أستاذ سبعاوى فينك يا جمييل؟
عرض للطباعة
شكرا يا استاذ سبعاوي وربنا يباركلك في الكاسيت ان شاء الله
تحياتي
تسلم يا سبعاوى باشا ربنا يكرمك معلش تعبتك معايا
قمت بعمل اضاف اخرى لنظام الصوت فى السيارة، كان عندى ووفر قديم 220 فولت فى البيت، مقاسه فى حدود 20 * 15 * 15 سم ، فكيته وبصيت جواه لقيت الترانس بتاعه بيطلع 9 فولت، وبصيت على المكونات بتاعته لقيتها بسيطة جدا وكلها بتقبل لحد 16 فولت، فكيت سلك الترانس وقمت بتوصيل الجهاز من نقطة خرج الترانس وقبل دائرة التقويم على مصدر 12 فولت عندى فى البيت لقيته اشتغل زى الفل، رحت مجمع التوصيلة على كدة وقفلت الجهاز ونزلت بيه للعربية، الكاسيت اصلا فيه خرج لعدة الصوت غير خرج السماعات ، على شكل وصلتين صوت يمين وشمال بنفس شكل وصلات الصوت الموجودة فى اجهزة التليفزيون والرسيسفر، وصلت كهرباء الووفر على الولاعة بحيث انه يشتغل ويفصل مع الكونتاكت وقمت بتوصيل الكاسيت بالووفر من خلال وصلة سلك صوت جاهزة ناحية منها عبارة عن وصلتين صوت بنفس شكل وصلات الريسيفر والتليفزيون والناحية التانية وصلة صوت زى بتاعة سماعة الام بى ثرى او الكومبيوتر، وبعديت علقت الووفر تحت وأمام الكاسيت(امام الكاسيت بالنسبة للسيارة ، يعنى الكاسيت يبقى مداريه عن السائق) باستخدام تاى راب ربطبته بيها فى جسم وحدة مروحة الصالون
والصوت مقوللكش، اكثر من رائع، بقى البيز فيه باين مع التريبل والدنيا جامدة جدا
طب انا اشترات كاسيت بايونير ومعه السماعات بتاعتوا بس عايز اعرف ممكن السماعات تركب في الباب بدل من النطة علشان اصلا مساحة الشنطة مش مستحملة وحد ركب في التوكيل يقولنا اخبار التوكيل ايه في السعر ومكان التركيب
طب صحيح يا جماعة فى التابلوه الفبريكه بتاع العربية بيبقى فيه مكان للسماعه اصلا من فوق (مكان متخرم كدا فى التابلوه من فوق قدام الراكب جنب السواق) , حد جرب يركب فيه سماعه؟ و لو كدا بيحتاج فك التابلوه كامل متهيألى و لا ايه؟