الموضوع: الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

المشاركة الأصلية كتبت بواسطة abouhaidy

سائق السيارة الحمراء استنى لما اليمين بقى فاضى بدليل اته ساب العربيه اللى على يمينه عدت
وبعد كده انحرف يمين زى الصور رقم 1و2 يعنى هو هدا السرعه لكن جضرتك ما هدتش او ما انحرفتش شمال ولو قليل

إزاي بس سائق العربية الحمراء استنى لما اليمين بقى فاضي
هو كان واقف في جراش عشان يستنى أو يسمح له بالإنتظار
دا واقف في وسط شارع صلاح سالم الساعة الثانية فجراً في الحارة الوسطى تقريباً وعلى يمينه حارة أخرى وعلى يمينها حارة أخرى وما تسمى بمأوى دخول فتحة يمنى

نيجي بقا ليه سائق السيارة الخلفية الصفراء ما قللش من سرعته وليه لم ينحرف شمال ؟؟
مين قال إنه كان خلفه تماماً ؟
وواضح إنه ضرب فرامل جامدة أول ما ظهر له الحركة الحمقاء من السيارة الحمراء والأرض شهدت بخطوط الفرامل لحوالي 10 متر

ليه ما إنحرفش يمين أو شمال ؟؟

أكيد عشان يمينه وشماله مشغولين بسيارات
وبعدين على ما يبص في المراية يمين وشمال يكون لبس في العربية اللي قدامه
فكان أفضل وأسرع حل هو ضرب فرامل قوية وخلاص

المشاركة الأصلية كتبت بواسطة khaled_nowaihy

الموظف غلطان بدرجة 70% لأن الطريق واضح وماكانش فيه أى عائق للرؤية أمامه-انا مش مصدق انه ما كانش شايفها-

ظروف الحادثة واضحة:
الساعة 2 فجراً (الرؤية مش زي الساعة 2ظهراً)
شهر 3 ودرجة الحرارة منخفضة والأسفلت ممكن تزداد زحلقته نتيجة الندى
مين قال إن مكانش فيه عوائق من سيارات أخرى

مسألة عدم مشاهدتها مبكراً واردة جداً

الرسم التوضيحي للتوضيح فقط مش 100%
يعني الطريق غير مستقيم 100% كما في الرسم

المشاركة الأصلية كتبت بواسطة mr_sameh

بتطبيق الحالات علي الحادثه المعروضه هيتضح ان اثار الفرامل 10 متر يعني العربيه الصفرا كانت ماشيه بسرعه اكبر من السرعه المسموح بيها في الطريق وهي 60 ك واعتقد من الفرامل ان العربيه سرعتها اكتر من 100 ك

مسافة التوقف لسيارة سرعتها 60 كلم/س هي 36 متر
بمعنى أن 10 متر لا تعني بالضرورة سرعة عالية

المشاركة الأصلية كتبت بواسطة mr_sameh

الحاله الاخيره وهي الانحراف المفاجئ للسياره الحمراء ودي روايه لايمكن اثباتها الا بالشهود وبالاقوال لاكن المعاينه مش هتسبتها الااذا اذا كان هناك اثار لذلك

السيارة الأمامية صدمت وهي تقف مائلة في الحارة الوسطى وهي حارفة وجهها لليمين لتلحق بدخول الفتحة وهي بوضع وقوف تام
والموضوع مش محتاج شهود لأن السيارة الحمراء خارج الموضوع أساساً
فالضابط الأحمق الذي حضر الواقعة إكتفى بالمقولة الشهيرة : (اللي بيخبط من ورا هو اللي غلطان) وأصحاب السيارة الحمراء بالتأكيد قبلوا ذلك ولكن هيروحوا من ربنا فين ؟

المشاركة الأصلية كتبت بواسطة ahmed0nouh

انا شايف السواق مش غلطان فى حاجه , طبيعه صلاح سالم فى الوقت ده ان الواحد على الاقل ماشى 80 ( ماشى على الرابع مرتاح ) وده مش جرى مقارنه بالناس اللى بتبقى ماشيه 100 فما فوق فى المكان ده

السيناريو اللى انا متخيله , العربيه اللى قدام فجأه أخد يمينه على اخر حته فى الدخله وبعدين لقى حد داخل الملف او الملف ضيق فهدى جامد ووقف تماما فى وضعيه واخد جزء من الحاره الوسطى والحاره اليمين , وسواق الشركه ماشى فى الحاره الوسطى وجاى حد من شماله فمش هيعرف يجى شمال

