ما هى مواصفات السياره I30 طبقا للوكيل و سعرها فى مصر ؟؟
عرض للطباعة
ما هى مواصفات السياره I30 طبقا للوكيل و سعرها فى مصر ؟؟
ده الموقع بتاعها
http://www.hyundai-i30.com/
الأسعار من 102 ل 130 الف
طبقا لكلام م /كريم منير في معرض الأهرام
يا جماعه العربيه دي بجد تحفه، انا سافرت من الاسكندريه للقاهره مخصوص عشان اشوفها في المعرض و لما شفتها اتسمرت امامها و مامشتش غير لما عرفت كل حاجه عنها.
العربيه متوفر منها 8 موديلات، و دي بصراحه حركه جامده جدا من غبور و مش من عاداته، دايما بنلاقي العربيه موجود منها موديلين او ثلاثه بالكتير و كلهم مافيهمش كماليات كافيه. المهم كماليات العربيه و اسعارها كالتالي:
GL
Standard features (103,000 LE):
Manual transmission, engine cover, 15" wheels with full size wheel covers and 185/65 tires, power steering (MDPS), multi function steering wheel with tilt and reach adjustment, central door locking with child safety rear door locking, front and rear power windows with auto up and down function on all windows, electric outside mirrors, tinted glass, manual A/C, original radio/CD, 4 speakers, glovebox box with illumination and cooling, cup holders, power outlet, sun visors with mirros, front mud gaurds, high mounted stop lamp, rear reflector, seat covering with cloth, adjustable head rest on all seats, rear seats split 60:40, front seat belt adjustment, full size spare tire, rear and front map pockets
Optional features:
Manual transmission with sunroof (106,000 LE)
Automatic transmission (109,000 LE)
Automatic transmission with sunroof (112,000 LE)
GLS
Standard features (118,000 LE):
All the standard features of the GL model in addition to: automatic transmission, front and rear center arm rests with iPod and AUX input, seat height adjusters and lumbar support (driver seat), back-pockets on front seats, fog lamps, map lamps, sun glass box, trip computer, remote control, automatic A/C, 6 speakers
Optional features:
Sunroof (121,000 LE)
GLS Fully Loaded
Standard features (130,000 LE):
All the standard features of the GL & GLS models in addition to: 16" alloy wheels with 205/55 tires, ABS, Driver airbag
Optional features:
Sunroof (133,000 LE)
llll
العربيه اللي كانت موجوده في المعرض بقي كانت حاجه تانيه خالص...كان فيها كل حاجه ممكن تتخيلوها، و كانت اعلي موديل بينزل في ال 1600 في العالم كله!! و مش هتكلم علي الامكانيات اللي كانت فيها عشان محدش يتحسر! :mad:
العربية ما شاء الله جميلة وواخدة في اختبار السلامة الاوروبي 4 نجوم ودي نتيجة هايلة مقارنة بشقيقتيها الاكسنت و الالنترا
اما عن قوة الموتور فحسب كلام الاخوة غبور هينزل ال 1600
عموما موتورها ال 1600 قوي ما شاء الله 120 حصان عند 6200 لفة
وعزم 154 عند 4200 لفة ويتسارع في زمن 11,1 ثانية
اما الـ 1400 فاظن انها مش هتنزل بس لو نزلت هيبقى كوويس جدا لانها كما يقول الموقع الرسمي ارخص كثير وانا شاايف ان موتورها كويس مش سئ ابدا
107 حصان عند 6200 وعزم 137 عند 5000 و يتسارع في زمن قدره 12,6 ثانية
متشكر جدا على المعلومات الجميلة دية ... هية العربية حلوة فعلا ... بس بصراحة غالية .. يعنى هيونداى هاتش باك فوق ال 100 الف جنية ... حبتدى افكر فى السوبارو امبريزا .. والتحفة فيات برافو ب 135 الف.. مع العلم ان البرافو 1400 .. بس نازلة استاندرد جينوت وتاكيف تاتش و 4 اير باج .و كمبيوتر رحلات ...
او الاسترا ..................
يعنى بصراحة هية العربية حلوة بس نازلة فى فئة سعرية فيها منافسة طاحنة ... مابين عربيات هية اساسا بتحاول اثبات وجودها فى مصر زى الاسترا والبرافو و السوبارو الجديدة وال 307 والc4
اعقل يا هشام ،،
ايه يا بني ،،
هوا مفيش غير هيونداي في الدنيا ،،
ده انتا كده هتشتري التشكيلة كلها
و مش بعيد تاخد توكيل هيونداي ،،
و نتخانق معاك ،،
هههه
لا بس العربية دي تستاهل الواحد يفكر فيها ،،
لما عربية تبقي معمولة عشان تنافس الجولف و الأوربيات الهاتشباك الشهيرات الآخري ،،
اكيد هيبقي ليها طعم اوروبي مميز ،،
هيا أكيد مش هتبقي زي الجولف ،،
بس هتاخد طعمها برده ،
بس مش عارف امتي غبور هيعترف بAir Bag & abs كاختراعات نزلت في العربيات
حتي دي مفهاش ؟؟؟
مستر هشام كفاية عليك الهاتريك الهينداوي ده
حلوة اه بس اكيد هافكر في استرا وقت ماقول يا هاتش باك سبور
او مازدا 3 هاتش باك
مش هاقول سوبارو عشان تجميعها بطيء
لكن استرا تحفة فعلا وسيبك من فتحة السقف اللي ملهاش اي لازمة في مصر غير الفشخرة الكدابة-دي العربية تتملي تراب منها !!!
