i agree with them
i agree with them
مش كل الحوادث بيبقي الشخص اللى بيعبر هو المخطا و مش كل الحوادث اللى بيقود السياره هو المخطا برده .
العملية ان مفيش ادراك من الناس اللى بتعدى الطريق .
يعنى اللى بيعدى الطريق معتقد ان من حقه ان اى عربية تقف له غصب عنها و لو حصل له حاجة هيرفع قضية لانه مظلوم .
فتلاقى واحد بيعدى الطريق برااااااااااحته و ببرود تام مهما كان الطريق سريع و النتيجة مأسفة .
من كام يوم و انا رايح الجامعة العربية عطلت بينا وسط الصحراء و كان فى بنزينة الناحية التانية فصاحبي كان واقف جمب العربية علشان مكان تدريب الجيش كان ممكن يحجز على العربية , فكان لازم انا اعدى الطريق اشوف بنزينة قدام او ميكانيكى .
طبعا طريق مصر اسماعيلية معروف عنه السرعة و التهور ( كفانا الله الشر جميعا ) , علشان اعدى فضلت واقف حوالى 15 دقيقة علشان الطريق يفضي و اعرف اعدى و الحمد لله الطريق فضي و عديت و الناحية الاخرى كذلك .
و انا راجع كان الطريق زحمة و سريع فى نفس الوقت فضلت واقف برده نفس الوقت لحد ما لاقيت واحد محترم جدا بيقلب نور من بعيد و هدا سرعته شوية و بيشاور لى اعدى , اتاكدت من ان الطريق أمن و عديت الحمد لله .
فعملية تعدية الطريق مفيهاش فهلوة , و مش من حق حد انه يعبر طريق سريع من اى مكان الا مكان مخصص لعبور المشاه , و لو مضطر يعدى فينتظر الوقت المناسب علشان ربنا يكفينا الشر كلنا , سواء كنت سايق او ماشي .
اللي ياخد باله من مطالب اهل القريه يدل انهم بيفهموا اكتر من حكومتنا المحترمه! الناس بيطالبوا ب نفق مشاه او كوبري و انا ارشح نفق مشاه لأن الطريق بتعدي عليه تريلات و نقل و محدش يضمن ارتفاع الحموله ايه. لاكن ولاد التيت اللي بيديروا البلد اسهل لهم انهم يعملوا مطب ب 200 جنيه بدل ميعملوا نفق ب 200 الف جنيه و تروح العربيات و عفشتها في ستين داهيه و يروحوا المشاه مع الف سلامه غير مأسوف عليهم!!! لو فعلا عملوا مطبات حيتسببوا في خسائر لاصحاب السياره على الاقل ب 200 الف جنيه في خلال اسبوع واحد من عمل المطبات!! دول اللي عايزين يوفروهم على قفانا في خلال اسبوع واحد من عمل المطبات!! بس هما مبيهمهمش طالما الشعب و الناس هي اللي حتدفع مش الدوله يبقى بالسلامه!!! المفروض زي الدنيا كلها ما بتعمل لما يبقى في طريق سريع لازم يبقى في انفاق كل 1 كيلو او حتى 2 كيلو طالما بيعدي في منطقه مأهوله بالسكان و لو غير مأهوله يبقى كل 5 كيلو او 10 كيلو كوبري او نفق مشاه!!!!
عموما الناس عندها حق تقفل الطريق بالضبه و المفتاح و يكسروا الاسفلت و يلغوا الطريق خالص حتى و ياريت كل قريه تعمل برضه الكلام ده يمكن ربنا يهدي العمي !!
