[overline]
السلام عليكم اهل المنتدى الكرام ورحمة الله وبركاته
الحمدلله ربنا وفقنى وجبت عربيه 128 موديل 84 وحالتها الحمدلله كويسه بس حصل معايا حاجات غريبه من ساعة ماجبتها بس يمكن ده عشان انا اول مره اسوق والمفروض انى اتعلم عليها طبعا رجلى كانت تقيله على البنزين وطلعت على الرصيف مرتين والعربيه جابت زيت من القنطره وبعد ما صلحتها بدا مشكلة فى الدوران وساعات تدور وساعات لا لحد ما حد يزقنى وطبعا ده موضوع محرج وكل مااروح اقيس الشحن واحد يقولى لازم تغير البطاريه وواحد تانى يقولى اشحنها الاول كويس وبعدين قريت فى المنتدى انه ممكن يكون عيب كهربا يعنى بوجيهات وتاكيهات وحاجات غريبه اول مره اسمع عنها وفعلا روحت للميكانيكى امبارح وفتح الكبوت وطلع البوجيهات وقالى دور وسمعت صوت لما دورت زى الجرس وقال خلاص بوجيهات فهل فعلا ولا بيشتغلنى
ارجو منكم مساعدتى لانى اول مره وماكنتش فاكر الموضوع فيه مشاكل كده لدرجة انى فكرت الغى موضوع السواقه مع انى محتاجها لان معايا اطفال
وشكرا ليكم اخوتى فى المنتدى
[/overline]