مطلوب تسعير هذه السيارة

**thegoodhacker** · 27-01-2008 03:33 PM

نصر 128 موديل 88 - 1100 سي سي
دواخل سليمة رشة نضافة- سمكرة و دوكو حديث و موتور و عفشة ممتازين - فرش الفابريقة -لا تحتاج مصاريف سوي لمعالجة لصدا خفيف في شنطة السيارة و شراعة زجاج جديدة......ما السعر المناسب لهذه السيارة ؟

SS · 27-01-2008 05:05 PM

معلش بس ممكن توضح ايه اللى مرشوش نضافة الدواخل و لا بره ..بيتهألى لو الحالة زى ما انت بتقول و ماكنتش رشه جوه يبقى تعمل فى حدود 22 او 22.5 و ياريت برده توضح ايه موضع الصدأ الخفيف ده؟؟؟

**thegoodhacker** · 27-01-2008 05:39 PM

طبعا هي رشة بره - والدواخل مرشوشة نضافة بس سليمة بعد معاينتي للسيارة مع الميكانيكي اللي من طرفي

**thegoodhacker** · 27-01-2008 06:12 PM

والصدا هو حتة صغيرة جدا لا تذكر (حوالي 3 سم )موجودة اعلي عجلة السيارة الشمال اللي ورا و لم تصل لدرجة البارومة

**عزوز** · 27-01-2008 06:42 PM

20 الف جنيه على حسب كلامك

**tamerpop** · 28-01-2008 01:09 AM

من 16000الى 18000 جنية حلو عليها اوى

SS · 28-01-2008 01:38 AM

بصراحة مش عارف اقولك ايه بس انا عن نفسى مابحبش موضوع رشة جوة نضافة ده بصراحة مابستريحلوش فاعتقد انك لو ناوى تركب سليم و ده يكون احسن لك فبلاش منها و اما لو ماكنش فارق معاك فتعامل معاها على انها راشة دواخل بس- نضافة او غير نضافة -عشان تبقى فى السليم و و بالنسبة لى فى الحالة ديه ماتسواش اكتر من 18 ل 19 عشان بالنسبة لى لو اغلى من كده يبقى ازود الفين او تلاتة و اجيب واحدة سليمة او حتى اشترى بنفس التمن 127 نضيفة بس ده رأيى الشخصى يعنى ممكن تلاقيها تمنها فى السوق اكتر من كده و طبعا القرار ليك ف الاول و الاخر و ربنا يوفقك للخير.و فيه حاجة مهمة عن تجربة مافيش عربية مستعملة مش محتاجة مصاريف حتى لو حاجات بسيطة بس غالبا هتحتاج تصرف.