سؤال عن الباور والتكييف

**mig44n** · 27-01-2008 02:36 PM

لوجبت موتور مثلا تمبرا 1400 او 1600 وسقطته لعربيه 128 والموتور فيه الباور والتكييف... يعنى كومبرسور التكييف وعلبه الباور....فهل فى تعديلات مثلا هتتعمل فى علبه الدريكسيون ولا هيركب علطول وازاى؟؟؟وبالنسبه للتكييف فايه الى انا هحتاجه علشان يشتغل وبااقل التكاليف لانى شوفت ارقام غريبه عن تركيب التكييف يعنى مثلا 3000 و 4000 وكلام غريب كده.....
الموتور بالتكييف بالبور هيعمله مثلا 2500 3000 ويمكن اقل......

**Xpert** · 13-02-2008 09:14 PM

اللي يزعلك شيله .. الباور عشان تقلب 128 باور دي حكايه لوحدها .. التكيف امره سهل نسبياً ... لو قصدك علي المكنه التمبرا 1600 ال 16 صباب فدي انا شايف ان حجمها كبير قوي يعني علي حوض ال 128 .. انت ممكن ببساطه تقفشلك اونو تيربو او ريجاتا 1600 ( اي مكنه 1600 كامه واحده)

**sab3aawy** · 18-02-2008 10:20 PM

زى ما اخونا بيشوى قال كدة ، موضوع الباور مش سهل، لأن الباور له جزئين اساسيين هم الطرمبة والعلبة، وال128 مالهاش علبة باور، فبالتالى لو هتجيب لها علبة بتاعة عربية تانية ده هيستلزم انك تعدل فى مكان تثبيت العلبة فى العربية وتعدل فى البارات وتعدل فى عصاية الديريكسيون وشغلانة سودا

اما بالنسبة للتكييف فهو برضه من هيعدى من غير تعديلات لأنك هتشيل علبة الهواية فى الحوض وتركب الكبس مكانها ، وهتحتاج تقطع فى السدر علشان تحط السربنتينة ، اما الكويل فبيركب بعلبة منفصلة تحت التابلوه، شغلانة زرقا هى الأخرى لكن اسهل شوية من موال الباور

متوسعش اوى فى الموتور اللى هتركبه على ال128 لأنه لو ركبت موتور 2 كامة ، غير انه هيكون كبير جدا وممكن مايناسبش مقاس الحوض والقواعد، القدرة العلية دى هتطرقع بنط الشاهية بتاعه ال128 لأنها مش مؤهلة لتحمل العزم ده كله، ودى انا شفتها فى اكتر من عربية 128 اتركب لها موتور عالى القدرة

**mig44n** · 19-02-2008 07:25 PM

مشكورين جدا على ردودكم وخصوصا الرد جه من اتنين باقدرهم قوى.....وانا بتكلم على موتور التمبرا 1600 الكاما الواحده.......

**Xpert** · 19-02-2008 07:29 PM

يا باشا الله يخليك ..
لو كامه واحده هايبقي حلو و مناسب .. مع تقويات في الشاسيه و الكلام ده ..
انما بالحق .. النقطه دي تسال فيها اونكل سبعاوي عشان انا مش دايس فيها ..
صلايب الكبالن في التمبرا الكبيره .. و في ال128 الصغيره .. الحق اسال اونكل تعمل فيها ايه .. و از سيد .. سيبك من التكيف و الباور ( و ماتخدهمش مع المكنه و نقص تمنهم من المكنه )