الموضوع: لراغبي الشراء بالتقسيط الشرعي ... فقط

المشاركة الأصلية كتبت بواسطة teha

انا اسمي محمد صادق
ثانيا الشركة اسمها كونتكت كارز بس على فكرة انا لسة برده متوقع انها ممكن تتكون هيه بتتعامل مع البنك و بتعمل اللي انا كنت هروح اعمله مع البنك لكن تخليه في صورة معاملات اسلامية عشان يجذب الزبون اللي عاوز يبعد عن الحرام
بس انا ليه في العقد اللي بيني و بينها و هو نصه مطابق لشروط المعاملات الاسلامية .
و الاتفاق اللي بيني و بينهم كان على الشروط اللي انا لسة باعتها ولو ده بس ادامي و همه من ورايا بياخدوا قرض مثلا او بيعملوا ايه حاجة غلط فساعتها الاثم عليهم لاني اتفقت معاهم على شروط و همه بينفذوها معرفش بقة طريقتهم ايه في تنفيذها.
لكن خلينا نحسن الظن و نقول انهم فعلا بيعملوا ده عشان يساعدوا الناس اللي عاوزه تتقي ربنا .
ده و الله اعلم .

شكراً يا أخ محمد علي إهتمامك وسرعة ردك ..... وأعتقد ان محمد أفضل من teha ... وربنا يبارك فيك

ده البرنامج الاسلامي من كونتكت ...ايه رايكم فيه

البرنامج الإسلامى

شروط الحصول على السياره

العمر من 21-65 عند انتهاء التعاقد.
يمنح التقسيط للمصريين و الأجانب المقيمين في مصر.
التقسيط لكل من الموظفين و ذوى المهن الحرة.

البرنامج

إمكانية تقسيط حتى 75% من قيمة السيارة .
فترة سداد حتى 5 سنوات.
يمكنك تقسيط سيارتين معا.
يمكن شراء السيارة الثالثة بعد مرور عام من تاريخ التعاقد على السيارة الاولى
بدون تأمين.
ترخيص وتجديد ترخيص سيارتك بكل سهوله.
نقوم بشراء السيارة اولاَ ثم يعاد بيعها بالتقسيط.

خطوات بسيطه و سهله لشراء سيارتك الجديده

عن طريق تقديم طلب شراء السياره تبدا الخطوات، يمكنك تقديم الطلب عن طريق احد معارض السيارات او موقعنا الاكترونى ( يسدد مبلغ 100 جم نقداَ كمصاريف استعلام للقاهره الكبرى والاسكندريه اما باقى المحافظات يسدد مبلغ من 150 جم الى 250 جم حسب المنطقه الجغرافيه ).
يتم الاتصال بك عن طريق اخصائى التقسيط لتنسيق ميعاد المقابله ولاستلام الاوراق المطلوبه من اثبات شخصيه، اثبات الاقامه واثبات للدخل وبالنسبه لاصحاب العمل يتم اضافه اوراق اثبات النشاط و كشف حساب بنكى حديث.
تتلقى مكالمه تليفونيا خلال 72 ساعة بقسط السيارة المسموح لك، وعند توافر السياره تقوم بزيارتنا و احضار المستندات الاتيه للتعاقد :
مستند إثبات الشخصية
دفتر الشيكات ( وفى حاله عدم وجود دفتر شيكات يتم مساعدة العميل فى فتح حساب و استصدار دفتر الشيكات)
توكيل بالسياره لصالح شركه كونتكت لتجارة السيارات موثق بالشهر العقارى
قيمه مقدم السياره

عقب استلام السيارة من المعرض تقوم الشركه بمساعدتك فى انهاء اجراءات الترخيص باسمك و محظره لصالح الشركه


ليه بيطلب عمل توكيل بالسيارة ...وليه بيحظر بيعها...مش هو هيأخذ علي شيكات

وفي انتظارالردود

انا معرفش ليه هوه بيعمل كدة و ده ضمانات زايدة بصراحة حتى ده لو طال ياخد عيل من عيالنا عشان يخليه ضمان لحد ما القسط يخلص كان عمل .
بس بقة شرعا ده صح و لا لأ انا معرفش
يعني موضوع حظر البيع ده و موضوع التوكيل ده حكمهم ايه و هل يدخلوا في الربا و لا لأ انا بصراحة مسالتش على دول
انا كنت سالت على الشروط اللي فيها شبه ربا من وجهه نظري و الاجراءات ديه قلت ديه اجراءات عشان يضمن اني مش نصاب يعني .
ياريت برده لو حد يعرف يفيدينا يقول .

المشاركة الأصلية كتبت بواسطة shikh_khaled

السلام عليكم ورحمة الله وبركاته

أسأل الله أن ييسر لك من يريد البيع الحلال والإبتعاد عن الربا

لأن الربا حرب من الله ورسوله صلى الله عليه وسلم

والحبيب صلى الله عليه وسلم يقول فيما رواه عبد الله بن حنظله وصححه الألباني في صحيح

الجامع

درهم ربا يأكله الرجل وهو يعلم ؛ أشد من ستة وثلاثين زنية

موضوع التقسيط غير الربوي قتل بحثا في موضوع مثبت في قسم البيع والشراء

وتم بذل مجهود كبير فيه وتم أخذ صور من عقود المعارض التي تبيع على الشريعة الإسلامية وتم

عرضها على د / على السالوس الذي يعد أكبر متخصص للإقتصاد الأسلامي

رابط الموضوع

http://www.nilemotors.net/nile/24323-a.html

شيخي الحبيب ... خالد
الموضوع اللي حضرتك أشرت اليه هو بعينه ما اشرت اليه أنا... فهذا هو نفس المكان الذي أقصد .... والحمد لله لأن في أشارتك له زيادة تأكيد لي علي خطوتي المحموده والتي ما كانت لتكون لولا فضل الله علي ومنته