لقيت كمان الرينجات سعرها حوالي 130 جنيه للكيت الواحده بس لازم 10 طلبات حد ادنى
على العموم صديقي اتصل بالشركه اللي بتنتج الدي في دي وانا طلبت منه يجربه ويقولي على السعر للواحد وطلبت منه يجرب المميزات وكده وان شاء الله اما اعرف حاجه حبلغكو
لقيت كمان الرينجات سعرها حوالي 130 جنيه للكيت الواحده بس لازم 10 طلبات حد ادنى
على العموم صديقي اتصل بالشركه اللي بتنتج الدي في دي وانا طلبت منه يجربه ويقولي على السعر للواحد وطلبت منه يجرب المميزات وكده وان شاء الله اما اعرف حاجه حبلغكو
السلام عليكم يا رجاله الجهاز جامد جدا انا عرفت ان الاسعار دي غير شامله الكاميرا الخلفيه ولا التلفزيون(tv tuner+antenna) وكمان في كارت sd 2 جيجا بيتحط عليه الخرائط ولسه 100 دولار شحن ومش متاكد انه فيه لغه عربيه المهم انا اعرف واحد كان فاتح مكتب استيراد وتصدير ممكن يخدمنا علشان لو هناخد اكتر من واحد لازم بطاقه استيراديه بس للاسف قالي ان هيبقى فى جمارك وضرائب مبيعات عليه المهم هو بيستفسر القصه هتبقى بكام بالظبط ولو وقف علينا اوفر من هنا يبقى تمام لان الى هنا ب 5000 جنيه وبيتهيئلى من غير الكاميرا ولا ال tv ولا الكارت بس المهم نجمع اكبر عدد ممكن علشان نتوكل على الله ونشتري البتاع ده جامد جدا تاتش ويواس بى وشاشه مستني ردودكم
السلام عليكم ورحمة الله وبركاته
طبعا جهاز فوق الروعه وانا شايف 5000 جنيه مش كتير لو تخيلتو حضراتكم انه لو انه نازل
في العربيه في الأصل طبعا هتغلي تمن العربيه 10000 الف جنيه علي الأقل , بس هو غالي
في التمن علشان صناعته فقط (الصين) طبعا تفرق كتير لو انه بيونير او كلاريون او بنفس نوع
السي دي اللي راكب عندنا في البروتون .
شكراً على الخبر وفعلاً سعره غالى
5000 جنيه علي ايه بس........
خبر جميل بس غالي جدا جدا
السلام عليكم
فيه اخبار كويسه اول حاجه انه ان شاء الله بالاضافات الى هيه الكاميرا الخلفيه والتلفزيون والكارت ال اتنين جيجا مش هيبقى بخمس تلاف ولا حاجه ان شاء الله اقل وبعدين يا جماعه ده لو جبت دي في دي ب يواسيى وشاشه وتعد تخرم مسامير وبتاع علشان الشاشه ممكن تخش فى الفين جنيه يعني البتاع ده بصراحه جامد وفعلا ده لو نازل مع العربيه كان هيخلي سعرها تاني خالص تاني حاجه انه فيه بلوتوث يعني حاجه جامده جدا يعني لو عندك بلوتوث فى التليفون وده طبعا موجود يبقى تقدر ترد من الشاشه التاتش علي سمعات العربيه وفيه خاصيه انك ممكن تشغل حجتين فى نفس الوقت يعني لو معاك هد فون تقدر تسمع حاجه والي فى العربيه يتفرجو او يسمعوا حاجه تانيه وجامد جدا انه يبقى فيه كل حاجه كده بصراحه وهم وبعدين مخصص للجين يعني على قد المكان بالظبت يعني شيل وركب بصراحه نظيف اوي
ثالث حاجه انه ان شاء الله هيبقى فيه عربي بس دى الى مش اكيد بس ربنا يسهل و اكتر حاجه عجباني ال جي بى اس ملوش حل تقدر تسيف عناوين وان شاء الله بالعربي وتلاقى واحده بتقولك خش يمين بعد 200 متر وبتاع هاهاها بس عايزين نجمع ناس كتير علشان ننجز احنا كد ه اتنين انا و khpopo وربنا يوفق ان شاء الله
انا كمان محتاجه ولكن عندي سؤال هل صوته هيبقى بكفاءة الكاسيت اللي في العربيه ؟