أستاذ محمد ممدوح يشرفني جداً ردكم والحوار معكم (وأنا لا أجادل لمجرد الجدل يا دكتور أمير إذا كنت تقصدني بمشاركتك لأنه ليس من طبعي. ولكن استفزني الحديث عن الناس وأرواحهم كأنها بلا قيمة !!) واسمح لي بالرد مفصلاً على مشاركاتك:
أولاً أنا أتحدث عن قائدي السيارات الغير مكترثين لحياة الناس اللي بيمبرطعوا في الطريق وكأنهم آلهة فيعرضون حياة الآخرين (سواء مشاة أو قائدي سيارات أخرى) لأخطار داهمة دون مسئولية منهم
أتفق معك بالطبع عابر الطريق عليه توخي فائق الحرص واتباع تعليمات قانون المرور ومن يعبر الطريق برعونة عليه تحمل عاقبة تصرفه وهي فادحة (إعاقة أو حياته !) ولكن على الجانب الآخر هناك مسئولية قائد المركبة في حالة أنه رأى هذا المتهور بوقت كافٍ لمفاداته أو التوقف التام لإتمام عبوره بسلام. في حالة تعذر ذلك يكون قضاء الله النافذ وعلى جهات التحقيق أن تثبت براءته. وعشان كلامي يكون متوازن الفقرات التالية من اللائحة التنفيذية لقانون المرور التي تنظم قواعد مرور المشاة:اقتباس:
خللى بالك ان اللى بيستهين بحياه الناس هى الناس اللى بتعدى الشارع برعونة و بتعرض نفسها للخطر و تلقى بمهمة سلامتهم على سائقى السيارات
طبعاً المواد 112 و 114 بينظموا موضوع عبور المشاة بشكل واضح وأنا كلامي عن المشاة ممن لا يلتزمون بهذه التعليمات (السرية:shine[1]:) الجمل المظهرة بالذات عشان ماحدش يقولي إني أتجنى على قئد السيارة فقط، أنا مع احترام القانون وتعليماته والقيم الإنسانية ومتأكد إن حضراتكم كلكم من أفاضل الناس الملتزمين.اقتباس:
مادة ( 112)
على المشاة السير على الأرصفة وعند وجودها يحظر عليهم السير فى نهر الطريق أو فى الأماكن المخصصة لسير الدراجات .وعند عدم وجود أرصفة فيكون سير المشاة فى أقصى يسار جانب نهر الطريق المضاد لإتجاه مرورهم ومع ذلك يجوز أن يكون سيرهم فى أقصى يمين إتجاه السير بعد تأكدهم من عدم تعرضهم لخطر المركبات اللاحقة لهم .وعند سيرهم فى الطريق خارج المدن فعليهم إلتزام أقصى حافة الطريق المقابلة لإتجاه سيرهم
وأن يكونوا فرادى الواحد خلف الآخر كلما أمكن ذلك .ويستثنى من ذلك مواكب المشاة المصرح بتسييرها فيكون سيرها فى أقصى الحافة اليمنى من نهر الطريق فى إتجاة حركة المرور .ويسرى ذلك إذا كان أحد المشاة يدفع أمامه دراجة أو أية أشياء أخرى
مادة ( 113)
يجوز تسيير مركبات المرضى التى تسير بقوتها الذاتية أو بالدفع أو الجر فوق الأرصفة وعلى جوانب الطريق فى الأماكن المخصصة للمشاة
مادة ( 114)
على المشاة الذين يرغبون عبور نهر الطريق ألا يشرعوا فى عبوره إلا بعد التأكد من أن بإمكانهم القيام بذلك دون أى خطر منهم أو عليهم أو إعاقة لحركة مرور المركبات وأن يتوخوا الحرص والحذر الكافيين .وعليهم أن يستخدموا أقرب ممر عبور للمشاة فى حالة وجوده وعند عدم وجوده فيكون العبور عند تقاطع الطريق وعند عدم وجود تقاطع فيكون العبور من أقصر مسافة بين جانبى الطريق على أن يأخذوا فى الإعتبار المسافة بينهم وبين المركبات التى تقترب وكذلك السرعة التى تسير عليها هذه المركبات
ولا يجوز للمشاة بعد مباشرتهم عبور نهر الطر يق أن يتباطئوا أو يقفوا فى ذات نهر الطريق دون مبرر لذلك
مادة ( 115)
على المشاة عند عبوره نهر الطريق من الممر الخاص بهم والمحدد بعلامات طرق إتباع الآتى
- إذا كان الممر مجهزا بإشارات ضوئية خاصة بالمشاة أو ذوى العاهات فعليهم الإلتزام بمدلول هذه الإشارات
- إذا لم يكن الممر مجهزا بإشارات ضوئية خاصة بالمشاة ولكن كان مرور المركبات عنده منظما بإشارات ضوئية أو بمعرفة رجل المرور فلا يجوز للمشاة عبور نهر الطريق طالما كانت الإشارات الضوئية أو إشارات رجل المرور تسمح للمركبات بالسير
مادة ( 116)
لا يجوز للمشاة إختراق الصفوف العسكرية والمجموعات المنظمة التى تسير تحت إشراف شخص مسئول وكذلك سائر المواكب الأخرى المصرح بها
إليكم أصدقائي المواد المنظمة لسلوك قائدى المركبات تجاه المشاة من اللائحة التنفيذية لقانون المرور ورجاءً الانتباه للجمل المظهرة:اقتباس:
