نصيحتى اشترى الاكسنت دلوقتى وما تستناش الاشكال الجديدة

طبعا يا جماعة انا مش بعمل دعاية لعم غبور بس قريت كام موضوع هنا عن نزول الاشكال الجديدة وكلام جميل كتير .....انا مليش دعوة بالانترا لان فية موضوع هنا اتعمل عن توقع سعرها واللى غالبا هيكون غالى جدا .......بس هنا حديثى عن النيو اكسنت

كتير مننا نفسو يشترو العربية دة وكان منهم انا اللى ربنا وفقنى واشترتها فى شهر واحد اللى فات ولو رجع الزمن بية تانى كنت هشتريها بس اوتو علشان راحة السواقة

بس هل تشتريها دلوقتى فى التوقيت دة لحد معرض اوتوماك ولا تستنى الشكل الجديد؟؟؟؟

الاجابة بدون تفكير اشتريها دلوقتى لتلك الاسباب
1:موديلات 2011 بتاعت بكين مش شرط تتسوق للشرق الاوسط وبالذات مصر فى وقتها
2:اى موديل فى اى ماركة بينزل فى بلدو بتاع سنة وشوية وبعد كدة نبدأ نشوفو فى مصر
3:غبور اصلا عندو سياسة انو ما يحرقش عربيتو يعنى ماهو لسة منزل الاكسنت سبورت دة اللى هى المفروض الفيس ليفت اللى نازلة فى بعض الدول على ان تباع مع العادية اللى بتتسوق فى دول تانية فاكيد لازم يسيبها شوية على الاقل سنة كمان
4:الاى 20 اللى نازلة فى العالم كلو بقالها سنتين ...مفيش منها غير اليتيمة اللى مرمية فى ابو رواش ومش عارفين يحددو سعرها
5:الفيرنا اللى عندنا ومازالت لسة بتتجمع فى بلدنا الوحيدة مصر
6:غبور اصلا ممكن يقرر ما يجيبهاش مصر او يخترع افتكاسة انو يجمع الاكسنت بدل الفيرنا
دة ساحر ويعملها توقعوا منو اى شئ
7:بلاش نسرح باحلامنا ونتخيل انها لو نزلت حتى بعد سنة هتنزل بنفس السعر دة اقل واجب هتزيد 10 الف وهيسموة التطور الطبيعى للتكنولوجيا وساعتها ال هتدخل فى رينج تانى انت ممكن تجيب بية حاجة تانية دلوقتى احسن
8:اة اللى يضمنلك التكنولوجيا الجديدة ....اة اللى يضمنلك ما تبقاش فيها تعقيدات ميكانيكية ويحصل فيها مشاكل واحنا مش ناقصين
9:اسعار قطع الغيار هتبقى لسة مش منتشرة وهتبقى غالية اكيد زى ما الاكسنت نزلت اول مرة مكنش حد عرفها
10:عرض مايو دة اى كلام وهيفضل ان شاء الله لحد معرض اوتو ماك هوة حد بيشترى اصلا
11:معرض اوتوماك دة انا الا اتوقع فية حاجة جديدة خالص غير انو هيبقى منظم حلو جدا وبشكل مبهر (واللى ممكن ينزلو همة اللوجان الهاتش باك...والاى 20 لو ربنا هداهم...والبولو الجديدة )ولااظن اى حاجة تانية هتبقى مختلفة غير انهم هيعرضو بقى الموديلات اللى نزلت فى مصر خلال الفترة اللى فاتت الكام شهر اللى فاتو بس بشكل تفصيلى اكتر علشان يخدو حقهم زى:
الابيزا والليون والرينو اسكالا والهوندا سيتى الفول اوبشن على موديلات الكيا على كام عربية صينى ....على عربية فيات برافو تيربو .....وهكذا