هل هيكون اعتمادي ولا سنه وارمي ؟
لو متأكد من الحاجتين دول بالايجاب انا معاكم ولكن قوللي السعر اولا
تحياتي واشكرك
السلام عليكم ورحمه الله وبركاته .... موضوع جميل ومجهود رائع من صاحب الموضوع ( زى ماعودنا ) بالأضافه الى كل الساده الأعضاء الرائعين
راى الشخصى الجهاز رائع بكل المقاييس ... بس الخوف من عمره الأفتراضى والأعتماديه بتاعته ... كجهاز صينى حلو اوى عليه 3000 الى 3500 جنيه بس يكون شكله زى اللى فى صور صاحب الموضوع عبد الرحمن ( لأن اللى موجود فى مشاركه ابو مريم شكله مش ظريف اوى بالنسبالى مع تقديم كل الشكر ليه على مجهوده ) ... فياريت نشوف هنوصل لسعر كام مع الجهات الخارجيه واقل سعر نوصله نروح بيه على التوكيل اللى قال عليه عبد الرحمن ومع وجود كذا شخص عاوز يشترى ممكن ناخد خصم كويس وده فى سبيل راحه البال من ناحيه الضمان ودعم اللغه العربيه ... وده راىى المتواضع
ياريت يا دكتور اسلام وياريت لو تبعتلي الويب الي فيه الدي في دي ب 600 دولار لو سمحت
³µشطس°زôµ¼؛½|³µشطµ¼؛½²ْئ·-±براµدF6³µشطµ¼؛½-رإ¸َµ¼؛½-رإ¸َµ¼؛½²ْئ·دêد¸²خت
ده صديقي الصيني اللي جاب السعر وهو اللي لو طلبت حيشتري ويجرب
فيه خبر لذيذ جدا اني لقيت فريم يتحط بدل الفتحه اللي فيها السي دي بتاع العربيه وده منه نوعين.نوع فيه فتحه للسي دي العادي "الحجم العادي" وفيه اللي منه فتحه كبيره للدي في دي .سعره 300 جنيه بالشحن وبييجي لونين.اللون العادي زي اللي في عربيتي واللون السيلفر ححاول اجيب صوره ليكو ان شاء الله وده اللي ححاول ابعت بكره عشان اطلبه باذن الله بييجي بالدي اتش ال.
مش المفروض يكون سعره في حدود 1500 - 2000 ولا ايه رايكوا
هوه لو فيه موديلات تانيه كان سعره يوصل لكده ولو اتجاب عن طريق موزع بكميات كبيره سعره يوصل 2200-2500 بالتمام والكمال
الغريب ان مافيش غير مصنع واحد بيعمل الدي في دي ده في الصين والوحيد اللي فيه نافيجيشين عشان كده غالي.فسعر 5000 جنيه كده يوضح ان المكسب فيه الدوبل.لو اتجاب جوي وبالحته سعره في حدود 3500 جنيه وده السعر اللي المفروض يتباع بيه هنا
انا شايف ان الفريم برضه حل كويس
شوف يا باشا الموضوع ده إحنا إتكلمنا فيه زمان عن الفريم وماوصلناش لحاجة ......
http://www.nilemotors.net/Nile/105520-gen-2-dvd.html
السلام عليكم
انا فكرت في الفريم..لكن للاسف مش هاينفع للاسباب التاليه:
- انا لدي جهاز نافيجيشن NavKing, ووصلة الكهرباء لازم من ولاعة الجين 2 والولاعه بجانب الهاند بريك...هايكون مخرج الكهرباء منين؟ فكرت في وصلة كهرباء مباشرة من التابلوه للجي بي اس وهو داخل الفريم توكيل الناف كينج قالوا ان الجهاز هايتحرق لان الشاحن ده له مقاومه معينه...
- طيب المشكله التانيه, كل اجهزه النافيجيشن فيها ميموري كارد, الميموري دي عليها الخرائط + الملفات الصوتيه...يعني لو عايز تنزل ابديت جديد للخرائط على الميموري كارد هاتضطر تفك الفريم والوش وتخرج الجهاز كله برا عشان تشيل الميموري كل مره تحب تنزل خرائط جديده او كل مره عايز تنزل ملفات صوتيه على الميموري كارد...حل مش عملي خالص للاسف.
