ارجو الافادة عن مميزات وعيوب واسعار قطع غيار الصنى والاس اكس فور .. وشكرا .:rfds:
عرض للطباعة
ارجو الافادة عن مميزات وعيوب واسعار قطع غيار الصنى والاس اكس فور .. وشكرا .:rfds:
الـ sx4 حاجتها غالية ... بس كعربية أنا شايف إن مفيش وجه مقارنة بينها وبين الصني
لو مش قلقان من عدم انتشار ال SX4 يبقى توكل على الله عربيه جميله واقتصاديه وشكلها مميز :vctry:
سزوكى طبعا
الصنى
...توافر قطع الغيار .
سهولة الصيانة .
وسعر اعادة البيع كويس
ثبات حلو
تسارع جيد جداااا
المساحة الداخلية مش اوى
العزل ممتاز
والتكييف تأثيرة لايذكر على السحب
عفشة حلوة جدااا مقارنة بالسوزوكى
ابعاد العربية حلوة وسهلة الحفظ
صوت الموتور عالى ( بس مش اوى )
استهلاك البنزين عالى حاجة بسيطة
السوزوكى
ندرة قطع الغيار خارج التوكيل
... سعر اعادة البيع ضايع !!!
ثبات جميل
تسارع رائع
المساحة الداخلية نفس مساحة الصنى
العزل مش اوى
التكيف تذكيرة لا يذكر على السحب
عفشة انشف بكتيير من الصنى
شكلها مميز وجميل وخصوصا الهاتش باك
تقفيلها احسن من الصنى
استهلاك بنزين اقل من الصنى
ابعاد العربية تحس انها مش مظبوطة بس اكييد مع التعود هاتروح
صوت العربية حلو جدااا بس فى النقلات بتحس بيها اوى
فى المطالع الصنى تتفوق على السوزوكى مش عارف لية
على فكرة انا معايا الصنى والsx4 الهاتش باك قعدت معايا 14 يوم ( بتاعة بنت خالتى)
وكلامى دة عن تجربة
كلام جميل ... الصني ماجربتهاش بشكل كافي عشان اقول رايي
بالنسبه للsx4 انا مش معاك في بعض النقاط ...
المساحه الداخليه اوسع من الصني سواء الكراسي الاماميه او الخلفيه او الشنطه في السيدان
العزل ممتاز وافضل من الصني
العفشه فعلا ناشفه لكن مش عارف انشف من الصني ولا لا
...بس انا شايف ان المساحة الداخلية زى بعض للاتنين ..بس علشان سقف السوزوكى عالى مدى احساس انها اوسع بس انا شايف انهم نفس المساحة الداخلية وبالنسبة لشنطة السيدان ما شفتهاش ....اقتباس:
كلام جميل ... الصني ماجربتهاش بشكل كافي عشان اقول رايي
بالنسبه للsx4 انا مش معاك في بعض النقاط ...
المساحه الداخليه اوسع من الصني سواء الكراسي الاماميه او الخلفيه او الشنطه في السيدان
العزل ممتاز وافضل من الصني
العفشه فعلا ناشفه لكن مش عارف انشف من الصني ولا لا
وموضوع العزل ... ممكن يكون عندك احسن لان صوت موتور الصنى عالى بس بالنسبة للاصوات الاخرى فى الشارع نفس العزل والنيسان احلى شوية
عفشة الصنى لحد صيانة ال 5000 زى عفشتك بالظبط اما بعد الصيانة بقت انعم بكتيييييييييييييييييييييي يييييييير
وان شاء الله نعمل مقارنة بالصور بينهم قريب انا وانت هههههههههههه
بالنسبه للمساحه الداخليه وبالذاااات مساحة الارجل والارتفاع مش العرض الsx4 اوسع فعلا من الصني دي انا ماعنديش شك فيها
العزل ... بالعكس صوت موتور الsx4 عالي برضو وده اوحش حاجه في العزل بتاعها على الرغم من وجود عازل تحت الكبوت وخلف الماتور لكن بقيت الاصوات الخارجيه يعتبر عزلها ممتاز ... معرفش افضل من الصني ولا لا عشان ما افتيش ... لكن عزلها ممتاز
العفشه اتفق معاك ناشفه في الsx4 وحتى بعد صيانة ال 10 آلاف لكن في المقابل ثبات ممتاز وكان لازم تبقى العفشه رياضيه بالشكل ده عشان ارتفاع العربيه ونادرا لما تلاقي عربيه عاليه زي الsx4 وتديك الثبات ده ... بالمناسبه موضوع ارتفاع العربيه وانها مش بتوطى بالتحميل ميزه مهمه في العربيه دي تغفرلها بعض السلبيات البسيطه الاخرى
بانتظار تقييمك المصور للصني وانا من زمان كنت عايز اعمل تقييم مصور لكن الخبطه اللي في الباب سدت نفسي :stink[1]: بس ان شاء الله هعمله قريب
:Ta_clap[1]:شكرا لكم جميعا .. وبالنسبة لاستبعادى التيدا ده لانه فيه عرضين أمامى الصنى أتو فول أوبشن تقسيط بفوائد والـ sx4 موديل 2009 بدون فوائد .. وكدة يكون سعر العربيتين واحد تقريبا .
بالفعل حاجة محيرة لأن العربيتين أجمل من بعض الـ SX4 تقفيل يابانى 100 % و بيتم تقفيلها فى اليابان و ليس خارجها و صالونها بالفعل أوسع من الصنى و أنا كنت حأشترى الـ sx4 قبل ما أشترى الصنى لأنى لا أحب الأتوماتيك و لكن اللى حسم الموضوع أنها بتنزل أتوماتيك و قليل جداً لما بتنزل مانيول و دخت مع التوكيل و فى الأخر قالولى ما تحاولش بتنزل أتوماتيك و المانيول صعب جداً بالرغم من الإعلان عن أنها بتنزل مانيول و نصيحتى لك لو بتحب الأتوماتيك توكل على الله و أشترى الـ SX4
sx4 او تيدا
ربنا يوفقك للخير
ملحوظه :
شكر خاص منى لكل من شارك فى الموضوع لانهم تكلموا بطريقه غايه فى الادب و الاخلاق و الذوق على الرغم من تمسك كل واحد برأيه (اظن لو فى قسم تانى كانوا اكلوا بعض ) و هذا هو المتوقع من اعضاء محترمين و اظن المقابله عملت روح و جو أخوى و جعلت النقاشات تحترم الرأى و الرأى االآخر
Dr_Smart ان شاء الله الخبطة تتعدل ....ونعمل تقرير حلو
انا والله كنت داخل اقول كدة ...ربنا يكرمك ويخلى الروح الحلوة دى بينا ويبعد عننا مشاكل العربيات التانيةاقتباس:
ملحوظه :
شكر خاص منى لكل من شارك فى الموضوع لانهم تكلموا بطريقه غايه فى الادب و الاخلاق و الذوق على الرغم من تمسك كل واحد برأيه (اظن لو فى قسم تانى كانوا اكلوا بعض ) و هذا هو المتوقع من اعضاء محترمين و اظن المقابله عملت روح و جو أخوى و جعلت النقاشات تحترم الرأى و الرأى االآخر
الله يبارك فيكم جميعا على النقاش الراقى والنصائح الغالية .
هو ده الكلام