بلاش تشيل البلوف دى
العربيه وهى بتفرمل كأنك شادد الهاند يعنى لو فرمله جامده على ملف هتلاقى العربيه بتخمس
البلوف موضوعه اصلا علشان تعادل فرق الوزن ما بين ورا وقدام لانك لما بتفرمل وزن العربيه
بيترمى قدام بفعل القصور الزاتى فلو نسبه القوه اللى رايحه للاربع عجلات واحده اللى ورا هيقفوا
اول علشان معليهمش وزن كبير بعكس اللى قدام اللى عليهم وزن الموتور والسواق
فلما تشيلهم بتبقى كأنك بتفرمل بالهاند وممكن يحدث ما لايحمد عقباه
بالنسبه للعربيات اللى ملهاش بلوف هتلاقى رايح ورا ماسوره واحده للعجلتين بتتقسم فى بطن العربيه بالضفضعه ( مشترك بيقسم الماسوره اتنين )
فلو حسبتها
يبقى الفرده اللى ورا بيروحلها نصف الضغط اللى رايح للفرده قدام
صح الكلام
ده حتى البلوف فى الدايو
بيختلف مقاسها على حسب وزن العربيه
يعنى تلاقى بلوف اللانوس مقاسها غير بلوف النوبيرا
لو اقتنعت قولى ورجع البلوف فورا
ولو مقتنعتش اتصل بى وانا اقنعك بزياده
رقمى فى التوقيع
واى خدمه
وسلام مؤقت .
المفضلات