دي المشاكل اللي واجهتني حاليا, فا ريحت دماغي من التفكير هات جهاز جي بي اس وشغل كل حاجه عليه من ال اف ام ترانسميتر لا وصلات ولا غيره.
تحياتي
طيب ان شاء الله انا بعت اجيب فريم بلاستيك اعتقد بعد عشر ايام حركبه.انا جبت واحد double din وواحد one din وحشوف النظام ايه.اصلي بصراحه مستخسر ادفع 3500 جنيه في جهاز انا عارف ان كمان كام شهر سعره حينزل كتير
ححط واحد ان شاء الله
ومقدما
للبيع فريم لجن 2 double او 1.din
مش عارف بالضبط ايهما :)
تمام ان شاء الله يوصل بالسلامه, وتعرفنا الجديد بالصور ان شاء الله.
الجهاز غالي لاسباب كثيره...او بمعنى اصح مش يستاهل ربع المبلغ دا:
1- الجهاز صيني
2- الجهاز لا يدعم العربيه
3- الجهاز بناء على ما قرات في الموقع مش نازل معاه خرائط مصلا اصلا!! حد راسلهم و اتاكد من النقطه دي؟ ايه الهدف ان اجيب جهاز بالسعر ده وصيني ومش الاقي الخرائط والابديت بتاعها؟؟ مجرد منظر فقط؟
4- حتى لو جبت جهاز اصلي ب 2000 - 3000 جنيه بنظري انت الرابح, لو انت فعلا محتاج جي بي اس وتحتاجه في حياتك اليوميه والعمليه مش منظره...اولا الاجهزه الاصليه لها مكاتب وتوكيل في مصر..ثانيا ضمان على الهاردوير بعكس الصيني لو حصل اي حاجه لا قدر الله مش هاتلاقي حد وهاتخلي اي كهربائي يجرب فيه او هاترميه في اقرب باسكت قدامك..ثانيا كل الصيني اللي شفته في السوق خرائطه 2009 قديمه ومش كامله ومفيش ابديت اصلا وكل ابديت لما ينزل ب 100$ يعني لو حسبنا انك اشتريت خلال سنتين او 3 , 2 ابديت كدا كانك دفعت تمن الجهاز الاصلي مرتين او 3 كمان...لان الاجهزه الاصليه معاها ابديت مجانا للخرائط مدى الحياه وبعقد رسمي كمان..وجهة نظري ربما تكون صواب.
وبانتظار جديدك,
تحياتي
ييجو ان شاء الله بالسلامه بس وواحد فيهم يكون من نصيبك ابعت على الخاص رقمك عشان نتكلم
لو ينفع نودي الاتنين لواحد بتاع فيبر بحيث يعمل زيهم ونبقى فايدة لينا كلنا
انا شخصيا مش مقتنع بحكايه بتاع الفيبر دي عشان انا عارف شغل بلدنا كويس
لكن يا ابو مريم لمانجرب الفريم ان شاء الله ونلاقيه تمام نخليك تلم انت واللي عايزين تعملوه فايبر وتجيبو واحد ولا اتنين وبعدين تبقو تفصلو عليه بس شوف مين بقى اللي حيحتفظ بالاصلي ساعتها؟؟؟؟
طب مينفعش تجيب معاك واحد تاني دبل دن؟ وانا هبقى اتصرف في قصة بتاع الفيبر
حلو جدااا بس اعتقد سعره هايوصل ل 3000 قريبااا
وبكده الكل هايركبه
يا ريت والله المفروض اني اديت الامر بالاوردر وحولت الاموال.ولو طلبت تاني حيبقى اوردر جديد.
طب ايه رأيكوا فى ده
انا حد بعتهولى بس ماعرفش اى معلومات عنه
http://img9.imageshack.us/img9/6513/...7198296007.jpg
دا راكب بفريم في الجنبين وصورة العربية مش من مصر
واللينك ده فيه جهاز تاني من نفس الشركة يشبه الجهاز اللي في الصورة:
http://www.zerotohundred.com/newforu...-player-2.html
وثمنه 670 رينجيت يعني حوالي 1200 سحتوت مصري
بجد شكرا على الخبر الحلو ده
انا ليا واحد صحبى عنده لانسر شرك ومن كام يوم
راح شركه فى مصر وغير الكسيت
وجاب كسيت dvd وبلوتوث وgps وحاجات تانيه كتير وكان
سعر حوالى 4500