اخيرا الفلوس جت و هنزل اجيب لانوس فول اوبشن زيرو حد عنده اي نصايح او معلومات اجيب منين و اخد بالي من ايه و انا بشتري وكده
عرض للطباعة
اخيرا الفلوس جت و هنزل اجيب لانوس فول اوبشن زيرو حد عنده اي نصايح او معلومات اجيب منين و اخد بالي من ايه و انا بشتري وكده
الف مبروك مقدما وامن عليها في رايي التامين مفيد وربنا يديك خيرها ويكفيك شرها :ask:
الوطنية اتوموتيف ده موزع معتمد والمعرض جنب بيتي وشكلهم ناس محترمين كلمتهم دلوقتي قالولي هنسلمك على طول وبنبعت معاك حد يرخص علشان بنأخذ صورة الرخصة علشان نجبلك الضمان بعدها ب 4 او 5 ايام علشان الضمان مش بيجي مع العربية انا عايز اعرف الكلام ده صح ولا المفروض الضمان مع العربية
مين بس اللي قال لحضرتك كده !!
لو أمنت في شركه تأمين كويسه بيتاخد منك قسط سنوي حوالى 4.5 % من تمن العربيه
و لاقدر الله لو حصل خطر معين فـ انت عليك واجب بردو لازم تعمله عشان تضمن ان الشركه تصرفلك التعويض اللازم
اولا ومن البدايه خالص لازم لما تيجي تأمن على عربيتك تكون فعلا سليمه تماماً لانها هتتصور ديجيتال والصور هتتحط في ملف خاص بيك في الشركه
ثانيا عند وقوع الخطر لازم تتبع الأصول في التعامل عشان تضمن وصول التعويض ليك بشكل سليم وهي :-
- لو حصلت حادثه او خطر جسيم لازم محضر شرطه واثبات واقعه في مسرح الحادث
- تبليغ الشركه المؤمنه فوراً بالحادث مرفق معاه صوره من المحضر وبيانات كل الإجراءات اللي عملتها
- بعدها بيطلع معاك معاين من الشركه لمعاينه الخسائر والأضرار اللي حصلت عندك
- بعد المعاينه بيتم تحديد حجم الخساره من قبل المعاين
- بعدها بيكون عندك اختيار من اتنين : الاول هو انك تصلح العربيه على حسابك في اي مركز صيانه وبعدها تجيب لشركه التأمين الفواتير المعتمده بقيمه الإصلاح وهي بتصرف القيمه المطلوبه ..... التاني انك تسيب العربيه للشركه وهي بتوديها الورش التابعه ليها وبتقوم بتصليحها وترجعها ليك زي ماكانت عند المعاينه في بدء التأمين عليها
لكن مع مراعاه , ان عند تقييم الخطر لو كانت التكلفه ازيد من 5 الاف جنيه مصري فإنت فعلا محتاج محضر شرطه واثبات حاله و و و ,,,,,, لكن لو كانت التكلفه اقل فإنت مش محتاج غير معاينه السياره من معاين الشركه وبس
ولا قدر الله في حاله الهلاك الكلي للعربيه فالشركه مسئوله مسئوليه كامله عن تعويضك بعربيه تانيه زيها بالظبط , لكن دي بتكون اجراءتها طويييييييييله شويه
وفي حاجه غلط جدا بيعملها صاحب العربيه وهو بيأمن , وهي انه ساعات بيطلب انه يأمن على العربيه بسعر اغلى من التمن الحقيقي لها (يعني هي بـ 100 الف وهو عايز يامن بـ 150 الف) وطبعا بيكون القسط اعلى , ولكن عند وقوع خطر الهلاك الكلي للعربيه فبيتم تعويضك عنها بسعر السوق مش بسعر التأمين عليها , وانا شايف ان دي اكبر غلطه بيرتكبها المؤمن عند عمل وثيقه تأمين
ونقطه اخيره عشان مكونش طولت اوي عليك
في شروط في اي وثيقه تأمين بتحرمك من الإستفاده بالتعويض
ومن ضمن الحاجات دي
اخفاء معلومات او بيانات معينه عن العربيه كنوع من مخادعه الشركه , يعني مثلا يكون في عيب كارثى وهيؤدي في القريب العاجل لتلف العربيه بشكل او بأخر
تعمد تعريض العربيه لخطر معين من قبل صاحبها للحصول على التعويض النقدي او تعويض بعربيه تانيه
في حاجه مهمه جدا ومش كل الناس عارفاها , وهي ان لو مش صاحب العربيه هو اللي كان ماشي بيها وقت وقوع الخطر فالشركه غير مسئوله إطلاقاً عن اي ضرر حصل
اتمنى اكون وضحتلك شويه الفكره عامله ازاي , وعلى فكره التأمين في اي شركه في الدنيا ملهوش اي علاقه بقطع الغيار , التأمين يشمل الحاله العامه للسياره والشكل الخارجي
مبروك مقدماً
مبروك مقدما بس انا ليا راى تانى وهو
متفكر فى حاجه غير اللانوس وسبب كلامى دا علشان شكلها بقا قديم شويه من 2000 لى 2010 شكل واحد ونفس الامكانيات
بس هيا كعربيه ممتازه
هقول لحضرتك حاجه احسن , شركات التأمين اللي شغاله في مجال تأمين السيارات في مصر معدوده لكن اشهرها وافضلها شركه مصر للتأمين و البيت المصري السعودي
لكن من رأيي انك تروح الشركتين (او غيرهم) وتطلب منهم الإطلاع على نظام التأمين ومحتويات وشروط وثيقه التامين عندهم , و الشركه اللي حضرتك تحس ان كلامها اقرب الى عقلك وقلبك اتعاقد معاها
لو حضرتك استقريت على التعاقد مع شركه مصر للتامين قولي وانا اعرفك على وسيط تأمين هيخدمك وهيسهلك حاجات كتير هناك
بالنسبة للضمان فأن شاء الله بتستلمه بعد ما ترخص السيارة
ياعني بتستلم عربيتك وتأخد منهم
خطاب من Gm إلي منصور شيفورليه وخطاب من منصور شيفورليه إلي المعرض وخطاب من المعرض ليك بالسيارة
وبترخص العربية وبعد ما ترخصها
بتروح بالرخصة إلي المعرض وهما بيدوك الضمان مختوم والكتالوج
بالنسبة للتأمين فانا شايف معاك انه ضروري وانا عن نفسي بحب شركات التأمين التكافلي (الإسلامي) وفيه منها شركة تبع بنك فيصل
وفيه شركات تانية.
بس انت لو حوار التأمين التكافلي (إسلامي) ده موش هيفرق معاك يبقي طبعاُ شركة إليانز من اكثر الشركات إحتراماً
علي فكرة كمان الضمان ممكن ما تخدوش من المعرض
انت هتتصل بمنصور شيفورليه وهما هيدلوك علي اقرب فرع لمنصور قريب منك وهتروح ليه بالرخصة وهتلاقي بيناتك نازلة عندهم علي السيستم وهما إلي هيدولك الضمان وهيختموه بختم منصور شيفروليه وهيدولك كمان الكتالوج
انا عن نفسي اشتريت السيارة من سمير ريان
واخدت الضمان من فرع مصر الجديدة لمنصور شيفورليه
وربنا يسهلك ويكرمك ويرزقك خيرها ويجنبك شرها ان شاء الله
الله يطمنكوا يا رجاله انا نازل دلوقتي احجز من الوطنية ادعولي
الف مبروك مقدما