الفتره اللى هياخدها فى النظر للمرايات وبعدين رد الفعل ثم الفرمله عادى جدا انها تكون غير كافيه للوقوف خاصه ان العربيات بتبقى قريبه من بعض ومسافه 10 متر فرمله مش مسافه كبيره ابدا بالنسبه لسرعه فى رنج ال 80 وعربيه وارد جدا ان فراملها وكاوتشاتها مش فى حاله جيده

الله ينور يا باشا
إنت قرأت الحادثة بالظبط

المشاركة الأصلية كتبت بواسطة د.محمود صلاح

في وجهة نظر المرور اللي من الخلف دائماً مخطئ

لا توجد قاعدة تقول ذلك
وكل حادثة ولها ظروفها

لكن في مصر المرتشي اللي بيجي يعمل المعاينة غالباً بيقول كلمات من هذا القبيل لأن أساساً هو صول مش متعلم وملوش في حاجة
ثانياً هو جاي يهدد الكل بأي كلام ليجمع أكبر مبلغ من المال من الطرفين

المشاركة الأصلية كتبت بواسطة m_mekkawy

عندنا نظام ان المرور لازم يجى ويقيم الحادث
وبالصدفه البحته انا حصلى نفس الموقف اللى انت بتحكى عليه
انا كنت ماشى على السرعه المقرره وكانت 120 وواحد عمل نفس الحركه الزباله دى وكان بينى وبينه مسافه
ضابط المرور عاين الحادث والمفاجئه اللى عمرها ما حصلت لان السايد عندنا الغلط على اللى صادم من الخلف
لكن المرور طلع نسبة الغلط عليه 100% لانه لازم قبل ماياخد المخرج يكون فى الحارة اليمين قبل 200 متر منها من مكان اليفطه الأولنيه اللى بتبينله المخرج.

أكيد الكلام ده في السعودية
والأكيد الأكثر إنه مش في مصر

عموماً ظروف الحادثة متشابهة بشدة
لكن هنا السرعة المقررة 60 وممكن نقول إنه كان ماشي تقريباً 80 والله أعلم

المشاركة الأصلية كتبت بواسطة human12

المفروض الطريق له سرعه و هوه معدى السرعه بدليل الفرامل 10 متر و كمان خبط
و ثانيا المفروض انه مسئول عن ان يبقى فيه فرق بينه و بين اللى قدامه يسمحله انه يتوقف من غير ما يخبط فيه

هوه اللى غلطان معلش

ال 10 متر مش دليل خالص
حسب الموقع التالي الذي وضعه أحد الزملاء:
Stopping Distances for Cars

فمسافة التوقف من سرعة 60 كلم/س هي 36 متر

المشاركة الأصلية كتبت بواسطة terrible_darsh

هو اللى سرحان و مخدش باله ان الشارع هيفوته , المفروض كان التزم اليمين مع اشارة بسرعة هادئة و دخل الشارع عادى , لكنه شكله كان ماشي بسرعة و مخدش باله من الشارع و توقف فجاة , و ده خطاه بنسبة 95 % .

الصح انه يفوت الشارع و يدخل اى شارع تانى و يلف منه او ياخد يو تيرن و يرجع للطريق تانى بدل ما يتوقف فجاة و يعمل كارثة .

تمام يا باشا

لو هو عايز يدخل يمين يمسك يمينه في الحارة أقصى اليمين قبلها بفترة كافية
ويدخل مرتاح
لكن فجأة يفتك إنه المفروض كان يخش يمين قبل ما الفتحة تفوته بكام متر
يقوم داخل يمين كأنه ماشي في حديقته الخاصة فجأه
ولما يلاقي مشكلة يقف عشان مصمم برضه يدخل

واحد واقف في وسط شارع صلاح سالم في نصف الشارع في الحارة الوسطى الساعة 2 فجراً
ومستني لما الحارة اليمين تفضى عشان يخش في الفتحة اليمين
أنا مش عارف المفروض يتعمل فيه إيه ؟

ويجي المرور بعد الحادثة والعربيات لسه في وسط الطريق
أول كلمة يقولها (إركن عربيتك ياباشا عشان الطريق يعدي .. وخللي بالك ما تحاولش . اللي بيخبط من ورا هو الغلطان)
فعلاً بلدنا فيها مرور