تجربتي مع انذار Topp Gunn

انا حبيت اشارككم فيتجربتي.... انا نزلت التوفيقية (انا من بورسعيد) من اسبوع كده عشان اجيب انذار يكون فية امكانية تدوير العربية من الريموت

انا سألت قبل كده بالتليفةن سبير كار قاللي اللي فية دوارة ب 450 و السعر ده عشان فية عرض لأنة كان ب 550

انا نزلت متوقع السعر قريب من كده
لقيت في التوفيقية نوعين بس فيهم دوارة: -

- نوع بيقولو اسمة الشبح علبة لبني عليها رسمة ثعبان و الريموت اسود و مكعبر اكيد تعرفوة اللي المفتاح بينط منة زي المطواه كده وده صيني
- نوع تاني اسمة Topp Gunn تايواني فية من ضمان غريب و منة ضمان عادي لمحل البيع

رحت بطاح و لهيطة ( لهيطة عندة حاجات جامدة بس ما فيهوش اللي انا عاوزة مع الأسف) و لفيت كتير هما الأتنين دول

و السعر الشبخ 200 بعد الفصال & توب جان 180

أخدت الشبح و رحت اركبة الكهربائية خوفوني منة و بيني وبينكو هوا تقفيلة كده شكلة تعبان حبتين
المهم رحت مرجعة و جبت التوب جان التايواني

و جبت 2 وحدة رفع غريب
بس اتخيطت في التركيب في التوفيقية 2 وحدة رفع + تركيبهم + تركيب الأنذار 120 جنيه !!

بس بصراحة كهربائي كويس و فاهم لو كنت خدتة بورسعيد ماحدشكان هبعرفلة

الأنذار ظريف بصراحة السوفت و فية جنابر تلغي خواص او تشغلها و بالنسبة للدواره كويس مش بيحمل علي المارش اوي ...سنة خفيفة كده

بس يستاهل تمنة بصراحة 180 من 450 عند سبير كار !! بس انا ماعرفش النوع اللي عند سبير ايه

انا عربيتي نوبيرا 2 كوري أوتوماتيك

اتمني تستفيدوا من التجربة

ربنا يباركلك فيه - علي فكره احنا بورسعيديه زى بعض - فيه ناس ممتازه بتركب الانذار عندنا في بورفؤاد وحنينين في السعر 120 في نظرى كتير

معنى كدا انك ممكن تشغل العربيه وانت فى البيت ولا المسافه بينك وبين العربيه كام متر ؟؟؟؟؟؟؟؟؟؟


وايه الخواص التانيه ال موجوده

120 تمن وحدتين الرفع و تركيبهم و تركيب الانذار, متهيئلى كويس جدا, هى وحدة الرفع بكام اساسا ؟ التركيب نقول 50 مثلا والباقى تمنهم, مش كتير خالص

مبروك ياباشا بس الصراحه حكايه تدوير العربيه من الريموت لو مش نازله مع العربيه اصلا يبقى ملهاش لازمه تعملها
بالنسه لسعر التركيب
انا كمان قريب مركب وحدتين رفع للاربع الابواب ومركب انذار برده بس وولف
ولكهربائي خد 100 جنيه بالعافيه بس انا طلعت عينه بصراحه عشان ميسيبش لم مدلدل ولا يبان اني مركب اي حاجه اصلا ويقفل الباب كويس
وده كهربائي معرفه اصلا ف 120 حلو لانك غريب كمان

الف مبروك و التكلفه كويسه

الف مبروك يا باشا و ربنا يباركلك فيه

اقتباس:

---

المشاركة الأصلية كتبت بواسطة احمد المصرى

معنى كدا انك ممكن تشغل العربيه وانت فى البيت ولا المسافه بينك وبين العربيه كام متر ؟؟؟؟؟؟؟؟؟؟


وايه الخواص التانيه ال موجوده

---

والف مبروك يا باشاااا

جبت top gun من فين و مين الكهربائى اللى ركيبو

اقتباس:

---

المشاركة الأصلية كتبت بواسطة amr_shaaban

انا حبيت اشارككم فيتجربتي.... انا نزلت التوفيقية (انا من بورسعيد) من اسبوع كده عشان اجيب انذار يكون فية امكانية تدوير العربية من الريموت

انا سألت قبل كده بالتليفةن سبير كار قاللي اللي فية دوارة ب 450 و السعر ده عشان فية عرض لأنة كان ب 550

انا نزلت متوقع السعر قريب من كده
لقيت في التوفيقية نوعين بس فيهم دوارة: -

- نوع بيقولو اسمة الشبح علبة لبني عليها رسمة ثعبان و الريموت اسود و مكعبر اكيد تعرفوة اللي المفتاح بينط منة زي المطواه كده وده صيني
- نوع تاني اسمة Topp Gunn تايواني فية من ضمان غريب و منة ضمان عادي لمحل البيع

رحت بطاح و لهيطة ( لهيطة عندة حاجات جامدة بس ما فيهوش اللي انا عاوزة مع الأسف) و لفيت كتير هما الأتنين دول

و السعر الشبخ 200 بعد الفصال & توب جان 180

أخدت الشبح و رحت اركبة الكهربائية خوفوني منة و بيني وبينكو هوا تقفيلة كده شكلة تعبان حبتين
المهم رحت مرجعة و جبت التوب جان التايواني

و جبت 2 وحدة رفع غريب
بس اتخيطت في التركيب في التوفيقية 2 وحدة رفع + تركيبهم + تركيب الأنذار 120 جنيه !!

