الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

اقتباس:

---

المشاركة الأصلية كتبت بواسطة ahmed1981

إدارة الشركة حكمت في الموضوع
طبعاً بعد أن عرضت عليهم آرائكم

والحكم كالآتي:
نسبة الخطأ على السيارة الحمراء 100%
ولكن حيث أن الموظف قائد السيارة الصفراء أفاد بأنه كان متجاوز السرعة المقررة وهي 60 كلم/س في تلك المنطقة من الطريق
وأن سرعته كانت حوالي 90كلم/س
تم تحميله نسبة 25% من الخطأ

وبذلك يتحمل هو 25% من تكاليف إصلاح سيارة الشركة تخصم على فترات من مرتبه
وتتحمل الشركة نسبة 75% من التكاليف

والشكر لكل الزملاء الذين شاركوا بآرئهم في هذا الأمر
بارك الله فيكم وأكرمكم جميعاً

---

قرار سليم... مع ان المهندس مش شغلتة يسوق عربية الشركة بس طالما وافق يعمل كدة يتحمل النتيجة... اعتقد الشركة لم تجبرة على سواقة السيارة... صح؟؟

MMamdouh

اقتباس:

---

المشاركة الأصلية كتبت بواسطة Ahmed Nouh

ده بعد كدا الموظف ده لو فى مصيبه فى الشغل ومفيش سواق ميتحركش من مكانه ابدا

---

انا بعمل كدة اساسا... اما الشركة توفرلى عربية بسواق او باخد تاكسى على حساب الشركة... انا مليش دعوة بسواقة و كلام من دة... دة مش شغلى ولا انا عايز اتحمل المسؤلية دى

MMamdouh

اقتباس:

---

المشاركة الأصلية كتبت بواسطة midomizo

المخطا بنسبة 100 % صاحب السيارة الصفراء

هو وقف انت تخبطة لية .....واية اليخلي صاحب الصفراء (العربية) يمشى بسرعة خلاص وراه الديون

---

يا باشا انت شكلك مقريتش الموضوع كويس... القصة اكبر بكتير من "واحد وقف و التانى خبط"

MMamdouh

اقتباس:

---

المشاركة الأصلية كتبت بواسطة sab3aawy

لو كانت السيارة الحمراء والصفراء فى الأصل فى نفس الحارة فطبقا لكل قوانين المرور فى مصر والعالم فالخطأ بنسبة 100% خطأ السيارة الصفراء حيث ان القانون واضح وصريح فى مسئولبة سائق السيارة بنسبة 100% عن الأضرار التى تسببها مقدمة سيارته ، او بمعنى اخر ان السائق فى الخلف يتحمل الخطأ بنسبة 100% ، اما لو كانت السيارة الحمراء (كسرت ) عليه من حارة على يسار حارته ثم توقفت، يعنى مثلا الأصفر كان ماشى فى الحارة الوسطى والأحمر فى اليسرى ثم كسر الأحمر الى الحارة الوسطى وتوقف فهنا من المفروض ان يتحمل الأحمر الخطأ كاملا، لكن حيث ان علامات الفرملة فى الطريق تشير الى ان قائد السيارة الصفراء كان يسير بسرعة اكثر من السرعة المسموح بها فى هذا المكان وهى 60 كم فى الساعة يبقى عليه نسبة تحمل من 10 الى 30% بحسب زيادة سرعنه عن السرعة القصوى للطريق

---

ازاى بس يا ابو السباع؟؟؟.... معنى كدة ان اللى سايق قدام يعمل اى حاجة و اللى ورا علية يتصرف و يشوف حل...

الكلام دة معلش لو اللى ورا مش سايب مسافة امان... بس دة لا يعنى ان اللى قدام من حقة يعمل اى كوارث و ميبقاش علية اى لوم

MMamdouh

اقتباس:

---

المشاركة الأصلية كتبت بواسطة sab3aawy

كتبت ردى السابق قبل قراءة حكم الشركة ومن الواضح ان وجهات النظر متقاربة الى حد كبير

---

يا ابو السباع انت بتقول الغلط على العربية الصفراء و قرار الشكرة ان الغلط على العربية الحمراء... وجهات النظر متضاربة

MMamdouh

اقتباس:

---

المشاركة الأصلية كتبت بواسطة powerofhelll

السياره الصفراء نسبه الغلط تتعدي 70 %
زحف 10 متر و اصتدام يعني كان متجاوز حاجز 130

---

باشا لو سمحت انزل جرب فرامل مفاجئة على 130 و شوف حتزحف كام متر

الفرملة من سرعة 48 كيلو بتعمل حوالى 12 متر زحف او حاجة كدة حسب الموقع اللى اشار لية احد الزملاء

انا زاحف قبل كدة على سرعة 130 و احب اقولك ان 10 متر حوالى تلت المسافة الزحف اللى زحفتها

MMamdouh

اقتباس:

---

المشاركة الأصلية كتبت بواسطة Eng:mohamed

غريبه قوى....
يعنى المفروض بقى لو حصل موقف زي ده...الموظف اللي مش المفروض انه يسوق....يصر على وجود السواق...و ميروحش المشوار؟؟؟
إزاي يتم تحميله جزء من المبلغ؟؟؟؟

---

طالما وافق بارادتة مينفعش بقول "مليش دعوة"... الكلام دة كان من الاول و كان رفض انة يسوق عربية الشركة... طالما وافق يسوق يبقى وافق يتحمل المسؤلية

MMamdouh

اقتباس:

---

المشاركة الأصلية كتبت بواسطة mmamdouh

اعتقد الشركة لم تجبرة على سواقة السيارة... صح؟؟

mmamdouh

---

بالتأكيد الشركة لم تجبره
لكن لازم تقدر إنه لم يوقف الأمر وقتها ويطلب بسائق أو بوضع بديل

مهو عدم ايقاف الامر كلفة 25% من قيمة التلفيات... لو انا مكانة موافقش على انى اسوق عربية الشركة و اتحمل مسؤليتها

عموما اللى حصل حصل و محدش فى ايدة انه يغير الماضى... المهم نتعلم عشان المستقبل

MMamdouh

اقتباس:

---

المشاركة الأصلية كتبت بواسطة mmamdouh

باشا لو سمحت انزل جرب فرامل مفاجئة على 130 و شوف حتزحف كام متر

الفرملة من سرعة 48 كيلو بتعمل حوالى 12 متر زحف او حاجة كدة حسب الموقع اللى اشار لية احد الزملاء

انا زاحف قبل كدة على سرعة 130 و احب اقولك ان 10 متر حوالى تلت المسافة الزحف اللى زحفتها

mmamdouh

---

ده علي حسب نوع العربيه و الفرامل بس متنساش انه مزحفش بس ده زحف و خبط كمان علي سرعه عاليه يعني اجمالي المسافه 10 + قوه الخبطه