مطلوب custom هوندا بحالة ممتازة
عرض للطباعة
مطلوب custom هوندا بحالة ممتازة
هههههههههههههههههههههههه خلاص ضربت في دماغك وكمان مسمهاش كاستم الا لو قصدك موتوسيكل كاستم مايد زي الشوبر وكده
اسمه كروز بايك عموما
لو حتجيب كاستم هات هوندا شادو 400 لو دورت في مصراوي والوسيط حتلاقي معروضين للبيع وكمان موقع كار100100
الشادو افضل من الاستيد في الحجم وقوة التحمل والشكل كمان
وبتعمل ال 400 من 21 ل 25 الف
بس لو عايز كاستم محترم فعلا قوة وحجم وشكل ابتدي ب شادو 750
موديل تسعينات او 2000 بيبدا من 30 الف وطالع
تاخود برأي
إبعد عن الشادو لإن التحكم فيها صعب جدا بالنسبه لمصر
لأنها عايزه طرق مفتوحه وإنطلق لكن الإنسيابيه بتاعتها تعبانه وعلى فكره ده بعد إذن الإداره من غير أرقام تليفونات
عندي شادو 400 و شادو 750 وعندي ستيد 400 وستيد 600 وعندي ريبل 250 يعني عارف أنهي أنسب بالنسبه لمصر لأني جربت قيادتهم كلهم عايز تعيش حياتك إركب ستيد 400
طيب بكام الستيد؟
الاستيد من 16 الى 19 حسب حالتة والكيلو متر وشكلة العام والاكسسوار
الستيد الـ 400 بتعمل من 14000 جنيه لغاية 18000 جنيه
والستيد الـ 600 بتعمل من 17000 جنيه لغاية 22000 جنيه
وبتختلف الأسعار من الأغلى للأرخص حسب الكلام ده
1-إفراج جمركي ومامشيتش في مصروالحاله طبعا ممتازه
2-إفراج جمركي ومشي في مصر والحاله ممتازه
3-معلقه نمر والحاله ممتازه
4-إفراج جمركي بس مشيت والحاله على قدها
5-معلقه نمر والحاله على قدها
طبعا أي عيب في الموتور أو لحام في الشاسيه أو حلت وإتعملت بيخفس بتمنها الأرض
طبعا الإداره مش هاتسمح برقم التليفون عشان كده مش هاقدر أكتبه
إنت ممكن تكتبلي إيميلك وانا أبعتلك