12:وفى الاخر العربية النيو اكسنت الحالية تمتاز بالاتى (حلوة وعملية وواسعة وموتورها معقول وكويس وكماليتها معقولة وتصلح لجميع الاغراض ومشاكلها تقريبا منعدمة وموضوع عفشتها دة لة ميزتة وعيوبة ومميزاتة اكتر الصراحة كفاية انك ممكن تركب 4 فوق بعض على الكنبة اللى ورا والعربية ولا تتأثر ولا تحك ومساعدين بيستحملو بجد وقطع غيارها موجودة برة فى كل حتة وسيبك من الوكيل اعملها صيانة فى اى حتة معتمدة وريح بالك ....انا عن نفسى بعمل فى وهدان اللى فى اكتوبر اريح واروق )................والسلام ختام ....واسف على ازعاجكم
...........وفى انتظاركم لفتح النقاش حتى نفيد الاخوة هنا لما فية الخير

اقتباس:

---

المشاركة الأصلية كتبت بواسطة احمد عزت

طبعا يا جماعة انا مش بعمل دعاية لعم غبور بس قريت كام موضوع هنا عن نزول الاشكال الجديدة وكلام جميل كتير .....انا مليش دعوة بالانترا لان فية موضوع هنا اتعمل عن توقع سعرها واللى غالبا هيكون غالى جدا .......بس هنا حديثى عن النيو اكسنت

كتير مننا نفسو يشترو العربية دة وكان منهم انا اللى ربنا وفقنى واشترتها فى شهر واحد اللى فات ولو رجع الزمن بية تانى كنت هشتريها بس اوتو علشان راحة السواقة

بس هل تشتريها دلوقتى فى التوقيت دة لحد معرض اوتوماك ولا تستنى الشكل الجديد؟؟؟؟

الاجابة بدون تفكير اشتريها دلوقتى لتلك الاسباب
1:موديلات 2011 بتاعت بكين مش شرط تتسوق للشرق الاوسط وبالذات مصر فى وقتها
2:اى موديل فى اى ماركة بينزل فى بلدو بتاع سنة وشوية وبعد كدة نبدأ نشوفو فى مصر
3:غبور اصلا عندو سياسة انو ما يحرقش عربيتو يعنى ماهو لسة منزل الاكسنت سبورت دة اللى هى المفروض الفيس ليفت اللى نازلة فى بعض الدول على ان تباع مع العادية اللى بتتسوق فى دول تانية فاكيد لازم يسيبها شوية على الاقل سنة كمان
4:الاى 20 اللى نازلة فى العالم كلو بقالها سنتين ...مفيش منها غير اليتيمة اللى مرمية فى ابو رواش ومش عارفين يحددو سعرها
5:الفيرنا اللى عندنا ومازالت لسة بتتجمع فى بلدنا الوحيدة مصر
6:غبور اصلا ممكن يقرر ما يجيبهاش مصر او يخترع افتكاسة انو يجمع الاكسنت بدل الفيرنا
دة ساحر ويعملها توقعوا منو اى شئ
7:بلاش نسرح باحلامنا ونتخيل انها لو نزلت حتى بعد سنة هتنزل بنفس السعر دة اقل واجب هتزيد 10 الف وهيسموة التطور الطبيعى للتكنولوجيا وساعتها ال هتدخل فى رينج تانى انت ممكن تجيب بية حاجة تانية دلوقتى احسن
8:اة اللى يضمنلك التكنولوجيا الجديدة ....اة اللى يضمنلك ما تبقاش فيها تعقيدات ميكانيكية ويحصل فيها مشاكل واحنا مش ناقصين
9:اسعار قطع الغيار هتبقى لسة مش منتشرة وهتبقى غالية اكيد زى ما الاكسنت نزلت اول مرة مكنش حد عرفها
10:عرض مايو دة اى كلام وهيفضل ان شاء الله لحد معرض اوتو ماك هوة حد بيشترى اصلا
11:معرض اوتوماك دة انا الا اتوقع فية حاجة جديدة خالص غير انو هيبقى منظم حلو جدا وبشكل مبهر (واللى ممكن ينزلو همة اللوجان الهاتش باك...والاى 20 لو ربنا هداهم...والبولو الجديدة )ولااظن اى حاجة تانية هتبقى مختلفة غير انهم هيعرضو بقى الموديلات اللى نزلت فى مصر خلال الفترة اللى فاتت الكام شهر اللى فاتو بس بشكل تفصيلى اكتر علشان يخدو حقهم زى:
الابيزا والليون والرينو اسكالا والهوندا سيتى الفول اوبشن على موديلات الكيا على كام عربية صينى ....على عربية فيات برافو تيربو .....وهكذا

