عايز أجي تلفزيون بس تهت ...... ساعدوني

**omaroof** · 05-05-2010 04:32 AM

حسب معلوماتى المتواضعه ان lcd افضل من كل النواحى عمرة ضعف عمر التليفزيون البلازما وجودته عاليه وارخص من الليد
وربنا وفقنى وجبت واحد بريفيا32 بوصه يابانى ماشاء الله بقاله سنه وشويه جميل جداا الحمد لله

**dr_maged** · 05-05-2010 04:50 AM

طيب سونى ...يابانى تقفيل مصرى
ولا
ال جى ....كورى تقفيل مصرى

والاتنين نفس الامكانيات تقريبا ال سى دى 32 بوصة والمخارج واحدة والسعر قريب
ولا بقى اشوف سامسونج او توشيبا تنصحونى بماركة اية من الاخر ؟؟؟؟؟؟؟

**ashouhdy** · 05-05-2010 05:25 AM

شباب طبعا بعد شرح سبعاوى باشا مفيش كلام احب احط النقط فوق الحروف :)

أعلى شاشات عالميا lg يليها samsung ثم السونى و الباناسونيك
محدش يقولى يابانى و كورى احنا مش بنتكلم عن العربيات هنا ههههههههههههههههه

نمرة واحد:

تكنولوجى ال led مش حتحس يها ابدا ع الاحجام العادية ممكن حتى تبان ع الاحجام الضخمة جداااااااا 60" و طالع او شاشات الموبايل الصغيرة

تكنولوجى البلازما خلاص (حرام عليك عينيك و الاشعاعات)

ال lcd كانت و مازالت الافضل و الاجود و الاجيال الجديدة تتقوق فى ال السطوع و الاضاءة بطريقة عجيبة ان فاقت كمان تكنولوجى ال led

مثال: لسة شارى شاشة lcd lg flatron 19" للكمبيوتر ماشاء الله انا عامل الbrightness و contrast على 20% بسبب السطوع الرهييييييييييييييييييييي ييييييييييييييب ولما اجى افتح الاب توب عمرة سنة واحد hp dv6 و معللى الشاشة ع اقوى حاجة بحس انها اصلا مش منورة!!!!

تكنولوجيا ال led تتفوق في احجام صغيرة جدا و احجام كبيرة جدا! لكن فى الوسط ال lcd الافضل و الاجود

يكفى ان ال lcd شاشات بلا اشعاع حتى لو لزقت فيها!

الهاى ديفينيشن فين القنوات اللى بتيث اصلا هاى ديفينيشن!!!!

فى رأيى اللى عايز هاى ديفينيشن يبقى:

Lcd هاى ديفينيشن + ريسيفر هاى ديفينيشن + كابل هاى = جودة فائقة لكن قنوات قليلة جدااااااااااااااااااااااا ااااااااااااااااااااااااا ااااااااا

الا لو بقى نويت تشغلها ع ال dvd and bluray يبقى عييش بس قوللى فين المواقع الللى اعمل منها داونلود لا افلام هاى ديفينيشن!!!!

بس خللى بالك الفيلم حيبقى 7جيجا مش 200 ميجا بتوع myegy.com
هههههههههههههههه

خليك فى ال lg & samsung

و اتوكل ع الله

**AhmedGen2** · 05-05-2010 07:38 AM

عاوز أفلام Full HD يبقى لازم سرعة نت مش أقل من 8 ميجا وأكونت على رابيد شير وهتلاقى كل اللى انت عايزه ، الفيلم مساحته بتبدأ من 8 جيجا وانت طالع.

طبعا الفرق بين ال 720 وال 1080 فرق السما من العما ..

دة فيلم أفاتار بكواليتى مختلفة بالترتيب:

Avatar (2009) 480P
Avatar (2009) 720p BluRay
Avatar (2009) 864p BluRay
Avatar (2009) 1080p
Avatar (2009) BD-Rip 1080p

**Moh.Fahmy** · 05-05-2010 10:18 AM

المشاركة الأصلية كتبت بواسطة n.y.s.m.a

وكابل الـ hdmi هو نوع الكابل اللى بينقل الصورة عالية الجودة من الريسيفر أو كارت الشاشة مثلا للتلفزيون أو الشاشة والرقم اللى جنبه بيكون إشارة لعدد المداخل أو المخارج اللى في الجهاز من نوع hdmi بمعنى إن لما يكون الجهاز مكتوب عليه hdmi-3 معناها إن الجهاز ده فيه 3 مداخل hdmi

افادكم الله يا باشا و بالطبع كل ما زاد عدد المداخل كل ما كان افضل

**aif** · 05-05-2010 12:48 PM

انا بأمر بنفس الحيرة حاليا
واضح ان الموضوع مش سهل ومعقد جدا
زمان كان اللي عاوز تلفزيون بينزل يجيبه من شارع عبد العزيز ويرجع حطه على شبكة التاكسي والجيران يقعدو يتفرجو ع التلفزيون الجديد وهو داخل البيت زي العريس
...
دلوقتي الموضوع اتعقد حالص

lcd ,
led.
hd
hmdi
وبلازما
ومخارج ومداخل والصناعة والتجميع
ايه اللخبطة دي كلها
انا خلاص مخي هنج
بلاها فكرة التلفزيون الجديد
ماله القديم .... ماهو زي الفل وشغال ومش بيشتكي
....
نرجع تاني للموال بتاعنا
...
ايه اخبار توشيبا او شارب في الموضوع ده ؟؟
انا بأفضل منتجات العربي .... باحس انهم عندهم ضمير اكتر م الباقي وضمانهم محترم
لو حد جرب التوشيبا او الشارب او يعرف اسعارهم ياريت بنتشلني من بحر التخبط والضياع اللي موجود من كتر الماركات والمواصفات والمخارج والمداخل والمقاسات