و قصة المسؤلية فى عبور الطريق دى مش صح خالص و معرفش جبت الكلام دة منين... قانون المرور بينظم العلاقة دى و قرر صراحتا ان عبور نهر الطريق بيكون من اماكن عبور المشاه لما اشارة السيارات تبقى مقفولة
كلام واضح وصريح وإنساني قبل أي اعتبار آخر. وياريت كل واحد يراجع مع نفسه مدى إلتزامه بهذه التوجيهات (وبالمناسابة أشكرك يا أستاذ ممدوح لأنك دفعتني للقيام بهذا البحث الذي أفادني كثيراً لأن معلوماتي كانت سماعية ودي أول مرة اقرأ هذه التوجيهات واكتشفت أنني لا ألتزم بها حرفياً :T_thum1[1]: !)اقتباس:
مادة ( 117)
على قائدى المركبة إلا يعرضوا للخطر المشاة الذين يسيرون على الأرصفة وعلى جوانب الطريق بل وكذلك الذين يسيرون فى نهر الطريق وعليهم عند اللزوم التوقف لتجنب إزعاج أى من مستعملى الطريق
مادة ( 118)
على قائد المركبة أن يهدئ من سرعتها قبل دخوله ممرا خاصا للمشاة محددا بعلامات على سطح الطريق وينظم المرور عنده بواسطة إشارات ضوئية أو رجل مرور فإذا كان الطريق مغلقا أمامه فعليه أن يتوقف قبل الممر وعند فتح الطريق له بعد ذلك عليه الإنتظار قبل بدء السير حتى يتم إخلاء الممر من المشاة اللذين بدأوا العبور قبل فتح الممر لمرور المركبات أما إذا كان الطريق مفتوحا لمرور المركبات فعلى قائد المركبة عدم عرقلة المشاة اللذين بدأوا فى عبور الممر أو إزعاجهم
مادة ( 119)
على قائد المركبة فى حالة وجود ممر خاص بالمشاة محدد بعلامات على سطح الطريق ولا ينظم المرور عنده إشارة ضوئية أو رجل مرور مراعاة أن يكون إقترابه من الممر بسرعة هادئة للغاية وعدم إزعاج المشاة الذين بدأوا فى عبور الممر وعليه التوقف تماما قبل ممر العبور حتى يتم هؤلاء المشاة مرورهم
مادة ( 120)
على قائد المركبة الذى يغير إتجاه مركبته للدخول فى طريق آخر أن يسير ببطء لإفساح المجال لعبور المشاة الذين شرعوا فى دخول الممر وعليه عند الضرورة التوقف حتى يتم عبورهم
وبالظبط لو واحد صحي لقي طريق مفتوح يختصر وقته ومعاناته وينتشله من الزحام فا ده مش مبرر إنه يدهوس على السكان الذين لا ذنب لهم إلا أن بيوتهم وقعت على جانبي طريق جديد. كل موضوع له وجهات نظر واختلاف وجاهت النظر لا يفسد للود قضية :)اقتباس:
معلش اذا كان واحد صحى الصبح لقى بيتة فى حتة و غيطة فى حتة فا دة مش مبرر انه "يصدرها للى يقدرها" و يعمل عبيط و يعدى الطريق وسط العربيات و يودى اللى راكبين عربيات فى 60 داهية
الخلاصة يا إخواني ودي وجهة نظري البحتة:
- على قائد السيارة مراعاة سلامة المشاة طالما تنبه لوجودهم وينوون عبور الطريق (وأماكنهم وتجمعاتهم محفوظة سواء على المحور أو على الدائري)
- اللي ماشي بسرعة تفوق سرعة الطريق المحددة مخطئ كخطأ من يعبر الطريق برعونة. وأقصى سرعة في القانون 100 كم على الطرق الصحراوية و90 كم على الطرق السريعة و60 كم داخل المدن. واللي يتجاوز هذه السرعات -في رأيي- لا يجوز له أن يتحجج برعونة عابري الطريق لأنه يقود برعونة هو الآخر.
- ومن لا يراعي تجمعات البشر المارين ويقرص بنزين ليرضي نزواته السيكوباتية لا يستحق الجلوس خلف عجلة القيادة ويستاهل الحرق كمان..
- وأخيراً عشان ماحدش يحدفني بحاجة .. اللي يعدي طريق برعونة يستاهل كل اللي يجراله وهو ونصيبه عاهة أو إعاقة طالما كان غير حريص على سلامته شخصياً.
وربنا يستر وأسأل الله السلامة لحضراتكم ولسائر البني آدمين مشاة وقائدي سيارات.
بالمناسبة افتكرت حاجة .. في أوروبا والدول المتقدمة يتم وضع علامات إرشادية في مواسم هجرة الغزلان والضفادع والبط .. عشان عابري الطريق ياخدوا بالهم ويهدوا سرعتهم حرصاً على سلامتهم وسلامة "الضفادع والغزلان"
لمطالعة قانون المرور ولائحته التنفيذية يمكنكم الرجوع للرابط التالي:
ظˆط²ط§ط±ط© ط§ظ„ط¯ط§ط®ظ„ظٹط© - ط¥ط³طھط¹ظ…ط§ظ„ ط§ظ„ط·ط±ظٹظ‚ ط§ظ„ط¹ط§ظ… ظپظ‰ ط§ظ„ظ…ط±ظˆط±
وتصحيح بسيط لآخر فقرة في مشاركتي السابقة لتكون :عشان قائدي السيارات ياخدوا بالهم ويهدوا سرعتهم حرصاً على سلامتهم وسلامة "الضفادع والغزلان"