اي ثرتي نازل في المعرض جنوط 17 واعتقد تقال قوي عليها
اللي حلو فتحة اليو اس بي والاي بوود حسوا بالشباب فعلا بس مش ده اللي يقنعني بيها
خد باللك ان برضه ال 307 والميجان الهاتش باك الفرنساوي لسه عالساحة
بصراحة مش ممكن اقارن سيارة اروبية واتخلقت هاتش باك بهيونداي مهما كانت قيمتها
لازم انزل بمستوي السعر عشان تديني دافع اغامر بفلوسي
مش هاقول برافو عشان خارج المنافسة بموتورها التعبان الا لو نزلوها بالتربو وقتها تستاهل افكر وان كان 1400 قليل برضه
اعتقد غبور لازم يعيد حسابتة في ظل سوق الهاتشباك الضعيف في مصر
خاصة في موضوع عوامل الامان ده
تويوتا بتنزل عربيات من خير زجاج كهربا ولا سنتر حتى بس اجباري الاير باج
بس اختياري
حتى في اقل موديلات الياريس اير باج
بغض النظر يا باشمهندس كريم ،،،
بس ده لو دل علي حاجة ،،
يدل إن غبور موصلش لمكانته من فراغ ،،،
جرأته في تقديم موديلات جديدة مفيش توكيل عنده الجرأة دي ،،
ال i30 لسه شايفنها علي النت من كام شهر
طبعا سياسته التسويقية مش محتاجة كلام ،،،
حد يصدق غن الهيونداي الكوبيه ام كرسيين تتباع بالحجم اللي موجودة فيه في مصر ؟؟
خش علي أي موقع شركة سيارات و شوف كام توكيل مصري منزل كام موديل ،،
الإلنترا اللي ب 122 الف ،، بطلت تنزل ،،، عشان محدهش بيشتريها
و ده مش ذنبه ده ذنب السوق المصري اللي حاكم السيارات الكورية في رينج من 70 ل 90 الف
و اكتر من كده حرام مهما كانت امكانياتها
انا اتمني ان كل التوكيلات تعمل زيه في النقطة دي بس لأنها هتدي زخم للسوق و توسع مجال المنافسة و الإختيار
التاجر الشاطر عارف ان اي سلعة ليها زبونها و الخواف مالهوش مكان
تمام يا احمد باشا
التجر لشطر هو اللي يبيع للناس اللي هو عاوز يبيعه و دا اللي غبور عامله.
سياسته وحشه و معاملته في التوكيل مش قد كده و رغم كده بيرغم الناس تشتري عربياته .
نزل الفيرنا و الناس اترتها و بعدين نزل الفيفا من الهند و برضه خلي الناس تتريها.
المتريكس مثلا يوم ما نزلت قولت انها حتفشل في مصر لكن هو نجح العربيه دي و خلاها تتباع بكثره.
شأنا ام ابينا غبور تاجر شاطر.
و ال آى ثيرتي اتوقع ليها برضه مستقبل كويس
معاك حق طبعا بس خلي بالك ان ال i30 اعلي موديل فيها ب 133 الف بينما ال Astra اقل موديل فيها ب 135 الف و ال Mazda 3 الهاتشباك معرفش تمها كام بالضبط بس هو معدي ال 150 الف. هاتقولي اقل Astra احسن من اعلي i30....يمكن، بس انا عن نفسي مش بحب اجيب عربيه غير لما تكون اعلي فئه موجوده فيها. يعني من الاخر ال i30 هي بديل رخيص (في السعر و ليس الجوده) للعربيات اللي في العئه دي، و متنساش ان العربيه دي معموله اساسا عشان تنافس ال Golf
اللي هتنزل في مصر مش هيبقي فيها جنوط غير في ال fully loaded وهيبقوا 16 مش 17
دول برضه ينطبق عليهم نفس الكلام اللي فوق.
معلش مش فاهم حضرتك تقصد انهي عربيه بس لو قصدك علي ال i30 هي نازله 1600 سي سي 122 حصان. و موجود منها 1400 بس مش هتنزل مصر للأسف.
عندك حق فعلا، ده بره ال Atos الحقيره بتنزل من غير اي امكانيات خالص بس بيبقي فيها اتنين airbags & ABS
بصراحه عربيه مذهله وانا شفت صورها ع النت من كام شهر بس ماكنتش متخيل انها تنزل مصر دلوقتي
عموما اكيد حيبقي عليها اقبال شديد وحجز كذا دفعه قدام ( الغربال الجديد ليه شده ) وبعد كده تبقي عربيه عاديه وسعرها يريح شويه لان سعرها مبالغ فيه وقريب من اسعار عربيات ممتازه ( استرا / سوبارو / مازدا3 / سفيك )