محركات تبريد الهواء ماتت ليه ؟

**MaZaGAngeE** · 03-05-2010 04:31 PM

محركات السيارات اللي تبريدها باستخدام تربينات هواء زي فولكس بيتلز و فولكس مايكروباص و بورش
المواتير دي ماتت ليه و ماعدتش تنزل في أي عربيات و لا حتى لما فولكس صنعت البيتلز الجديدة نزلتها بموتور جولف مش بالموتور الأسطورة اللي كان من أهم مميزات البيتلز
حد عنده فكرة الموتور ده مات ليه ؟

أنا عن تجربة على مدى 6 سنوات و بالمقارنة بين عربيات أمتلكها و أستخدمها بشكل يومي و بعنف أرى أن مواتير تبريد الهواء أفضل و أحسن و أقل في تكاليف الصيانة من المواتير اللي تبريدها بالماء

إنت إيه رأيك ؟ الموتور ده مات ليه ؟

**MMamdouh** · 03-05-2010 04:37 PM

التبريد بالهوا مش فعال زى تبريد المية و صعب التحكم فيه... كمان المواتير دى بتبقى مزعجة و صوتها عالى

MMamdouh

**hobaz** · 03-05-2010 05:17 PM

متابع باهتمام......

**MMamdouh** · 03-05-2010 05:36 PM

المشاركة الأصلية كتبت بواسطة MaZaGAngeE

اتفق معاك في انك ماتقدرش تتحكم في تبريد الهواء لآن بمجرد تصميم التوربينة خلاص ماتقدرش تغير حاجة إلا لو غيرت حجم التوربينة و في الغالب حوض العربية ضيق و مش هيكفي للتعديل بس ده كمان ينطبق على الريدياتير إلا لو غيرته من 2 ماسورة ل 3 ماسورة أو غيرت في مروحة الموتور من 4 ل 5 ريشة لو الحوض واسع ممكن تجيب مروحة أكبر بس برضه في الغالب الحوض مش هيساعدك الا لو بنتكلم عن 504 أو 505
يبقى كده الاتنين زي بعض في نقطة التحكم .

اسمحلي أختلف معاك في نقطة الصوت العالي المزعج
التوربينة صوتها جميل جدا و ممتع و مميز جدا و ممكن حضرتك تجرب بيتلز بس تكون مظبوطة حاجة كمان صوت التوربينة بيكشفلك حالة العربية بشكل أسرع بكتير عن المواتير العادية يعني لو فيه خلل في الموتور هتلاقي صوت العربية متغير بشكل واضح

طبعا صوت المواتير مش كل الناس تحب تسمعه لازم تكون بتحب السواقة و بتحب عربيتك عشان تحب تسمع صوتها طول الوقت

انا كان معايا بيتلز قبل اللانوس و مازلت بحب و احترم العربية دى... طبعا هى صوتها حلو خصوصا الصفرة المميزة بتاعتها بس انا قصدى ارتفاع الصوت مقارنة بعربية لانسر مثلا... جزء كبير من فرق الصوت جاى من وجود توربينة الهوا

بالنسبة للتحكم فى التبريد فا تبيد المية فيه مراوح و ترموستات عشان تتعامل مع ظروف التشغيل المختلفة سواء العربية لسة باردة او سخنت او شغلت التكييف... مع تبريد الهوا مفيش اى حاجة تقدر تغيرها لمواجههة المتغيرات دى

MMamdouh

**sam_zen_elden** · 03-05-2010 07:17 PM

اعتقد ان الحيز المطلوب للتوربينة وصوتها العالى نسبيا سبب توقف تبريد الهواء وايضا التقدم فى دورات التبريد المغلقة التى من النادر ان تحتاج لسائل تبريد

**MaZaGAngeE** · 03-05-2010 08:49 PM

المشاركة الأصلية كتبت بواسطة sam_zen_elden

اعتقد ان الحيز المطلوب للتوربينة وصوتها العالى نسبيا سبب توقف تبريد الهواء وايضا التقدم فى دورات التبريد المغلقة التى من النادر ان تحتاج لسائل تبريد

معاك يا باشا في إن سوائل التبريد حصلها تقدم رهيب بس برضه حصل تطور مماثل في تصميم توربينات الهواء و مواد العزل للصوت و الحررارة

**MaZaGAngeE** · 03-05-2010 09:17 PM

لاحظت أن كل الموديلات من مواتير تبريد الهواء (بوكسر) 1 , 2 , 3 ,4 بسعات 1.1 و 1.2 و 1.5 و 1.5 و 1.6 و 1.7 و 2 ليتر كلهم قدرتهم الحصانية قليلة و تتراوح ما بين 18 حصان حتى 70 حصان و طبعا ده يعتبر موتور ضعيف مقارنة بالشعة اللترية ليه بس مش عارف هل العزم بتاع المواتير دي قوي و لا لآ
مرجع الموضوع من ويكيبيديا الانجليرية بعنوان air cooled engines ‎
و دي حاجة أنا لاحظتها فعلا لما بكون ماشي بالعربية و يقابلني مطبع عالي أالاقي العربية سرعتها بتقل جدا و أحتاج أحرق على الغيارات عشان أقدر أطلع المطلع

-

-

الموضوع: محركات تبريد الهواء ماتت ليه ؟

LinkBack

أدوات الموضوع

عرض

محركات تبريد الهواء ماتت ليه ؟ - انشر الموضوع فى :

-

-

-

-

-

المواضيع المتشابهه

تغيير صمام سحب الهواء لدائره تبريد سيينا 1400 بالصور ..

معلومات عن دورة تبريد محركات الهوندا

معلومات عن دورة تبريد محركات الهوندا

تبريد الهواء

بروتون تستعد لإطلاق محركات SuperCharged و محركات هجينة.

الكلمات الدلالية لهذا الموضوع

المفضلات

المفضلات

ضوابط المشاركة