الموضوع: طقم الدبرياج

انا عندي بفاله 11 سنو بتاع الفابريقة ولسه مغيره عشان الدسك بيرعش بس

المشاركة الأصلية كتبت بواسطة malta

السلام عليكم
اولا انا كنت عايز اسال عن العمر الافتراضى لطقم الدبرياج الديسك و الاسطوانة عشان فى ناس قالتلى انه بيتغير كل 10 سنين وانا خلال 10 سنين مغير 3 اطقم منهم اخر واحد مكملش 3 سنين انا عايز اعرف دا عيب سواقة منى انا عربيتى فيات128 ولو عربية جديدة و العيب فى السواقة بتاعتى برضة هاغير كل شوية كدة طقم الدبرياج دا يبقى خراب بيوت و اخر سؤال لو جبت عربية اوتوماتيك الفتيس الاوتوماتيك متوسط عمره اد ايه و بيبوظ بسرعة و لا ايه ارجو الرد بسرعة لانى عايز اشترى عربية فى القريب العاجل و شكرا

طقم الدبرياج بوجه عام من القطع الأستهلاكية في أي عربية خصوصا الأسطوانة .

وإستهلاك العربية للدبرياج بيختلف من عربية لأخرى ومن طريقة سواقة لأخرى ، وممكن التحميل الزائد على العربية يؤدي إلى الأستهلاك السريع أيضا .

ممكن أيضا يكون الأستهلاك راجع لسوء نوع الطقم ، بمعنى أخر أن يكون غير أصلي أو من مصدر غير موثوق (إستيراد أو صيني ).

ممكن يكون العيب في وجه الحدافة أو الفلام Flywheel مما يؤدي إلى إستهلاك الأسطوانة السريع .

أحب أضيف أن أعراض تلف الطقم كالتالي :

1- تلف الأسطوانة (الأكثر شيوعاً) :
- وده بيكون في شكل ضعف في سحب العربية بشكل عام وعلى المطالع والتحميل بشكل خاص .
- سخونة زايدة وغير مبررة للمحرك .
- رائحة غريبة تشبه رائحة إحتراق الكاوتش وخصوصا عند بداية التحرك وعند المطالع .

2- تلف البلية : ودي بتسمعلها صوت شوشرة وتحس بيها في الفتيس ولما تدوس دبرياج الصوت يروح .

3- تلف الديسك : وده بيكون في صورة زيادة لنشوفية دواسة الدبرياج وممكن يصحبه صوت تزييق .

وتلف أيهم بيأثر على المجموعة بالسلب ويقلل عمرها الأفتراضي .

المشاركة الأصلية كتبت بواسطة malta

يعنى طبيعى حد يغير طقم الدبرياج بعد 11 سنة وانا اغيره بعد سنتين اكيد العيب فى سواقتى انا عايز اعرف الصح فين

أيه أعراض التلف اللي بسببها بتروح تغير الطقم ؟؟؟

المشاركة الأصلية كتبت بواسطة eng_ahmedryad

ممكن أيضا يكون الأستهلاك راجع لسوء نوع الطقم ، بمعنى أخر أن يكون غير أصلي أو من مصدر غير موثوق (إستيراد أو صيني ).

ممكن يكون العيب في وجه الحدافة أو الفلام flywheel مما يؤدي إلى إستهلاك الأسطوانة السريع .

المشاركة الأصلية كتبت بواسطة malta

الديسك و الاسطوانة بيكونوا مكسورين و العربية ما بتنقلش خالص هو ممكن تعشيق العربية على التانى و هى مركونة لان معنديش فرامل يد يكن سبب لتلف الاسطوانة؟

كده يبقى الحدافه فيها عيب وده اللي بيبوظ الأسطونة والديسك بالتتابع
وده عيب كتير من الناس مش بتاخد بالها منه ،
أو ممكن يكون عيب في التركيب ، لأن اللي بيحصل ده مالوش علاقة بالأستهلاك خالص
المرة الجاية لما تيجي تغير خلي الميكانيكي بص على الحدافة ويقولك أيه أخبرها ، ولو فيها مشكلة ممكن تتظبط أو تشتري واحدة استيراد سليمة .

وياريت لو تتأكد أن نوع طقم الدبرياج يكون مضمون .