الموضوع: تى إى داتا تحجب المواقع الاباحية مجانا

المشاركة الأصلية كتبت بواسطة dr ahmed abdelghany

مش عارف أقتبس من كلامك إيه وللا إيه يا سيدى الفاضل ( n.y.s.m.a) ماشاء الله عليك

بارك الله فيك

في حاجة كمان كنت عايز أوضحها وهي إن كلامي كان بصورة عامة عن السياسة اللى أنا شايفها صحيحة والتي يجب إتباعها من قبل الدولة بصفة عامة وهي وظيفة الدولة في درء المفاسد عن شعبها أيا كانت هذه المفاسد من مخدرات أو جنس أو ..... ، على إفتراض إن حكومة الدولة رشيدة (كما يجب أن يفترض)

ولم يكن عن هذه النقطة الخاصة بهذا الموضوع وهي قيام تي إي داتا بحظر المواقع الجنسية

لأني لو هاتكلم في النقطة دي وبالمقارنة بأحوال الدولة السياسية وكمان إمكانيات تي إي داتا التكنولوجية المتواضعة بالنظر لخضوعها بالكامل للشركة المصرية للإتصالات ومن ثم الحكومة المصرية يبقى ممكن أصلا يكون في نظر وتشكيك كبير في قدرتها والأهم في أهدافها لما ألاقي موقع زي كفاية محجوب وصعب قوي يكون من قبيل الخطأ المهني فقط ..!!! لأن مش ممكن موقع زي ده يصنف على إنه جنسي

ساعتها هايكون في إعتداء فعلا على الحرية الشخصية

عشان كده من حيث النقطة دي فقط وهي حظر الموقع الجنسية "في دولة زي مصر وبالنظر لأحوالها الفعلية" ... أنا رأيي الشخصي إنه يكون في حظر عام عليها فعلا من قبل جميع الشركات في مصر ولكن ...

المواطن البالغ الراشد يعني سنه 21 سنة فما فوق ويكون الخط بإسمه شخصيا ... يكون له الحق في فك الحظر عن إشتراكه بمجرد طلبه لذلك وإبراز بطاقته الشخصية مع إثبات إن الخط بإسمه بالفاتورة مثلا يعني الموضوع بسيط جدا (وأهمية إن يكون الخط بإسمه لإنه ساعتها معاناها إنه بيصرف على نفسه .. يعني مسئول عن نفسه مسئولية كاملة)

يبقى أنا كده عملت حظر على الفئة الغير راشدة وفي نفس الوقت لم أضع العراقيل أمام حرية المواطن المسئول بعد نضجه عقليا وفكريا أولا ...

وخصوصا إن في مواقع كتير جدا بيتم تصنيفها على إنها جنسية بالرغم من خطأ ذلك وبتكون المواقع دي مهمة جدا لناس كتير في سوق العمل غير مواقع التورنت واللى زيها واللى لمجرد إنها بتقبل إعلانات من درجة معينة بيتم تصنيفها على إنها جنسية خطئا أيضا يبقى لازم يكون في باك دور للناس دي

لأني فعلا باشوف الناس بتتعذب إزاي في السعودية واللى زيها لنفس السبب برغم إن المواقع اللى بيكونوا عايزينها مافيهاش حاجة خالص بس الحظر بيكون بغباء وخلاص

لو أي حد عايز الموضوع ده وعلى أي شبكة يشترك في حاجة اسمها OpenDns
OpenDNS | Internet Navigation And Security
باختصار الDNS ده هو اللي مسئول انه يوصل الكمبيوتر بالعنوان الرقمي بتاع الموقع كل شركة بتقديم DNS بتاعها ومن خلاله بتمنع أو تفتح موقع. OpenDns ده مش مرتبط بشركة و أي حد ممكن يستخدمه. مجرد تسجيل مجاني وتعديل عندك في الكمبيوتر عشان يستخدم OpenDns بدل الDNS بتاع الشبكة الأصلية. بس هما لهم الحق إنهم يعرفوا العادت في التصفح عشان يبيعوها لشركات زي Google عشان تبعتلك اعلانات موجهة أكتر. معلومات احصائية بس لا يمكن يكون فيها معلومة تفصح عن شخصيتك أو أي حاجة شخصية.

المشاركة الأصلية كتبت بواسطة john_samy_1

لو أي حد عايز الموضوع ده وعلى أي شبكة يشترك في حاجة اسمها opendns
opendns | internet navigation and security
باختصار الdns ده هو اللي مسئول انه يوصل الكمبيوتر بالعنوان الرقمي بتاع الموقع كل شركة بتقديم dns بتاعها ومن خلاله بتمنع أو تفتح موقع. Opendns ده مش مرتبط بشركة و أي حد ممكن يستخدمه. مجرد تسجيل مجاني وتعديل عندك في الكمبيوتر عشان يستخدم opendns بدل الdns بتاع الشبكة الأصلية. بس هما لهم الحق إنهم يعرفوا العادت في التصفح عشان يبيعوها لشركات زي google عشان تبعتلك اعلانات موجهة أكتر. معلومات احصائية بس لا يمكن يكون فيها معلومة تفصح عن شخصيتك أو أي حاجة شخصية.

شكرا يا جون على الإضافة القيمة والتي تستحق وافر التحية والتقدير....ربنا يهدي..ويسترنا في الدنيا والآخرة

الديمقراطيه مش معناها حكم الاغلبية