الموضوع: اضحك مع محمود بكر

ادى بئا الكاكولة و الكاكولة ولا الكوكولا هنئول بئا الكوكاكولا و المسابقة بتاعة الكوكاكولا لأحسن واحد يفرح بعد الهدف له عشر الاف جنيه...واحد يقوللي طب وتيجاني مفرحش ليه اقوله ده كان المفروض يقف دقيقة حداد هاهاهاهاهاها،ده الراجل حط الكورة ولا أجدعها مهاجم

مقدرش أقول كاكولة من غير مايقولولي قول .. لايدفعوني

"شركة كاكولا بترعى فكرة جديدة، لو اللاعب احتفل جيدا بعد الهدف سيحصل على جائزة، ناس معاها فلوس مش عارفها توديها فين فبتديها لحد تاني"

حسام (فرحات) معاه الكرة، واحد يقولي انت برضه بتقول فرحات مش عرفات، هقوله عديها بقى من بقولها كده من أول الماتش

"يحكم اللقاء طاقم بقيادة شريف رضوان، ويعاونه أحمد حشيش .. انت فين يا راجل مصر بتدور عليك"

"محمد عبد الشافي نشأ وترعرع في ملعب الغزل، وموطنه الأصلي المحلة" .. محمود بكر يعامل ظهير الزمالك على أنه ظاهرة طبيعية، وربما كذلك (يتغذى وينمو على غابات السافانا).

بس قبل ما اقول اى حاجة الصراحة لما دخلت الاستوديو عندنا هنا لقيت يعنى شاشة مش هى روحت طالع تانى لقيتهم بينادولى تعالى ده الاستوديو بتاعكم اتارى غيروا شاشة جميلة جولدى ايل سى دى ستة و عشرين بوصة مبئاش ليا حجة خالص

وادى مصطفى كمال يعمل حته من بتوع حسن على واحد يقولى مين حسن على ده اقوله كان زمان جون الترسانه حسن على لما كان الماتش بيبقى متذاع فى التلفزيون يروح ضارب شقبلاظ كده وهو بيصد علشان يبان فى الكاميرا كانت حاجات غريبة الصراحة

والاعلان اللى ظاهر ده غريب خالص واحد يقولى غريب ازاى اقوله الدكتور خضر قالى ده مسلسل بس هيتصور لاول مره تصوير سينمائى قلته وايه يعنى ماهى كلها صوره قالى لا دى الصوره هتبقى احسن عموما هنشوف وعلى فكره ده اللى بيعملوه فى امريكا يعنى دريم هتبقى امريكا

وزمان وائل جمعة بيقولو يا عم مورو انا لعبت على برازيلين حقيقين فى القارات انما انت طلعت تايوانى

تغيير نزول ابو تريكه مكان احمد حسن هو من الناحية التكتيكية اه بس من الناحيه النفسيه و العلاقاتيه يزعل احمد حسن

عايزين برضو نشكر الهيئات اللى عملت الملاعب الجميلة دى .. يعنى مثلا استاد السلام .. اتعمل فى حتة اسمها دار السلام .. ودى حتة شعبية وفيها شباب لبط .. ف بدل ما يبعلبو فى الشارع .. ييجو يلعبو فى الاستاد

دلوقتى الغلطه فى خط ضهر الزمالك ب 75 قرش

الناس هنا مدينلي الاسامي غلط وعم عبده اللي مسؤل عن الحاجت دي مش هيقدر يجي لان الاسنسير قاطع واحنا في الدور السابع ومفيش ميه حاجه غريبة والله

طارق يحي معروف .. لما بيتلط جون بيجهز انصارة على الدكة

اللى فوق دول من الفيسبوك و من فيلجول

اللى جايين دول من منتدى ماعفوش بس لقيتهم وانا بدور

- أحمد جعفر هو حسن جعفر

2-لما الجون أتلغى للزمالك-الكورة أتلعبت عادى والماتش شغال فقال(كده الزمالك بدأ يفوق والجون

التانى ده حيعلى المعنويات-يعنى لو واحد جاى من بره او بيعمل كوباية شاى....--أيه ده الكورة

مش جون أزاى...-طب نكمل الماتش وفاول للبترول)

3-أرضية الملعب النهاردة واضح أنه مضعضع

4-بيتكلم على طارق العشرى وعلى الأستقالة فقال (الراجل صح الصراحة -عايز لاعيبة جديدة

والأدارة مش راضية تجيب له او بلغة الكورة فرقة الحدود حصل فيها برجسة)


