السلام عليكم
اعاني من مشكلة وجود رائحة عادم في السيارة لدرجة ان الرائحة بتلزق في الهدوم و مش عارف هل دي مشكلة شكمان ولا زي ما في ناس بتقول ان الشنطة لازم تكون متقفلة كويس. معايا أكسنت 1300 موديل 1998.
افيدوني افادكم الله
عرض للطباعة
السلام عليكم
اعاني من مشكلة وجود رائحة عادم في السيارة لدرجة ان الرائحة بتلزق في الهدوم و مش عارف هل دي مشكلة شكمان ولا زي ما في ناس بتقول ان الشنطة لازم تكون متقفلة كويس. معايا أكسنت 1300 موديل 1998.
افيدوني افادكم الله
كدة انت عندك تسريب فى الشكمان اكشف على الشكمان كويس
شكرا سمسم باشا، بس اروح لمين بتاع شكمانات محترم ؟
الناس هنا بتقول فيه واحد فى السادس من اكتوبر و ديه شركة كبيرة اسمها ابو اليزيد ط§ظ„ط´ط±ظƒط© ط§ظ„ظ‡ظ†ط¯ط³ظٹط© ظ„طµظ†ط§ط¹ط© ط§ظ„ط´ظƒظ…ط§ظ†ط§طھ - ط§ط¨ظˆ ط§ظ„ظٹط²ظٹط¯, ط§ظ„ط³ط§ط¯ط³ ظ…ظ† ط§ظƒطھظˆط¨ط±, ط§ظ„ط¬ظٹط²ط©, ظ…طµط± | ط³ظٹط§ط±ط§طھ - ظ‚ط·ط¹ ط؛ظٹط§ط± ظˆظƒظ…ط§ظ„ظٹط§طھ | Yellow.com.eg | ظ‚ط·ط¹ط© 117 , 118 - - ط§ظ„ظ…ظ†ط·ظ‚ط© ط§ظ„طµ
حضرتك منين من القاهرةاقتباس:
المشاركة الأصلية كتبت بواسطة cavalier
وممكن حاجات تاني غير الشكمان .. مثلاً دخول رائحة من الكبوت من أبخره خارجة من الموتور
انا ساكن في العاشر من رمضان بس كل يوم في القاهرةاقتباس:
المشاركة الأصلية كتبت بواسطة semsem kane
عندك تسريب فى الشكمان من عند المانفول
طيب ياباشا الحرفيين اقرب حاجة ليك وهتلاقى هنا ناس تمام يظبطوا العربية صحاقتباس:
المشاركة الأصلية كتبت بواسطة cavalier
وشوف بردة حد من الاعضاء يكون متعامل مع واحد معين وواثق فية يقولك علية
بص يا باشااقتباس:
المشاركة الأصلية كتبت بواسطة cavalier
انا عندي نفس المشكله و بقالي فتره مش عارف احلها
بس بشم الريحه لما بكون ماشي علي سرعه عاليه
و كشفت عالشكمان مالقيتشي ايه حاجه فيه
اخر حاجه وصلتلها ان الشنطه عندي مش متقفله كويس
و هجرب اظبطها
شكرا يا جماعة على اهتمامكم
انا ان شاء الله حروح لواحد اسمه المطراوي في الحرفيين بيقولوا كويس و حشوف، بس لو المشكلة مش في الشكمان يبقى الاحتمال التاني بتاع الشنطة بس يعني ايه اقفلها كويس ؟؟؟ اغير طقم الجلد مثلا ولا ايه ؟
ايه علاقه ريحة العادم بالشنطه اساسا ؟؟؟؟!!!
اه طبيعي ان الريحه اللى فى الشنطه توصل للصالون بس اساسا ايه اللى حيدخل ريحة العادم جوه الشنطه بالغزاره دى ؟؟
لو على الشكل اللى بتوصفو يبقى كأنك موصل ماسوره الشكمان بالشنطه مباشر
فيه فتحات تهوية فى الشنطة متدارية تحت الاكصدام و لو الشكمان فيه تسريب بيخش العادم من الفتحات ديه و منها للشنطة و للصالوناقتباس:
المشاركة الأصلية كتبت بواسطة khaled_sabry
اوافقك الرأياقتباس:
المشاركة الأصلية كتبت بواسطة ahmed galal
+ ان ممكن لو الفنوس الوراني او باب الشنطه مش متقفل كويس ممكن تخش من مخرج الشكمان الطبيعي عالشنطه عالصالون
بس ياباشا معظم اللي بيشتكوا (وأنا منهم) لو قفلنا الزجاج مفيش ريحة.
يعني لو فيه تسريب من الشنطة للصالون والعربية متقفلة المفروض أشم ريحة بس ده مابيحصلش
الموضوع محتاج بتاع شكمان و لو مطلعش شكمان يبقى السروجي و السمكري يبصوا على الشنطة و تقفيلها
لا يا باشا لانه غالبا في حاجه اسمها الضغط فلما بتقفل الزجاج و انا لما بقفل الزجاج ما بشمش اي ريحه فعلاً و ده غالباً راجع لانه الضغط داخل السياره بيقبي عالي يعني بسهوله كده ما يسمحشي للدخان بالدخول و خصوصا ان الدخان خفيف اما لما بنفتح الزجاج بيحصل تفريغ للضغط و الهوا و بيتم تعويض الهوا بالدخان (اعتقد كده)اقتباس:
المشاركة الأصلية كتبت بواسطة thedeveloper87
اوافقك الرأي و اعتقد ان الشكمان عندي كويس عشان كده ان شاء الله الاسبوع اللي جاي لما افضي هاعرضها عالسمكري و اقولكم النتيجهاقتباس:
المشاركة الأصلية كتبت بواسطة cavalier
شوف خرطوم البنزين بالتنك هل هو سليم وفى مكانه.......؟
انا رحت للسمكري بتاعي و ظبط الشنطه الي حد ما بس الريحه لسا ما رحتشي , احتمال قلت شويه بسيطه و لسا مش عارف سبب العادم
المهم في ميكانيكي قالي اجرب سائل تنظيف الانجكشن تحط العلبه في التنك و تفول عليه البنزين و تمشي بالعربيه لحد ما التنك يقرب يفضي عالاخر - السائل ده بينظف رشاشات الانجكشن
و انا بدات اجربه انهارده و ارجو من الاخوه اللي جرب المنظف ده انه يقلنا تجربته
و انا عملت كده لاني حسيت فعلا انا ريحه العادم غريبه و العربيه مخنوقه شويه
نفس الموضوع عندي في البيجو 405 رحت لبتاع الشكمانات قالي الشكمان سليم رحت لمركز الصفا لضبط الكاربراتير قالي العربية مظبوطة والريحة دي من الشنطه وقالي لازم تغير كاوتش الشنطة ولسه بصراحه مغيرتوش
انا كمان عندي نفس المشكلة عالسرعات العالية بس بشم الريحه لما افتح الأزاز حته صغيره وخاصة لما اكون ماشي علي 120 مثلا واشيل رجلي من عالبنزين اشم الريحه والعربية بتهدي .. والشنطة عندي متقفله كويس . وكشفت عالشكمان مفيهوش اخرام . وروحت لكهربائي قالي حساس الشكمان وغيرته ب 200 ج وبردو الريحه زي مهي رجعت للكهربائي قالي افصل فيشة الحساس ... طب اقوله ايه ده .. حسبي الله ونعم الوكيل؟؟؟؟اقتباس:
المشاركة الأصلية كتبت بواسطة hosamwaja2410