بس بصراحة كهربائي كويس و فاهم لو كنت خدتة بورسعيد ماحدشكان هبعرفلة

الأنذار ظريف بصراحة السوفت و فية جنابر تلغي خواص او تشغلها و بالنسبة للدواره كويس مش بيحمل علي المارش اوي ...سنة خفيفة كده

بس يستاهل تمنة بصراحة 180 من 450 عند سبير كار !! بس انا ماعرفش النوع اللي عند سبير ايه

انا عربيتي نوبيرا 2 كوري أوتوماتيك

اتمني تستفيدوا من التجربة

---

اقتباس:

---

المشاركة الأصلية كتبت بواسطة amr_shaaban

انا حبيت اشارككم فيتجربتي.... انا نزلت التوفيقية (انا من بورسعيد) من اسبوع كده عشان اجيب انذار يكون فية امكانية تدوير العربية من الريموت

اتمني تستفيدوا من التجربة

---

ألف مبروك و شكرا على نقل التجربة:M_yes[1]:

اقتباس:

---

المشاركة الأصلية كتبت بواسطة bmya

مبروك ياباشا بس الصراحه حكايه تدوير العربيه من الريموت لو مش نازله مع العربيه اصلا يبقى ملهاش لازمه تعملها

---

لية يا شريف ؟اية المشكلة ؟

انا مستغرب لية اشتريت من مكان و ركبت فى مكان؟
فية اماكن بتروح تشترى منهم و بنفس الاسعار العادية و عندهم الى بيركب مجانا كل الى بتدفعة زيادة اكرامية للفنى الى بيركب والموضع دة منتشر فى شارع بيروت مصر الجديدة
و تبقى وفرت ثمن التكريب
و طبعا هاتقلى لازم يكون مزود اسعارة علشان هايركب
هاقول لحضرتك ابدا عن تجربة فى اكثر من حاجة بالعكس فى الغالب بيكون كمان ارخص

سؤال بسيط هل الانذار دة بيفتح الشنطة كمان ؟؟؟ وقولنا تجربتك أكثر بعد التركيب فرق معاك ولا في مشاكل ؟؟؟

فين صاحب الموضوع الاسئله كترت

موضوع تدوير العربية دة خطر شوية لانك ممكن تنسى وتعشق العربية قبل ماتنزل وتيجى تدور العربية تنط او اى عيل صغير يعد يلعب فية فالعربية تدور

اقتباس:

---

المشاركة الأصلية كتبت بواسطة kasten

فين صاحب الموضوع الاسئله كترت

---

+11111111111111

مفيش صور يا برنس

معلش يا جماعة ,دة عضو جديد و ممكن تكون رجله لسة مش واخدة على نايل موتورز! أو مشغول فى حاجة

اولا 10000 مبروووك

اقتباس:

---

المشاركة الأصلية كتبت بواسطة kasten

فين صاحب الموضوع الاسئله كترت

---

111111111+

اقتباس:

---

المشاركة الأصلية كتبت بواسطة midomizo

مفيش صور يا برنس

---

111111111111+

طيب اى مميزاتة

يا جماعة نعمل اعلان نشوف صاحب الموضوع راح فين
او نجيب عربية و ميكرفون و ندور علية
وطبعا هانقول
على السيد عضو نايل موترز القاطن فى اى حتة بعيد عن المنتدى لا تاخذ الموضوع بجدية الموضوع فية جهاز انزار مش قاتل
او
عود الى الموضوع الاعضاء بيحبوك و هيكلموك فى كل الى انت عايزة:36_1_58[1]:

لصاحب الموضوع ماتزعلش انا بهزر معاك

الف مبروك ياباشا
مستنيين تجربتك لية

صاحب الموضوع أ/ عمرو شعبان واضح انه دخوله قليل ,,
شكراً لنقل التجربة وتحية مني لأهل بورسعيد كلهم

الف مبروك ياباشا

اقتباس:

---

المشاركة الأصلية كتبت بواسطة tarekmomo

موضوع تدوير العربية دة خطر شوية لانك ممكن تنسى وتعشق العربية قبل ماتنزل وتيجى تدور العربية تنط او اى عيل صغير يعد يلعب فية فالعربية تدور

---

كلام حضرتك مضبوط و لكن صاحب الموضوع عربيته اوتوماتيك ، فمش هاتنط لو دارت لأنها لازم علشان تدور يا تكون على p يا على n

اقتباس:

---

انا عربيتي نوبيرا 2 كوري أوتوماتيك

---

اماحكاية العيل ، فكلامك كمان صح و المفروض ان اللى يعمل كده ما يخليش الحاجة دى فى متناول ايدين الأطفال..

و تحياتى

This Alarm isn't good because when you try to start your engine with it, once your car is started it still will continue to start always your engine is running, in a few month, you starter (marsh) will be damage

اقتباس:

---

المشاركة الأصلية كتبت بواسطة kimoboy

this alarm isn't good because when you try to start your engine with it, once your car is started it still will continue to start always your engine is running, in a few month, you starter (marsh) will be damage

---

مش فاهم حاجة من الانجليزى بتاعك, عايز تقول ان الجهاز بيدور العربية مع نفسه حتى و هى دايرة أصلا ؟!

Yes this what I mean

اقتباس:

---

المشاركة الأصلية كتبت بواسطة Moe86

مش فاهم حاجة من الانجليزى بتاعك, عايز تقول ان الجهاز بيدور العربية مع نفسه حتى و هى دايرة أصلا ؟!

---