الموضوع: يقطعون الطريق الدائرى.. ويحرقون سيارة قتلت فلاحاً فى الفيوم

يا إخواني .. أمن عابر الطريق مسئولية قائد المركبة بالقانون وبالعرف الإنساني وبأي دين ترضونه .. إيه اللي يجبر واحد يعدي طريق زي ده على رجليه؟ الأصل الإنسان والإنسان غير مسئول عن قرار أحمق لحكومة حمقاء قررت إنشاء طريق يفصل بينه وبين مصالحه .. يعني بعد ما كان يخرج من داره لغيطه بالحمارة أو مترجلاً أصبح ليجد داره في ناحية وغيطه على الناحية التانية من طريق أنشأته الحكومة وأوهمت الشعب -من راكبي السيارات- أنه طريق حر وسريع ومفتوح وأنه من إنجازات الألفية ويفتتحه السيد الرئيس ولفيف من الوزراء !!!
مين اللي قال إن الطريق السريع يمر بين بيوت الناس كما هو الحال في المحور والدائري؟!! مين اللي قال إن المناطق الصناعية والقرية الذكية تنشأ حول الطريق الصحراوي؟!!! (وكمان كام مول يتم بناؤهم وإعدادهم). راكب السيارة يرغب في الوصول لمصلحته ولكن هذا لا يمنحه الحق في دهس فلاح أو عامل أو موظف حديث التخرج لمجرد أنه يمشي على رجليه في طريق بدون خدمات ولا تأمين ويفصل بين الناس ومصالحها.
لو سمحتم قيموا حياة الإنسان بقيمتها الحقيقية التي أقرتها الأديان والمواثيق والأعراف.

بالطبع أنا ضد ما فعله الأهالي وأنا أيضاً لا تعجبني الاستهانة بحياة الناس.

المشاركة الأصلية كتبت بواسطة deee

على فكرة انا مقتنع تماماً ان الشخص اللى بيتخبط بعربية بيكون هو اللى غلطان بنسبة اكتر من 80% على الاقل ..
وده من اللى شفته فى كذا موقف ..
-اللى يعدى الطريق من غير مايتأكد تماماً ان الطريق مهيأ انه يعدى
-اللى يعدى من حته مالهاش ااااااى علاقة بالمشاه
-اللى يعدى ويفتح الاسبرنت المتين على الدائرى والطرق السريعة .. وفاكر نفسه بيلعب gta
-اللى يطلعلك فجأة وبدون سابق انذار من ادام عربية جنبك والمفروض انك توقف العربية تماماً فى جزء من الثانية !!!!
-........................ الخ

فالانسان اللى بيحط نفسه فى مواقف زى دى هو اللى مش عامل قيمة لحياته اصلاً ..
يبأه الباقى يعمل لحياته قيمة ليه ؟؟

واعتقد ان الكل مر بتجارب مشابهة وفيه ناس اتبهدلت بهدلة مايعلم بيها الا ربنا .. عشان خاطر شخص معتوه ..

كلام صح في مجمله ولكنه يفترض افتراضات لا وجود لها في مصر :
- كلمة الطريق "سريع" أو "دائري" أو "مفتوح" .. احنا لا عندنا طريق سريع ولا طريق دائري الأسماء دي في العالم المتقدم لها ترتيبات وتجهيزات غير اللي موجودة في مصر .. يعني ماجيش اشق طريق وسط بيوت الناس واقولهم اللي هايعدي من هنا مالوش دية "واتفضلوا با باشاوات عملنالكم إنجاز الألفية طريق دائري من وسط القاهرة الكبرى"!!!
- كلام حضرتك بيفترض برضه إن السائق ملاك (أو شبه إله) وإنه لما يسوق على 120 وطالع ده حقه ولو دهس واحد على السرعة دي يبقى غلطة عابر الطريق !!!
وأتفق مع حضرتك إن عدم الحرص (كعدم التأكد من خلو الطريق والعبور من أمام مركبات ضخمة كالأتوبيسات وسيارات النقل) من ضمن مسئولية عابر الطريق .. ولكن ما أقوله أن مجرد إبداء عابر الطريق نيته للعبور تبدأ مسئولية قائد المركبة في تهدئة السرعة بل والتوقف تماماً إذا لزم الأمر (وده المعمول به في الدول الإنسانية).
تقول إيه حضرتك لمن يقود سيارته أمام مدرسة على سرعات تفوق ال 90؟
تقول إيه على من "يقرص" بنزين عندما يرى جمع من المواطنين يعبرون الشارع ليثير ذعرهم؟
من منا يلتزم بالسرعات المقررة (مثلاً السرعة القانونية على المحور في الشيخ زايد 60 وهي السرعة القانونية داخل أي تجمعات سكانية وبالقانون)؟
وماذا عن طرق كصلاح سالم والنصر التي يعتبرها البعض "High Way" ويحق للباشاوات قائدي السيارات دهس "المعاتيه" -على حد وصف حضرتك- لأنهم يترجلون ولا يحترمون مقامهم الواطي!!
وبأي حق نتحدث بهذه اللهجة عن أناس تم مصادرة أراضيهم وقطع الطريق لأراضيهم ومصالحهم لصالحنا نحن الباشاوات راكبي السيارات وفي النهاية نعتبرهم "معتوهون" لرغبتهم في الوصول لأرضهم أو الذهاب لأعمالهم؟!!
قيمة حياة الإنسان حددها المولى عز وجل بأن قتل نفس بغير نفس كقتل الناس جميعاً .. يعني لا عابر الطريق ولا السائق هو من وضع قيمة هذه الحياة.
نحتكم للقانون والدين ونشوف لأن بصراحة الموضوع بالشكل ده غير إنساني ولو دهس البني آدمين هو الطبيعي يبقى نرجع للخيل والبغال والحمير ع الأقل كبيرها كسر وجبيرة ..

المشاركة الأصلية كتبت بواسطة mmamdouh

خللى بالك ان اللى بيستهين بحياه الناس هى الناس اللى بتعدى الشارع برعونة و بتعرض نفسها للخطر و تلقى بمهمة سلامتهم على سائقى السيارات

معلش اذا كان واحد صحى الصبح لقى بيتة فى حتة و غيطة فى حتة فا دة مش مبرر انه "يصدرها للى يقدرها" و يعمل عبيط و يعدى الطريق وسط العربيات و يودى اللى راكبين عربيات فى 60 داهية

mmamdouh

+99999999