الموضوع: الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

المشاركة الأصلية كتبت بواسطة omaroof

ماشى يعم نشوف بس ماتتعركش معايا

ربنا ما يجيب عراك يا باشا

1- الحوادث المروريه موش كلها سببها عدم ترك مسافه ولكن الكثير منها

بفرض ان "كثير" منها دة السبب يبقى "كثير منها" اللى ورا غلطان مش كلها

2- صاحب والدك غلطاااااااااان والسبب اذاى المرور مخنوق وماشى 60

دا طريق مصر اسكندرية الصحراوى يعنى السرعة المقررة 100 كيلو فى الساعة

واللى امامه لما انحرف فجأه يعنى اللى امامه وقف فجأه وهوا قدر ان الفرامل موش حاتسعفه فحود شمال وطبعا صاحب والدك عشان موش منتبه راح لابس طخخخخ

مهو دة عنصر الخداع اللى بقول علية و دة السبب فى الحادث اللى اتكتب عنة الموضوع دة... العربية الاولى كانت شايفة العربية المتوقفة و اخدت القرار الصح... عربية صاحب والدى اخد انتباهه العربية اللى حودت بشكل عنيف للحظة ( و دة رد فعل طبيعى لاى انسان) و بعدها لقى العربية النص نقل فى حضنة

موقع الشخص على الطريق له عامل اساسى فى تحديد الغلطان

هل معنى كدة ان اى حد "ورا" يبقى غلطان بغض النظر عن اى ملابسات اخرى؟؟... يعنى لو واحد طلع من طريق جانبى قدامى و انا دخلت فيه و كانت ماشى بالسرعة القانونية ابقى انا الغلطان؟؟؟

لان تخطيط الحادث بيجى يشوف الخبطه وبناء عليها بيعرف مين اللى كان متاخر عن التانى ولذلك كان المفروض انه ينتبه حتى لا يصير الحادث ( يعنى اللى ورا غلطان)

مينفعش ان اللى ورا يبقى غلطان و السلام... دى كدة دعوة عامة للرعونة فى القيادة و عدم الاحتراز طالما اللى وراك هو اللى حيشيل الليلة كدة كدة

طبعا اللى ورا مايكونش غلطان فى بعض الحالات مثلا واحد فى حاره يمينك وفجاه رمى عليك فكان نصف عربيته امامك فخبطه هوا اللى غلطان
طبعا الاخوه حايتعاركو معايا دلوقتى

يعنى لازم يبقى نص عربيتة امامى... مينفعش تبقى كلها امامى و بينى و بينة 10 سنتى و هو سرعتة نص سرعتى مثلا؟؟؟... كدة حيعتبر انى انا اللى مديتش مسافة امان بينى و بينة؟؟؟

this is a clear lane change violation and not the fault of the trialling car

لكن فى مصر بقى
مين بيسيب مسافه امان؟
مين يعرف قونين مرور؟
مين غلطان او مظلوم بيعرف ياخد حقه؟
مين حايصلحلك العربيه؟

ولا الهوا يا معلم... 99% من اللى فى الشارع معاهم رخص بالواسطة و مبيعرفوش يسوقوا اساسا (السواقة مش انك تحرك العربية لكن ازاى تتعامل مع سير المرور و العربيات اللى حواليك) و محدش منهم يعرف حاجة عن المرور

دى مشكلة كبيرة فى مصر و ملهاش حل... او حلها الوحيد هو الغاء تراخيص كل الشعب و يعاد امتحانهم مرة تانية عند التجديد بس يبقى امتحان بجد زى بتاع الدول المحترمة و تتلغى الواسطة

اخوك(معاه رخصه دوليه من 9 سنين واتمرمط فى الطرق الدوليه)

طبعا لو سقت برخصة مصر فى اى بلد بتبعتبر سايق بدون ترخيص... دا يمكن اهون تقول معييش رخصة عن انك تطلع الرخصة المصرية... صح؟

اوكى عزومتك سمك وجنبرى واستكوزا بس انا اللى حاعملها بايدى
بايدددددددددددددددددددددد دددى هههههههههههههههههه

اوبا... شكلك ملكش فى الطبيخ يا ريس... خلاص خليها شندوشتات اى حاجة... الواحد عمرة مش بعزقة

MMamdouh