الموضوع: تغيير العنوان

المشاركة الأصلية كتبت بواسطة بحري

لا شكر على واجب يا أخي الكريم
دلوقتي حضرتك مش حينفع تنقل الملكية والرخصة منتهية
فخطواتك تكون كالتالي
- استخراج شهادة بيانات موجهة للشهر العقاري بالتوكيل اللي معاك
- استخراج شهادة مخالفات
- تسجيل العقد
- استكمال خطوات نقل الملكية في المرور (فحص وملف وضريبة ورخصة جديدة)

تسلم من كل شر يا جميل
هى الرخصة لسه ماخلصتش
هاتخلص يوم 10 مايو
والعربية مرور دمياط وللأسف معنديش وقت خالص عشان اروح اجيب شهاده مخالفات
واعتقد ان انا لو معرفتش انزل يوم السبت بالكتير ويوم الاحد اروح المرور بتاعى اخلص كل حاجه يبقى هاستنى وابقى اروح براحتى وفى الحاله دى هاتكون الرخصة انتهت
فالسؤال دلوقت ينفع ابيع لنفسى واعمل عقد مسجل قبل ما الرخصه تنتهى؟
ومعلش يا باشا تعبتك
وبعتذر لصاحب الموضوع على مداخلاتى الكتير فى موضوعه

أنا فهمت من كلام حضرتك إنك في فترة السماح اللي هي شهر بعد انتهاء الرخصة
ولكن طالما الرخصة لسه سارية يبقى حضرتك ممكن تبيع لنفسك عادي بس الحق قبل الرخصة ما تنتهي لإنها لو انتهت بتاخد وقت ووجع دماغ في المرور