الموضوع: لو سمحت متعملش حركة من الحركات اللي تغيظ دي

طبعا كلكوا عرفين إننا في مصر عندنا قواعد مرور مختلفة عن أي بلد في الدنيا , ومعلش ممكن نستحمل الطريقة دي , إنما بقه في كام حركة مش ممكن تحصل غير في شوارع المحروسة بتغيظ و تجن و تخلي الواحد يطلع من شعوره و لو صايم أكيد أكيد حيفطر

ويا ريت على الأقل أعضاء نايل موتورز (صفوة سائقي مصر) مايكنش فينا واحد بيعملها

أنا عملتهم فلاش (حصري لنايل موتورز) علشان الصورة أحسن من الشرح

أولهم , الفهلوة لما يكون المحترف ماشي ورا ميكروباص ناوي يقف , فيحاول يفاديه شمال في وجود واحد ماشي على شماله بدل ما يقف ورا اللي وقف
المفروض هو اللي يتصرف ويقف لإن العطلة في طريق الحريف مش الغلبان اللي ماشي شمال !!!

[flash=http://higraph.freeoda.com/01.swf]width=550 height=200[/flash]

تم التثبيت بمعرفتي للاهمية والجودة
رجاء اضافة صور اهم السلبيات للمشاركة الاصلية بواسطة المشرف
كريم منير


2- الحريف اللي اليوترن بياخده و يوديه أخر حارة يمين !!!

[flash=http://higraph.freeoda.com/02.swf]width=550 height=200[/flash]

3- الحريف اللي بياخد اليوترن اللي قدام الشارع اللي طالع منه فيقطع الشارع بالعرض مع إنه ممكن يمشي شوية لقدام فياخد اليوترن اللي بعده مرتاح
ودي ممكن تشوفوها كتير في كورنيش اسكندرية

[flash=http://higraph.freeoda.com/03.swf]width=550 height=200[/flash]

4- الوضع الشهير جدا , صف الميكروباصات اللي واقف بيحمل وواحد في النص يقرر يسبق اللي قدامه و يسد الحارة اليتيمة اللي ماشية علشان يلحق ياخد الدور قبله

[flash=http://higraph.freeoda.com/04.swf]width=550 height=200[/flash]

المشاركة الأصلية كتبت بواسطة mo7a_mo7a

حالة تانية:

اشارة في تقاطع

وواحد فهلوي خد الحارة اليمين (اللي هي المفروض تتساب مفتوحة للي داخل يمين) ووقف فيها علشان يعدي الاول اول ما الاشارة تفتح

حلوة دي بتغيظ موت

اتفضل

5-

[flash=http://higraph.freeoda.com/05.swf]width=550 height=200[/flash]

انا كنت ناسي حاجة رخمة قوي قوي

6-
[flash=http://higraph.freeoda.com/06.swf]width=550 height=200[/flash]

الحمد لله ربنا عوض المصريين خير في عقولهم
وحقا و صدقا نحن نتميزز عن غيرنا من الشعوب إننا بنعرف نتصرف و بنغزل برجل حمار و بنسلك المتعقد

إلا في حالة واحدة لا غير ,عجزت العقلية المصرية عن التعامل معاها ألا وهي التقاطعات على شكلt مع إنها المفروض إنها أسهل من التقاطعات اللي على شكل + بس مش عارف ليه في مشكلة في الموضع ده

التقاطعات دي ممكن تلاقيها في كل الشوارع العمودية على الترع وتقاطعها مع شارع الترعة نفسه

7- تقاطع الt

[flash=http://higraph.freeoda.com/07.swf]width=550 height=200[/flash]

المشاركة الأصلية كتبت بواسطة أبو حمزة

إنت هايل بصراحة يابو رقية

حبقى هايل أكتر لو فضيت نفسك يوم الجمعة

حاجة تانية لسه حاصلالي النهاردة الصبح

واحد ما صدق لقى ركنة فكسر علي الطريق من غير لا إشارة و لا طلع إيديه ولا حتى صبر لحد ما أعدي والدنيا كانت فاضية

8 - شهوة الركنة
[flash=http://higraph.freeoda.com/08.swf]width=550 height=200[/flash]

9- بما إن المزلقان اتقفل في وشي , إنت ليه تلحق مصلحتك ؟؟؟
يبقى تقف معايا تونسني لحد ما يفتح مع إنك مالكش أي ذنب و طريقك سالك , بس دي ضريبة إنك بتسوق في مصر

[flash=http://higraph.freeoda.com/09.swf]width=550 height=200[/flash]

10 - المركبي !!!

