يا جماعة انا قرأت في كتالوج النيو سيراتو ان تسخين العربية يكون من 10 الى 20 ثانيه فقط وليس أكثر فهل الكلام ده صحيح.
عرض للطباعة
يا جماعة انا قرأت في كتالوج النيو سيراتو ان تسخين العربية يكون من 10 الى 20 ثانيه فقط وليس أكثر فهل الكلام ده صحيح.
هو أختلفت الاراء فى موضوع التسخين دا من عدمه
ناس تقول ملوش لازمه فى العربيات الحديثه
وناس تقول ملهاش علاقه جديده ولا قديمه لازم تسخن كل يوم الصبح
على أى حال
أحنا هنا أتفقنا على اننا نسخن بتاع 30 ثانيه الى دقيقه كدا
فى السيراتو بالذات لحد ما الrpm ينزل تحت الواحد
أو يجيب الواحد "1000 دوره يعنه"
أنا شايف أن التسخين مفيد وحتى لو مش لازم فهو مش هيضر :)
فسخن أفضل زى مقلتلك كدا
التسخين فى العربيات الحديثه فعلا مش ضرورى لانها بتسخن نفسها والار بى ام بيكون عالى لحد ماتسخن وتلاقيه نزل تانى
لكن موضوع التسخين صحى جدا لانه بيوزع الزيت فى دورته داخل الموتور مما يزيد من راحه المكنه ويطول عمرها ويقلل معامل الاحتكاك الداخلى فبكده بيحافظ على العربيه على العمر الطويل ان شاء الله
مش أقل من دقيقة ..
هنا في الخليج بيسيبوا العربية 10 دقائق تسخين !!
متأسف للخروج عن الموضوع لكن أستاذ elmihy
أرجو من حضرتك كتابه أمتلاكك للنيو سيراتو فى بياناتك الخاصه أذا اردت الانضمام لجروب الملاك
دا شرط الجروب الوحيد
فياريت يتحقق علشان أعرف أعملك أكسيبت
طيب يا ستاذ نورمال انا عايز ادخل الرابطه بتاعه ملاك السيراتو ممكن
التسخين على ما اعتقد بيقعد من 1.5 الى 2 دقيقه
دا أقل حاجه عندى :))
فكره هايله يا جوست
وعلشان كدا هبدأ بيك :)
يا ريت الرخصه وشهاده الميلاد وقيد عائلى ومفتاح العربيه :)
يا سلام :)
تشرف يا مادو باشا
دوس بس على اللينك الى فى توقيعى
و دوس على أنضم للمجموعه
بس كده
وحيث أنك مستوفى الشروط :)
هعملك أكسبت على طول
طيب حد سأل عن الموضوع ده في مركز الصيانه:burnout:
بص انا عندى فى التيدا وعندكم كده فى السيراتو
مفيش عداد الحراره لكن فيه لمبتين لمبه زرقاء ولمبه حمراء
اول ما بدور العربيه لمبه الزرقاء بتفضل منوره شويه وده معناه ان العريبه ساقعه بفضل سايب العربيه لحد لما اللمبه الزرقاء تطفى وامشى عادى
ده راى فى موضوع التسخين
السلام عليكم
1-مكتوب فى الكتالوج 30 ثانيه فقط
2-عندك موشر الحراره موجود فى السيراتو على شكل بار استنى لحد ما تبقى فى النصف او قبل النصف بشويه
او
3- تمشى لمده 5 دقائق على سرغة 20 كم \ساعه
الكلام ده فى السيراتو الخليجى الهاى لاين sx
عملية التسخين مهمه جدا للحفاظ على المواتير لمده عمر اطول بحاله جيده جدا .لان هذه العمليه تجعل الزيت يصعد الى التروس و اجزاء الموتور المختلفه و يقوم بتغليفها حتى لا تتاكل بفعل الحركه المستمره
*خاصتا لو انت مسافر باى عربيه بالنهار سفر يزيد عن 3 ساعات لازم تتوقف فى استراحه فى المنتصف لاجل الحفاظ ايضا على الموتور زى السفر للغردقه و الشرم (حتى البيتش بجى بيعملوا فيه كده عشان المكن يستريح و يعيش اكتر فى الظروف الحاره و الطبيعه الوعره.
يا ريت اكون وضحت
و السلام خير ختام
يا ريت اكون وضحت
و السلام خير ختام[/QUOTE]
الله ينور يا باشا:shine[1]:
على اد معلوماتى المتواضعه
الزيت والسياره بارده بيكون ساقع وقوامه غليظ مما يقلل عمليه الزيت والتشحيم داخل الموتور فى حين ان عمليه التسخين تزيد درجه حراره الزيت وتباعا درجه سيولته ومن ثم اكتما وظيفته فى التلين لجميع الاجزاء التى بها احتكاك وبكده اكتمال اداء الزيت لوظيفته وهو ساخن
اى وجب التسخين
واسف للاطاله
فيصل الكلام ...لابد من التسخين لكى يرتفع الزيت من الكرتيرة الى اعلى الموتور وبالتالى تزييت الاجزاء العليا من الموتور وخاصة البساتم لتقليل الاحتكاك مع الشيميز ... والهدف الثانى من التسخين هو وصول الموتور الى درجة الحرارة المناسبة لتمدد جميع الاجزاء بالقيم المناسبة والمحددة من قبل اثناء عملية التصميم وبالتالى الحصول على اقصى وافضل اداء للموتور عند التحرك ... ولان موتور السيراتو مصنوع من الالمنيوم فهو لايحتاج الى وقت طويل فى التسخين عكس المواتير القديمة التى كانت تصنع من سبائك معدنية لها معاملات تمدد مختلفة لذلك كانت تحتاج للتسخين لفترة طويلة ... عموما تسخين السيراتو يجب الا يتعدى ثلاث دقائق ثم تحرك بالسيارة وافعل بها ماتريد ...نصيحة اخيرة ... بعد عمل مشوار طويل بالعربية يفضل عدم اطفاء الموتور مباشرة بل يفضل ترك الموتور لمدة دقيقة حتى يهدأ ثم يغلق الموتور وتنزل من السيارة فى امان الله ...وهكذا بالتسخين وتأخير اغلاق المحرك تحافظ عليه اكبر فترة ممكنة ... والسلام عليكم ورحمة الله وبركاته.