المشاركة الأصلية كتبت بواسطة MMamdouh
ممكن تكون رشاشات الاوبل بوش برضة بس شكلها مختلف شوية لكن فى النهاية طالما بتركب
مضبوط مش مشكلة
قصة فتحة او اتنين او تلاتة متفرقش فى الاستهلاك لان لكل رشاش معدل انسياب و طالما جبت معدل الانسياب الصح لعربيتك متفرقش حتى لو الرشاش ب 100 فتحة... انا جبت رشاشات الM40 عشان كانوا هما الارخص... رشاشات الM43 نفس معدل الانسياب لكن بتلات فتحات و شكلها مختلف شوية لكن كانت بحوالى 350... ملقتش فيه اي لزمة اصرفلى 100 جنية زيادة فى حاجة مش مفيدة للدرجة
كمان استهلاك البنزين مش مرتبط بمعدل انسياب الرشاش بشكل قوى زى ما انتوا متخيلين... العربية فيها كمبيوتر بيظبط نسبة الهواء و الوقود و بالتالى الفروق الصغيرة فى الرشاشات مبتفرقش فى حاجة و دة السبب ان نفس الرشاشات بتركب على اللانوس ال1500 و النوبيرا ال1600 و بتشتغل زى الفل فى الاتنين
طبعا لو حطيت رشاش بتاع عربية 2000 فى عربية 1000الوضع حيتغير و فى السلانسية حيبقى فيه بنزين كتير كدة كدة حتى و الكمبيوتر مقلل زمن فتح الرشاش على الاخر و الاستهلاك حيزيد و العكس بالعكس لو حطيت رشاش 1000 فى عربية 2000 حتلاقى على لفات عالية الموتور بيسقف نتيجة نقص البنزين
باختصار الفروق البسيطة ممكن الكمبيوتر يتعامل معاها طالما فى حدود المعقول
500 جنية كتير اوى... دا انت فاضللك 300 و تقفل تمن طقم بتاع اكسنت جديد... اكيد الرشاشات البوش احسن من الكورى فى العمر الافتراضى و الاداء بس ليه تدفع 500 لما ممكن تجيب نفس المنتج ب 200 او 250 جنية؟؟
MMamdouh