انا بسميه المركبي علشان بحس إنه مش عامل كونترول خالص على العربية , أو البيه مكسل يلف مع الحارة فبيقطع الحارات كلها طول ما هو ماشي بالذات في الملفات طبعا , وطز في الناس اللي ماشية معاه

[flash=http://higraph.freeoda.com/10.swf]width=550 height=200[/flash]

المشاركة الأصلية كتبت بواسطة ahmadalaaeldin

معاك حق بس انا بتكلم عن موضع مختلف شويه..
على الطرق الداخلية وسط العمارات (كمثال في مصر الجديدة الشارع الي خلف نادي هليوبلس) اوقات بيكون واقف للي رايح إلى شارع المرغني بمعنى ان الطريق واقف وبيتحرك كام متر كل دقيقتين او ثلاثة) وفجأه تلاقي صاحب الفكر القاصر ساب الصف الي واقفين فيه وراح خارج منه وماشي في المعاكس لحد قبل المفرق او لما يلاقي عربية جاية في وشه ويدخل ثاني في الصف , وطبعا بيحاول يخش في الصف (لو عرف بقلة الذوق او بالعافية) والطريق واقف اساسا وبالتالي يعطل حارة السيارات القادمة ويسبب إرتباك أكبر..
وبالتالي ممنوع التخطي لأن الي قدامه لا يمكن ان يزيد من سرعته اصلا لأن الطريق واقف.
لكن بالنسبة لحالة موجود سيارة عطلانة او مركبة بطيئة (تصميميا ) بالنسبة للطريق كما تفضلت بذكر امثلة او واحد سرحان ومش عايز يفوق والطريق قدامه فاضي بيتم التجاوز بعد التأكد من خلو المعاكس وبرده بدون تهور وللضرورة.

كده تنفع فلاش يا باشا ولا نشوف منتج تاني؟:)

أه طبعا كده فهمتك , دي مشهورة قوي وتنفع طبعا

11- اللي فاكر نفسه مفتح وباقي الناس كاويركات
[flash=http://higraph.freeoda.com/11.swf]width=550 height=200[/flash]

في حركة ممكن تعمل مصايب
لما يكون واحد راكن قبل مدخل شارع , بيجيب سجاير او مستني المدام , وأول لما المدام تركب يبص قدامه ويبتدي يطلع , وعمره ما بيشغل باله يبص في المرايا يشوف إذا كان حد في الحارة الشمال داخل يمين من الشارع اللي حيسده بعد لحظة , وطبعا سبب إن اللي داخل يمين جاي من الحارة الشمال , إن الباشا الأولاني شاغل الحارة اليمين بتاعة اللي حيحود !!

12- لا مبالاة

[flash=http://higraph.freeoda.com/12.swf]width=550 height=200[/flash]

لما تلاقي أوتوبيس راكن أقصى اليمين قدام يوترن عاطي اشارة شمال (تبان غير منطقية ) لو سمحت هدي أو أقف مكان لإن بعد لحظة الأوتوبيس حيعرّض و حيسد الشارع , فلو بتحب تلبس في بطن الأوتوبيس خليك ماشي

طبعا دي غلطه في هندسة الطريق ووضع اليوتيرن إنما هو ده الواقع ودي نصيحة لله , علشان أنا شخصيا كنت حلبس في سوبر جيت على الدولي الساحلي (تخيل سرعتي) بس الحيوان مكنش مدي إشارة شمال , فكان شكله راكن أو عطلان , يالله منه لله

13- الأوتوبيس و اليوتيرن

[flash=http://higraph.freeoda.com/13.swf]width=550 height=200[/flash]

14- التــــــــايه
[flash=http://higraph.freeoda.com/14.swf]width=550 height=200[/flash]



15- طالما أنا مش عارف أخد اليوترن , عاوز تروح شغلك ليه يا بارد ؟مفيش عندك إحساس خالص ؟
[flash=http://higraph.freeoda.com/15.swf]width=550 height=200[/flash]



تم الدمج بواسطتى
مشرف القسم 9ب
1:19am 2/6/2010