عملت عملية قلب مفتوح من شهرين ولسه في الام جامده في الصدر وايضا فيه نهجان
رحت للجراح اللي عملها في دار الفؤاد قاللي عادي وممكن تمارس كل انشطتك
بس انا خايف
هل من نصيحة
عرض للطباعة
عملت عملية قلب مفتوح من شهرين ولسه في الام جامده في الصدر وايضا فيه نهجان
رحت للجراح اللي عملها في دار الفؤاد قاللي عادي وممكن تمارس كل انشطتك
بس انا خايف
هل من نصيحة
روح لدكتور باطني قلب (مش جراح قلب) و خد معاك الفحوصات كلها و خليه يقيم حالة القلب
من كفاءة العضلة و غيرها من المؤشرات
انصحك بالدكتور محمد مندور ...... بالعيادة الخارجية بمستشفى كليوباترا
ممكن تكلمهم على 24143931 و تطلب تحويلك باستعلامات العيادة و تسال هو بيروح ايام ايه الساعة كام و تروح له
و شفاك الله و عافاك
أولا ألف سلامة على حضرتك
ثانيا أنا عامل قلب مفتوح مغير صمامين من حوالى 20 سنة وعايش حياتى عادى جدا بس ومسلم أمرى إلى الله بس فيه بعض الإحتياطات الهامة أذكرها لسيادتك :-
1- أهم أهم أهم شىء هو دواء السيولة مع مراعاة تحديد الجرعة عن طريق عمل تحليل بروثرمبين سهل وبسيط جدا ولا يحتاج إى إستعدادات قبله (لا تهمل فى تعاطى دواء السيولة أبدا أبدا مهما كانت الظروف).
2- بلاش المجهود العنيف مثل صعود السلالم العالية أو الجرى الكثير خليك فى المشى بس .
3- الإبتعاد نهائيا عن التدخين بكافة أشكاله .
4- الإقلال من ملح الطعام فى الأكل والإكثار من الأكل الخفيف زى الخضار الطازج وشوربة الخضار والفواكه .
5- خلى الدنيا حلوة ولا تتعصب ولا تتنرفز كثير على كل حاجة صدقنى بتفرق كثيييييييييييير ولا تدخل فى مناقشات عقيمة بدون فائدة مع أحد ( ريح دماغك) .
6- نام كويس وإتفسح كثير وتقرب إلى الله لأن الأشياء دى كلها لها تأثير طيب على النفس وبالتالى القلب خصوصا .
بالنسبة للآلام والنهجان حتروح إن شاء الله بس لازم تشوفها وتفحصها تانى للإطمئنان .
أرجو لك دوام الصحة والعافية
وأنا مستعد لأى سؤال أو نصح
اللهم اشفي كل مريض وعافي كل مبتلى
شفاك الله وعافاك وان شاء الله بسيطة.....
شهرين مش مده كفاية علشان تختفى ألام الصدر كليا. ولاحظ أن الألام دى من أثار العملية و موضوع النهجان فى الأول طبيعى. بس ايه أخبار المتابعة؟ دى مهمة جدا فى المرحلة المقبلة خصوصا تحاليل السيولة.
بالنسبة لعدم عمل أى مجهود فى الاول ده صحيح و تحمل المجهود حيتحسن تدريجى. أنا أعرف واحد عملها من سنين و أخر رسم قلب عمله بالمجهود النبض وصل معاه الى 160 بدون أى تعب. المهم تاخد الموضوع بالتدريج. الحمد لله إنت كده عديت أصعب مرحلة فى الموضوع. والباقى سهل صبر و متابعة و شوية تحاليل.
حمدا لله على سلامتك
ربنا يخليك يادكتور شريف
انا بتابع مع الجراح كل شهر تقريبا بعمل اشعة وتحاليل للدم واخر مرة طلب مني اشعة مقطعية علي القلب
جزاك الله خيرا
ماشاء الله ردود كلها مفيدة فعلا
وألف سلامة عليك أخونا العزيز
أعتقد إن فى حالة حضرتك يوجد احتياط آخر هام وهو ضرورة أخذ حقنة معينة قبل وبعد أى تدخل جراحى قادم ولو بسيط جدا مثل خلع ضرس أو فتح دمل لا قدر الله
لابد من استشارة الدكتور اللى هيتابع حالتك فى هذه الجزئية لبيانها تفصيلا