الموضوع: الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

في مثل بيقول Don't be the right dead

تلاقي واحد نقل ماشي يطوح تقوم ماشي جنبه وتقول هو اللي غلط هتلاقي الناس ماشيه في الجنازه تقول الله يرحمه كان علي حق

يا جماعة انا حزين جداااا من ردود الناس بجد
أولا اللى يرد لازم يراعى ضميره!!!
بعدين اتا أفهم ان يبقى فى أختلاف فى الاذواق بين الناس مثلا , بس موضوع زى دا مش قادر مخى يستوعب ازاى ناس تغلط اللى ورا بنسبة 100 او 70 او 50 % ؟؟؟

أولا بالنسبة للموضوع بتاع مين يتحمل التكلفة , الرد الشركة بنسبة 1000000 فى المية حتى لو المهندس كان قاعد ياخد غرز بالعربية و ماشى على 200 و داس 3-4 أشخاص او حتى كان نايم و هو سايق و بيتكم فى الموبايل و باصص وراه!!, عربية شركة = بتنزل مشاوير كتير كل يوم , طبيعى جداااا ان العربية تبقى عرضة للخبطات و الحوادث سواء بسواق و لا لأ , دى الحادثة بتحصل فى ثوانى و ممكن حتى منغير متكون غلطان , انا مثلا و انا سايق عربيتى بالليل و الدنيا فاضية و ماشى فى طريقى عربية جنبى عومت و دخلت فيا من الحارة اللى جانبى و انا ماشى فى طريقى!! يبقى ازاى شركة متعملش حسابها و تأمن على عربيتها , بعدين تانى حاجة مهنة الشخص دا فى الشركة (مهندس/سواق) و لا (مهندس /مرمطون) و لا مهندس بس؟؟ اكيد مهندس بس يبقى غلطة الشركة انها تبعته مشوار منغير سواق و تتحمل تمن غلطتها لأ و كمان بعربية مش متأمن عليها!!
دى بالنسبة لنقطة مين اللى يدفع , نيجى بقا لنقطة مين اللى غلطان , يا ريت اللى بيقول اكيد المهندس كان سايق اكتر من 60 يراعى عقله و ضميره , انا لو ماشى بالليل الساعة 2 فى صلاح سالم و لقيت واحد ماشى على 60 فى الحارة اللى فى النص هقول عليه مجنون علطول , جرب انزل صلاح سالم و شوف كدا ينفع تمشى فيه على 60 و لا لأ!! , دى 60 فى صلاح سالم الساعة 2 بليل قليلة لو هيمشى على الرصيف , احنا مش بنتكلم من الناحية القانونية , احنا بنتكلم من ناحية العقل , لو نمشيها قانونا لو الراجل ماشى فوق 60 يبقى مهما كانت الظروف اللى قدام هو اللى يشيل الليلة , لو ماشى اكتر يبقى اللى قدام يصلح عربيته و اللى ورا الشركة تصلحها على حسابها.
يبقى من ناحية العقل و المنطق انا ماشى فى طريقى فى امان الله فى وسط الشارع واحدة (واحد حتى مش فارقة) قررت فجاة توقف و تخش يمين فجاة سواء ادت اشارة او مدتش دى غلطة قاتلة , ممنوع منعا باتااا حد يقف فى وسط الشارع كدا , يا ريت فى ظروف خليتها توقف ليعنى عربية وقفت قدامها ساعتها العربية اللى وقفت قدامها هى اللى تشيل الليلة كلها او كان فى اصلاح فى الطريق , ساعتها الشركة اللى بتعمل الاصلاح هى المسئولة , لأ دى واحدة قررت تحود فجاة فى طريق سريع و تيجى من الحارة اللى فى النص للحارة اللى على اليمين !!!
حاجة مستفزة لأ و ناس تقول هو غلطان رده اصله معملش حساب خطا الغير .
أولا احنا منقدرش نحكم هو كان سرحان و لا حاجة كدا و لا لأ لاننا منعرف الظروف بالظبط ممكن تكون الست اتحركت للحارة اللى فى الجنب و رجعت تانى , ممكن يكون كان بيبص فى المراية على الطريق فى الوقت اللى هى كانت حتنتقل للحارة التانية و غيرت رايها , ممكن يكون كان فى عربية فى النص بينهم و اتحركت فجاة و ممكن يكون هو كان سرحان , تانى حاجة مسافة 10 متر فرامل على الارض كتير بس فى حاجات احنا منعرفهاش يعنى مثلا يا ترى العربية حصلها ايه , يعنى مثلا خبطة بسيطة اكصدام و فوانيس بالكتير و لا موتور و حاجات كدا؟ لان لو الاكصدام معنى كدا ان العربية توقفت تماما و منعرفش موديل العربية و نوعها و نوع الفرامل Abs و لا لأ و حاجات كتير علشان نحكم , مش ممكن العربية 128 مثلا فكدا 10 متر مش كتير خالص خصوصا انها هتتزحلق و ممكن حاجة احدث منغير abs و برده هتاخد مسافة , من الاخر محدش يقدر يحكم اللى ورا كان فى نسبة خطا عليه و لا لأ و لو فيه برده الشركة هى اللى تتحمل مسئولية خطاها و بخلها انها متديلوش سواق و تامن على العربية الاتنين مش حاجة منهم بس!!