12:وفى الاخر العربية النيو اكسنت الحالية تمتاز بالاتى (حلوة وعملية وواسعة وموتورها معقول وكويس وكماليتها معقولة وتصلح لجميع الاغراض ومشاكلها تقريبا منعدمة وموضوع عفشتها دة لة ميزتة وعيوبة ومميزاتة اكتر الصراحة كفاية انك ممكن تركب 4 فوق بعض على الكنبة اللى ورا والعربية ولا تتأثر ولا تحك ومساعدين بيستحملو بجد وقطع غيارها موجودة برة فى كل حتة وسيبك من الوكيل اعملها صيانة فى اى حتة معتمدة وريح بالك ....انا عن نفسى بعمل فى وهدان اللى فى اكتوبر اريح واروق )................والسلام ختام ....واسف على ازعاجكم
...........وفى انتظاركم لفتح النقاش حتى نفيد الاخوة هنا لما فية الخير

---

غالبا غبور هيوقف تجميع الفيرنا و هيجمع النيو اكسنت مكتوب على contactcars ان شركة "جي بي أوتو" أنهت عرض "فيرنا" وأخرجت طراز i10 أوتوماتيكGLS من السوق الذي كان سعره 71.900 جنيه ويتبقى طرازان مانيوال وآخر أوتوماتيك GL بسعر 66.500 جنيه يعنى لو اللى فهمته صح انه انهى عرض الفيرنا من السوق يعنى هتطلع " ممكن يكون انهى عرض الــ 2000 جنيه بس كان المفروض يقولوا انهى العرض على فيرنا ليعود سعرها الى .......صح ؟؟" معنى كده نيو اكسنت تتجمع بدل الفيرنا وسعرها يقل شويه و تنزيل النيو فيرنا بسعر قريب من سعر النيو اكسنت الحالى مع زياده كام الف كده و بعد كام سنه ينزيل الفيرنا الحاليه زى ما عمل زمان فالأكسنت او يكتفى ببيع قطع الغيار و الصيانه

اقتباس:

---

3:غبور اصلا عندو سياسة انو ما يحرقش عربيتو يعنى ماهو لسة منزل الاكسنت سبورت دة اللى هى المفروض الفيس ليفت اللى نازلة فى بعض الدول على ان تباع مع العادية اللى بتتسوق فى دول تانية فاكيد لازم يسيبها شوية على الاقل سنة كمان

---

معاك بس لو ياخد برأى الناس العاقلة يركز فعلا مع 3 او 4 موديلات والباقى يحدد اسعاره وينزله بالحجز ( كده افضل فى التسويق وافضل للعملاء ). وده غالبا اللى كان عامله زمان بس لما السوق وقف دور على حلول بديلة.

أنا سمعت إنه منزل سعر النيو أكسنت علشان بيصفي الشكل القديم ويدي فرصة للسبورت والله أعلم

والله انا شايف توقعات الاخوه الاعضاء صح 90%

[quote=احمد عزت;3872615721انا عن نفسى بعمل فى وهدان اللى فى اكتوبر اريح واروق )................والسلام ختام ....واسف على ازعاجكم
...........وفى انتظاركم لفتح النقاش حتى نفيد الاخوة هنا لما فية الخير[/quote]
ممكن عنوان مركز وهدان و رقم التليفون لو أمكن ؟
و هوه أسعاره كويسه ولا لأ ؟
و أيه أخبار الخدمه ؟

2011 ممكن تنزل خليجي لو ما نزلهاش غبور هنا

ههههههههه
عارفين انا بضحك علي ايه
علي تعليق استاذ احمد علي الاي 20
هههه
عارفها الي لونها سيلفر وكوتشاتها باظت من الركنه
وكل مسال عليها يقولولي لسه محددناش سعرها
(:satelite:ازيك يا استاذ احمد)