5-بيتكلم على ماتش بتروجت والجيش والأتنين قريبين فى النقط من

الاهلى فقال(لو سألت واحد أهلاوى على الماتش ده حيقولى وانا مالى أن شا الله يتعادلوا ولا

يفطسوا بعض --احنا الاول)

6-بيقول أن بعد الماتش الزمالك حنذيع ماتش بتروجت فأبقوا معنا أوعوا تروحوا فى اى حتة على

رأى عمرو اديب ومنى الشاذلى ومعتز أشمعنى هما يعنى -انا كمان أقول زيهم

7-أحمد غانم لاعيب بدأ يثبت نفسه بس عيبه أنه بيجرى وفى الأخر بيخبط فى حد ويقع
ِ
لو محدش لحقه وهو بيجرى حتبقى مشكلة لازم حد يلحقه او يبقى معاه وقت الجرى

8-الكورة جت فى وش جعفر فقال-الكروة ديه وحشة اوى بتخلى الوش ينمل-ربنا يكون فى عونه

الصراحة


9-لما جت الكورة فى وشه-- الجهاز الطبى أخد جعفرر بره الملعب

وحسام بيكلم ميدو وبيديله تعليمات فقال(حسام بيقول لميدو تعليمات سرية من ورا جعفر -

حسام لما صدق جعفر طلع علشان يقوله المعلومات)

9-فى أول الماتش الصورة جت على حسام حسن فقال(هههههههه حسام البدرى النهاردة فى

موقف صعب لا وأيه لابس لهم الترنج قال لنفسه الناس ديه مينفعش معاهم القميص والبنطلون

حسام البدرى ايه انا قصدى حسام حسن هاهاهاها)

10- جمهور الزمالك لما ولع شماريخ فبيقول(طب ليه كده-الجو فى أسكندرية وحش وكله عفارة

وغبار )

11- لما فتح الله أخد أنذار واللاعيبة كلها اتملت حوالين الحكم فقال-أحنا نموت فى اللمة لو فى

عركة تلاقى كله ملموم ومتعرفش مين بيضرب مين

12- بيتكلم على حسام اسامة فقال(الراجل الصراحة لف كذا لفة على الأندية وعمله كذا باكو لحد

ما جه البترول-راح الأتحاد وبتروجت والزمالك-الراجل الصراحة معاه شنطته وعمال يلف وكله بحسابه)



13- أحمد غانم رجع الكورة لعبد الواحد والكروة كانت قوية فقال (يا خبر أحمد غانم

مرجع بومبة لعبد الواحد)

14- بيقول (الزمالك نام الشوط التانى -واحد يقولى الزمالك نام ليه حقوله من دخان الشماريخ

يقولى طب ليه البترول منمش حقوله ماهو اللى حدف الشماريخ هو جمهور الزمالك)

15- المكان اليمين ده كان بيلعب فيه ناس كتير اوى حلوين فى الكورة معلش بقى مش حقول

أسامى علشان منساش-- الناس بيقولولى انت ليه مش بتقول أسمنا فأنا حسكت احسن

16-بيقول (حازم خرج وشيكا خرج يبقى كده لازم حد يغطى غانم احسن كده حيبقى عريان

17- أحمد غانم أخد الكورة ولسه الراجل بيستلم فقال(أهو حياخد الكورة ويطير)

18- كورة فتح الله لما ضرب مدافع البترول فى نص الملعب وفتح الله كان عنده أنذار وكان بكر عايز

يقول أن الكورة ديه المفروض انذار تانى وطرد فقال (ضربة قوية من فتح الله وعنده أنذار والحكم

بيجرى ناحية فتح الله واحد يقولى قصدك أيه حقوله انا مليش دعوة)


19-عبد الشافى والصفتى خطفوا الكورة من واحد بترولى فى منطقة

ال18 بتاعت الزمالك فقال(الحكم حيحسب ايه) فسكت لما لقى الحكم محسبش ضربة جزاء فقال

(الكلمة وقفت فى بوقى)

20- واحد حيقولى انت مع مين-حقوله انا مش مع حد انا محايد


21-فاول لميدو على خط التماس جنب حسام حسن فميدو شاور لحسام بأيدة وبيقوله أستنى

فقال(هاهاهاها ميدو بيقول لحسام أهدى انت بس خليك فى حالك انا حموتلك اللعب)

22-فى الدقيقة 80 تقريبا حسام بيكلم لاعيبة الزمالك فقال(هاهاهاها حسام أتجنن-- لاعيبة

الزمالك خلوا حسام يقوم ويتكلم لأول مرة فى الماتش )مع أن حسام طول الماتش واقف