اخر حاجة انا فى رايى الشخصى لاززززم يخلوا التامين على العربيات اجبارى فى مصر و يقللوا النسبة يخلوها 1.5% او 1% مثلا لان كدا مصر كلها هتبقى مامنة يعنى هيكسبوا بالهبل , 2-سبب غلطة الست اللى قدام تخلف الشوارع المصرية و نظام "ان فاتك الاولانى مش هيرجع تانى" فى الفتحات و الu-turns , يعنى علشان ترجع تانى تخش فى نفس الفتحة مشكلة علشان كدا كتير منا بيعمل حاجات هبلة , و الله انا بشوف مناظر غريبة عربية مثلا ترجع بضهرها من فوق مطلع كوبرى اكتوبر علشان طلعت بالغلط و مثلا حاجة كدا مش عارف الومها ازاى (طبعا نفسى يتقبض عليه) بس بفكر برده لو طلع الكوبرى (من مطلع مدينة نصر) لازم يمشى فى الزحمة ساعة الا ربع علشان يقدر لاول حتة ينزل منها من على الكوبرى و يطلع تانى علشان يرجع فى نص ساعة تانية!!

اخيرا تحية لاحمد نوح على كلامه

المشاركة الأصلية كتبت بواسطة elakawy

العربية الحمراء طبعاً غلطانه مفيش حد يقف الوقفة دي وبعدين العربية الصفراء ماشية في طريقها عادي

+11111111111111111111111111111111111111111111

..يا سيدى الفاضل..هو حد ليه مصلحه لو غلط ده ولا غلط ده..عشان حضرتك تقول كده...
كده باين ان حضرتك حكمت على من إختلف معك فى وجهة نظرك انه لم يراعي ضميره؟!!!!!!!!!!!!!!!

صاحب الموضوع بيسال عن راينا علشان يعرف يحكم على المهندس و قال

أتمنى أن تضعوا آراءكم حتى نستطيع وضع نهاية لتلك القصة

دا كلامه مش كلام , يعنى معنى كدا اللى يكتب رد لازم يهتم بدقته لان كل واحد بيكتب رد دلوقتلى بيبقى زى القاضى بالظبط بيحكم على الراجل.

بالنسبة للاختلاف معايا , فانا مش شايف اساسا وجه للاختلاف , عربية وقفت فجاة فى الشارع علشان تحود ,نفترض الراجل ماشى بسرعة (الساعة 2 بليل ف شارع واسع زى صلاح سالم) خبط العربية , تبقى غلطة مين؟؟
يعنى مثال توضيحى كأن عربية ماشية على 20 عكس اتجاه و عربية تانية ماشية على 200 فى الاتجاه السليم و خبطوا بعض ف الوش , ممكن نلوم اللى ماشى على 200؟؟
هى دى فيها اختلاف؟؟