المركز الالكترونى لخدمة السيارات - وهدان

- المنطقة الصناعية الثالثة
السادس من اكتوبر, الجيزة
التليفون:
02-38342411

الفاكس:
02-38342410

ودة مركز لصيانة عربيات مرسيدس وبى ام ومازدا كمركز صيانة عادى
ومركز معتمد لهيونداى وبيجو وسكودا......هوة مش مبهر اوى يعنى بس منجز عن غبور بكتير .................................................. .............................
شكرا على جميع ردودكم .....وعموما اكيد من هنا لمعرض اوتوماك كل حاجة هتبان خصوصا لو حد بص على اسعار النيو اكسنت اللى على كونتكت كارز هيستغرب
النيو اكسنت العادية 2010 ب 82
النيو اكسنت السبورت 2011 ب 90.5
النيو اكسنت 2011 ب 86 وطبعا دة كلو اوتو

السؤال بقى اكيد الموديل الاخير دة مش الشكل الجديد وكونة نازل 2011 يعنى لسة الشكل الجديد مش نازل على الاقل اخر سنة 2011 ولو اخدتو بالكو هوة نط بالاسعار شوية ازاى يعنى الاسبورت الاوتو ب 90.5

معنى كدة انو كمان سنة لو نزل الشكل الجديد الاوتو ب 95 ولا 100 الف هيقولك دة احنا زودنا بس 5 الى 10 الف ودة بردك التطور الطبيعى للتكنولوجيا ويبقى كدة وصل لسعر الالنترا الحالية واللى بجميع المقايس احسن من الاكسنت الشكل الجديد اللى مجرد تغير فى شكل الصاج والاكصدامات والفوانيس وعليها موتور الالنترا الحالى ......يا حلاوتك يا غبور يا ابن عم البرتقال...........وعموما خلينا نستنى معرض اوتوماك وما نستعجلش على شرا الاكسنت ...
بس انا ليا رأى بقى
اللى عايز يشترى الاكسنت يعمل اة يفضل متابع التوكيل طول شهر مايو اللى علية العرض ويفضل متابع الالوان المتوفرة المهم يعنى يحجز على اخر الشهر لون مش عندهم علشان يقولك اسبوع ولا اتنين ونجيبو ويحجز بالف جنية لحد ما يوم 3 يونيو يجى ونشوف اللى نزل ما نزلش حاجة جديدة واستهبلو فى الاسعار يكون هوة حجز ....نزلت حاجة جديدة يلغى الحجز عادى وياخد الالف جنية بتاعتو.........وان غدا لناظره قريب .....اسف على الاطالة ...
اخوكم الرغاى .......دكتور احمد

أنا عايزة أعرف يعني 2011 دية مش الشكل الجديد؟؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة roka

أنا عايزة أعرف يعني 2011 دية مش الشكل الجديد؟؟؟؟؟؟؟؟؟؟؟؟؟؟؟؟

---

المفروض انها الشكل الجديد

نثائح جميلة ياباشا
وياترى الفيرنا بالشكل الحالى فعلا هتقف
اعتقد لا لسبب بسيط جدا
ان السحب على الفيرنا كبير جدا
فهى بتحقق اعلى مبيعات لغبور
فصعب يوقف انتاجها قبل حدوث حالة تشبع فى السوق المصرى منها
ونظرا لان السيارات فى مصر سلعة مستهلكة فده مش هيحصل قبل سنين
وده مجرد رايي

ونفس الكلام على النيو اكسنت يا باشا

اقتباس:

---

المشاركة الأصلية كتبت بواسطة hero_hamada

ونفس الكلام على النيو اكسنت يا باشا

---

بس أنا سمعت إن هوه نزل سعر النيو أسنت علشان بيصفيها علشان الموديل الجديد ل 2011 نزل

اللهم صلي وسلم وبارك على سيدنا محمد وعلى آله وصحبه وسلم
صلوا عليه

عليه الصلاة والسلام
بس حضرتك يا استاذ روكا
لو دخلت شوفت الاسعار على كونتكت كار
مش هتلاقى تخفيضات ولا حاجة

دة مجرد زيادة فى الاسعار لفرق سنة الصنع استهبال بس علنى

اقتباس:

---

المشاركة الأصلية كتبت بواسطة roka

أنا سمعت إنه منزل سعر النيو أكسنت علشان بيصفي الشكل القديم ويدي فرصة للسبورت والله أعلم

---

+1111111

انا اتصلت بي غبور و سعر النيو اكسنت المانيوال بي 76 الف يعني فين التخفيض الناس كانت بتقول انها بي 74 الف طلع كلام مش صحيح