الموضوع: مساعده عشان أشترى الجوليت

حضرتك عربيتي الانوس موديل 2000
عقدها لو انتاج محلي ب 525
ولو مستورده ب 670 جنيه
ولازم شهاده تثبت بيها الانتاج
ومش عارف بتجاب منين
بالنسبه للتجديد لو هتجدد لمده 3 سنين اعتقد هتدفع ما يقارب 1200 جنيه لل3 سنين
لو هتجديد سنه يبقي تقريبا 700 جنيه
وده علي حساب فحص وتجديد وطفاية وشنطه اسعاف يعني كل حاجه هتتعمل
بس ده من غير مصاريف نقل ملكية

المشاركة الأصلية كتبت بواسطة muhmado_furp

ولازم شهاده تثبت بيها الانتاج
ومش عارف بتجاب منين

تقريباً حضرتك تقصد شهاده البيانات , ودي بتيجي من المرور نفسه مجاناً على ما اتذكر

المشاركة الأصلية كتبت بواسطة zozmobinil

ألف شكر يا باشا على المعلومات الجميله طيب ليا سؤال أخير هو الموديلات الكورى بتنتهى سنه كام؟ انا معرفش غير موديل 1999 هل كان فى بعد كده كورى؟

العفو يافندم انا في الخدمة
اعتقد الكوري اخره 2000 وده لو لم تخني المعلومات

المشاركة الأصلية كتبت بواسطة zozmobinil

و يا ريت تقولنا عن عربيتك أشترتها بكام و كانت مشيه أد إيه و لو تعرف حد أدور عنده

بالنسبع لعربيتي اشتريتها ب40 الف وهيا لانوس 2 كامله عدادها عامل 180 ألف ورخصتها تخلص شهر 7 ومحتاجه طقم دبرياج وتغيير شواكيش وكستبانات
بس الحاله العامه بصراحه كانت فوق الممتازه
وده طبعا من وجهة نظري ممكن حد تاني يشوفها مش تستاهل
وده الرزق في البيع والشراء
وبالنسبه لحضرتك بصراحه انا كنت بتابع المنتدي هنا وكونتاكت كارز وفي الاخر كنت هنزل السوق
وربنا يوفقك

المشاركة الأصلية كتبت بواسطة محمد الشامي

تقريباً حضرتك تقصد شهاده البيانات , ودي بتيجي من المرور نفسه مجاناً على ما اتذكر

بصراحه يا أستاذ محمد هقولك علي الي حصل
انا رحت الشهر العقاري
فالموظفه سألتني هيا انتاج محلي ولا مستورده فطبعا معرفتش ارد عليها
قالتلي لازم شهاده تثبت الانتاج
فانا مش عارف شهاده البيانات بتاعة المرور فيها مكتوب ولا مش مكتوب
وفاكر ان انا قريت في المنتدي
ان حد قال ان الشهاده الي بتثبت الانتاج المحلي ولا المستورد
بتطلع من مكان ب 30 جنيه تقريبا
بس مش متأكد ومش فاكر اي تفاصيل
فانت ايه رأيك

انا اشتريت الجوليت فى شهر 6 الماضى ورحت سجلتها ب630 جنيه ورخصتها بحوالى 1200 بالتامين بكل حاجه والحمد لله عربيه ذى الفل ومن ساعه ما جبتها ما غيرت الا الفلاتر والسيور علشان ابقى ماشى مطمن وهى موديل 99 وتقريبا مصرى مش كورى واى خدمه وربنا ان شاء الله يوقعك فى واحده بنت حلال ويكفيك شر الطريق

المشاركة الأصلية كتبت بواسطة muhmado_furp

بصراحه يا أستاذ محمد هقولك علي الي حصل
انا رحت الشهر العقاري
فالموظفه سألتني هيا انتاج محلي ولا مستورده فطبعا معرفتش ارد عليها
قالتلي لازم شهاده تثبت الانتاج
فانا مش عارف شهاده البيانات بتاعة المرور فيها مكتوب ولا مش مكتوب
وفاكر ان انا قريت في المنتدي
ان حد قال ان الشهاده الي بتثبت الانتاج المحلي ولا المستورد
بتطلع من مكان ب 30 جنيه تقريبا
بس مش متأكد ومش فاكر اي تفاصيل
فانت ايه رأيك

بيني وبينك انا كده مش متأكد ,, عالعموم مفيش مانع اننا ننتظر حد يقولنا على الصح