريه وبحكم عملى فى دمياط فبسافر كتير جدا جدا على الطريق ده وحفظته ناموسه ناموسه
الطريقه فعاله 100\100
اوانت لو مسافر فى وقت غير الغروب وما قبله بساعه او بعده بساعه يبقى متقلقش
ومن قبل الفجر بساعتين تلاته برضه متقلقش
دلوقتى لو اضطرتك الظروف انك تسافر فى المواعيد دى يبقى اقرا بعنايه
قبل ما تسافر مباشرة هتجيب كيس بريل وتفتحه وتمسح بيه مقدمة العربيه كلها (الفوانيس الشبكه الاكصدام النمر ضهرالمرايات الجانبيه)كله على خفيف (كيس واحد بس)
وبالنسبه للزجاج الامامى هتمسحه كويس جدا جدا وهتجيب ثمرة بطاطس وتقطعها نصين وتمسح بنص واحد البربريز مره واحده مش اكتر ومتخليش فى قربه الميه صابون مع الميه خليها ميه صافى ولو بتستعمل صبون يبقى مفيش داعى للبطاطس وسافروا وبعد اما توصلوا بالسلامه بشوية ميه صغيرين هتمسح بيه وش العربيه من البريل هتلاقيه اخد معاه الناموس ونزل وبالنسبه للزجاج وانت ماشى شغل المساحات بالميه عادى

الله ينور يا باشا