-
الكشف فى التوكيل
السلام عليكم يا وحوش الميجان.
انا إن شاء الله قريب هاشترى عربية ميجان مستعمل و طبعا زى ما إنتم عارفين لازم أروح أكشف عليها فى التوكيل فياريت الى يعرف أى معلومة عن الكشف فى التوكيل سعرة كام بيكشفوا على إيه التقرير الى بيطلع من عندهم تقرير الواحد يثق فيه,
و يا ترى ممكن تنصحونى بإية و لو تعرفوا حد فى التوكيل ثقة و يقدر يهتم بالعربية و يطلع أى قطة فطسانة فيها يبقى تمام
ألف شكر ليكم يا وحوش
-
هو التوكيل هيطلع القطط الفطسانة كده كده......متقلقش
أهم حاجة أنك تشوف الراجل كان متعود يعمل الصيانة فين و تروح أى فرع تانى أو مركز معتمد تانى.........عشان لو مظبط مع حد هناك.....حرص و متخونش.
تكلفة الكشف فى التوكيل
1- كشف كامل 550 جم و بياخد يوم كامل تقريباً....كهرباء ميكانيكا عفشة صاج....كل حاجة
2- كشف كهرباء و ميكانيكا و عفشة فقط ب 330 جم
3- الكشف فى مراكز الخدمة....أعتقد بيبقى فى حدود ال 300 الى 350 جم بس مش فاكر بيشمل الصاج و الدواخل و لا لأ
بالتوفيق إن شاء الله
-
ألف شكر يا باشا
للأسف العربية طلعت مش كويسة و مشيها بطال و مفضوحة على مواقع الإنترنت بس للأسف صاحبها مكنش صريح معايا على العموم الحمد الله إنها جت على كدة
محدش يعرف يا جماعة عربية ميجان تكون بيتى و محترمة و متربية كويس و من أسرة طيبة تستحمل العيشة و الطرق الصعبة و متعطلش كل شوية و لا تقول هات هات كل شوية,
-
فيه بس هتلاقيها غالية شوية و على فكرة انا لما جيت اشترى كشفت فى الميكانكيين العرب مع واحد اسمة عم عبد الخالق راجل بيعرف ربنا لانه قالى ان صاحب العربية فعلا كان مظبط مع حد و الراجل ده كان صريح و قالى اللى فعلا فى العربية و الحمد لله كله كان شغل ميكنيكا مساعد تيل ..... بس اساسيات سليمة قوى و موتور كويس و جاب قرار العربية كلها و اشتريت و ربنا وفقنى بسبب الراجل ده لان العربية فعلا كانت بيتى بس غالية شويه و الكشف على الميكانيكا و العفشة و البودى و الشاسية و الدواخل و كل حاجه كان فى حدود 300 - 350
-
من وجهة نظري لو اي حد كشف على اي عربيه في التوكيل مش هيشتريها اصلا علشان التوكيللو الحاجة بايظه بنسبه 20 في الميه هيقول عليها مشكله
-
Content Relevant URLs by
vBSEO 3.6.0 PL2