يا رجالة هو المفروض أشحم العربية كل قد إية
هي لسة مكملتش معايا 100ك :049:
عرض للطباعة
يا رجالة هو المفروض أشحم العربية كل قد إية
هي لسة مكملتش معايا 100ك :049:
معلومة التشحيم لعفشة السيارات عامة
معلومه من أختراع الخيال المصرى المريض
ودى برضه من ضمن أفتاءات الأخ / بليه
مش فاهم حاجة ؟
ياباشا أنا بأتكلم عن الجماعه اللى بيقولوا نشحم العفشه ويروح مبهدل العربيه من تحتاقتباس:
ازاى يا باشمهندس .. و العربيات اللى فيها مشاحم فى البيضات ؟!!!!!!!!!
ويخللى شكلها زباله من تحت
وبالنسبه لبيض المقصات والدركسيون
فلحد معرفتى الحاليه
فأنها تكون محتفظه بشحمها الخاص داخلها ويوجد على البيضه من الخارج غلاف من الكاوتش ( حافظه )
ومتيله كمان لمنع دخول أتربه ورمال بين قميص البيضه ومسمار البيضه نفسها أو جسم البيضه البيضاوى
وبالتالى أختلاط الملوثات بشحم البيضه وبالتالى تلف البيضه
أما حتة وجود مشاحم على البيض
فدى جديده عليا الصراحه
ولم أقابل سياره بهذا النظام حتى الآن
فا أحتمال تكون فيه أنواع معينه من السيارات فيها المشاحم اللى بتقول عليها
وكده مش حيكون فيه داعى لوجود حافظه كاوتش للبيض
يعنى الصح انى مشحمش العربية من تحت طيب فى تنظيف مثلا ولو كده يبقى ازاى ... يعنى انا العربية بقالها سنة معايا موديتهاش البنزينة تتعمل من تحت خالص !!!
احب ازود بس انك ممكن تروح تودى العربية تتغسل من تحت فى البنزينة و هاتلاقى الطين عمال ينزل و يبان جسم العربية الحقيقى و ينضف الموضوع ده اعمله سنويا و بعد كام سنة تقوم داهن العربية من تحت بلاك افريقى ده عازل عشان طبقة حماية المصنع بتكون محتاجة اعادة تاهيل بس الكلام ده للعربيات الجديدة بعد 10 سنين تقريبا ان شاء الله و زى ما قال البشمهندس سمير موضوع التشحيم فى العربيات الجديدة ده فتى من الصنايعية
اللى شفته فى البنزينة مسدس مياه قوى جدا و طويل و ضغطه شديد و طالع منه مياه على شكل مثلث بتكسح الاوساخ امامها و اسمه فيشر تقريبا بس قوى جدا و عشان كده باقولك الموضوع يتعمل سنويا لان من قوته ساعات بياكل فى طبقة الحماية بس هوا الوسيلة الوحيدة اللى هاتطلع الاوساخ اللى تحت العربية و فى بطن الرفارف لانها اماكن تجمع الصدا و لو مش هاتقرف تتابع دايما بطن الرفرفين اللى ورا و تشيل الطين اللى العجل بينطره بايدك فى الحتت المدارية عشان البارومة بتيجى فى الحتة ديه و انا اتلسعت منها و بتسرح على العتب انا شخصيا اسبوعيا بانضف الحتة ديه لو نزلت لعربيتك دلوقتى اكيد مش هاتشوف المنطقة ديه من الطين اللى نشف و لزق فيها بس زى ما قلتلك لو مش هاتقرف تعملها
مشكورين على المعلومات
بس لو العربيه موديل 2003 هل يحوز التشحيم وابه القصد من السيارات الجديده؟
لما سألت فى التوكيل قالولى مالوش لازمة
يمكن يكون للعربيات الأقدم بس
أنا زيك يامحمد أول مره أسمع المسمى ده لواقى بدن السياره من تحت
ولكن ما أعرفه أنه يوجد نوع من الطلاء ( غليظ القوام الى حد ما مثل الشحم )
يسمى بالدهان التحتى under coat (أندر كوت )
وموجود لدى بتوع البويات ( لونه رصاصى داكن قليلا )
فى علب متوسطة الحجم ( العلبه حتلاقيها بحوالى 20 ج مثلا )
بتستخدم لطلاء الأماكن المكشوفه من صاج السياره من أسفل بغرض حمايتها من العوامل المسببه للصدأ وتلف الصاج مثل المياه والرطوبه وخلافه
فعلا كان معايا عربيه سكودا فليشا وكنت بغسلها في البنزينه ومرفوعه والراجل بتاع البنزينه قالي عايزة اندر كوت وبصراحه ماكنتش عارف ولما سالته قالي علشان المنطقه السفليه للعربية وجاب علبه وزود عليها علي ما اظمن ماده مش فاكر ايه بظبط علشان تكون الي حد ما شبه المياه وراح رشها اسفل العربيه وده بيتعمل اكثر لما تكون العربيه فات عليها اكثر من عشر سنوات علي الاقل
لو عندك مشاحم زي الي في الفيديو ده هاتحتاج تشحمها كل كام شهر.....والنظام ده لسه موجود في بعض العربيات الامريكي والجيبات
How to Grease a Ball Joint on a Car: How to Replace a Worn Ball Joint on a Car | eHow.com
ده بيتجاب عادي من عند اي ميني ماركت في البنزينه.....عبارة عن علبة اسبراي فيه مادة بنفس مادة البيتومين المستعمل في عزل السراديب للمباني علشان المياه الجوفية ماتكلش الاساسات...
How to Undercoat and Rustproof Car Wheel Wells | eHow.com
طريقة رشه والتجهيز لاستعماله......وممكن تستعمله كعازل صوت كويس في صناديق سماعات العربيات(sound proof).
الشاحم يتم تركيبها فى بيض بعض العربيات مثل ال لادا يوجد مسمار يتم فكه والغؤه وشراء مشحمه وتركيبها بدل المسمار تعمل مثل السكس بلف بدخول الشحم وعدم خروجه عكسي ولكن فى بيض لا يتم تشحيمه وهو الاحسن
كما يوجد مسمار يتم فكه وتركيب مشحمه بنفس الطريقه على المثلث او ما يسمى الشرشره الواصله بين الفلانشه و عمود الكردان وذلك فى سيارات السحب الخلفى
كلامك جميل جدا وفعلا حصل في عربيتي والسبب أن الطين يظل رطب بأستمرار وخاصة لو عديت بالسيارة على مياه وهي ده ألي بتعمل بارومة على العتب والرفارف والحل هو التخلص منها أول بأول .
وبالنسبة للتشحيم فالسيارة اللادا تقريبا هي ألي البيض بتعها بينزل بمشاحم وفي منه بغير مشاحم .