هو مافيش امل السلوكيات تتظبط في الشارع ابدا ؟؟؟؟

**omaroof** · 04-05-2010 04:10 PM

الغريب ان اكتر الناس دى لو سافرت بره بتلتزم بالقوانين ياترى ليه؟
عشان فى عقاب ولا عشان مايبقاش هو العبيط اللى بين الناس المحترمه !

**ihabchina** · 04-05-2010 04:54 PM

المشاركة الأصلية كتبت بواسطة ahmed galal

الحل فى فيلم saw اى جزء يعجبكم بس عايز رجالة تساعدنى هاه مين جاى؟

المشاركة الأصلية كتبت بواسطة eng_ahmedryad

الجيش مستني الأشارة

المشاركة الأصلية كتبت بواسطة omaroof

الغريب ان اكتر الناس دى لو سافرت بره بتلتزم بالقوانين ياترى ليه؟
عشان فى عقاب ولا عشان مايبقاش هو العبيط اللى بين الناس المحترمه !

وربنا انت برنس هههه الظاهر انى مش الوحيد السيكوباتى هنا فعلا عندك حق
انا بفكر نعمل كمان حل اوى كده احنا ننزل الحرفيين ونركب تحت الاكصدام الامامى بازكة يا معلم ولما تلاقى حد ماشى غلط بدل ما تحرق دمك وتحرق اعصابك وتكتم فى نفسك من كتر الغيظ وبدل ما تحط ايدك على الكلاكس وتبوظة او انك تقلب بالنور العالى تقوم حضرتك مشكور دايس على النور العالى ومحدد الهدف واضرب يا معلم ههههههههههههههههه

تنفجر العربية اللى كسرت علية وتريح الناس من شرها وتمشى فى امان تاااااااااااااااااااااااا اااام هههههههه

هم يضحك وهم يبكى والله

**kemoelord** · 04-05-2010 05:48 PM

المشاركة الأصلية كتبت بواسطة omaroof

الغريب ان اكتر الناس دى لو سافرت بره بتلتزم بالقوانين ياترى ليه؟
عشان فى عقاب ولا عشان مايبقاش هو العبيط اللى بين الناس المحترمه !

احنا طول عمرنا كده من ايام الاستعمار لازم حد يمشينا ويفرض علينا قوانين صارمه وعقوبات واوامر علشان نمشي ونعيش صح , وهو ده الفرق بينا وبين الغرب انهم من نفسم تلاقيهم ملتزمين وعندهم وعي احتماعي وثقافي وعارفين الصح من الغلط وقمه في الالتزام والانضباط وفي نفس الوقت الي بيخالف القواعد والقوانينن بلاقي العقاب القاسي ومفش فيه تهاون لكن هنا طول ما هي ماشيه بالفلوس واعطي ده 5 جنيه وده 20 جنيه مفش حد هيتعاقب وهنفضل نعيش في اخطاء مستمرة

**hobaz** · 04-05-2010 05:57 PM

حلمي ان البلد ده تبقى راقية ونظيفة والنظام هو اللي يمشيها (مش عارف ممكن يتحقق في السنين ده ولا اسيب الحلم ده لأحفاد احفادي واكبر دماغي).....

**ابو فرح** · 04-05-2010 06:53 PM

الحل الوحيد ان ربنا يكرمنا ونشترى طياره عشان نترحم من الناس اللى تحت او نركب للعربيه جنحات عشان اى زنقه نطلع الجناحات ونطير

**د.محمود صلاح** · 04-05-2010 10:48 PM

واللي بيحصل من السادة الملتزمين ... >> If you can't beat them , join them
هو الإقتداء التام بتلك السلوكيات بعد ما اصبحت هي السمة العظمى في الشارع المصري

**abo_lamar** · 04-05-2010 11:43 PM

انسى يا عمرو .... عمر الناس ما حتتغير

**gadix** · 06-05-2010 01:40 PM

المشاركة الأصلية كتبت بواسطة elmadawy

المشكله اننا في مصر ليس لدينا ثقافة احترام البعض وده بيظهر اكثر في اثناء قياده السيارة وكل واحد عايز يسبق الثاني ومافيش حد بيحترم حد

معاك حق و يمكن عشان انا لسة جديد في السواقة عندي شوية احترام للناس بس ققرت اني ابطلها و ابقي عربجي عشان اعرف اسوق في مصر
حصل معايا موقفين في اليومين الي فاتوا حرقوا دمي
1- واحد بيركن في الشارع و الشارع بياخد عربية واحدة فانا وقفت و استنيته لحد ما يركن براحته و كانت عربيته كبيرة شوية علي المكان الي عاوز يركن فيه فوقف و فتحلي حتة صغيرة عشان انا اعدي منها بس انا ماخدتش بالي فراح مشاورلي عشان اعدي و لما جيت حنبه اتنرفز عليا ازاي انا معديش لما هوا وقف الخلاصة انا استنيته 4 او 5دقايق عشان يعدي و هو اتنرفز من نص دقيقة انا مخدتش بالي ان هوا واقف

2- انا ماشي في طريقي و جاي قدامي عربية باجيرو واخدة تلت ربع الطريق و جنبها توك توك اضطريت اقف عشان اعدي التوك توك واخد مكانه و اعدي العربية التانية
ليه و ليه عملت كدة البيه صاحب الباجيرو لاقيته بيشخط فيا مع انه جاي عكس الطريق !!!!!!!!!!

**MOK3336** · 09-05-2010 09:30 PM

أنا يا جماعة شايف أن الحماية تتلخص في الأتى
1- ظبط الشوارع مرورياً
يعني الشارع يكون فيه شروط تطبيق قواعد المرور
( نظافة - تنسيق - تخطيط )
2- كل واحد يبدأ بنفسه
3- وجود كميرات في الشارع لمراقبة حركة المرور
4- يكون في عقاب لكل واحد عمل حاجة غلط وهو ماشي
( من أول ما يرمى منديل أو شيىء من شباك العربية - التزنيق و عدم الإلتزام بحارته - لحد كسر إشارة المرور )

وفي موقف حصل معايا شخصيا ً
كنت ماشي حوالي الساعة 3 الفجر و الإشاره كانت حمره فضلت واقف لحد ما بقت خضرا و صاحبي قالي أنتي في إية الشارع فاضي ما كنت أمشي

مش عارف ممكن حد من ايلي كانوا بيعدوا بيقولوا في نفسهم إيه العبيط ده
بس عن نفسي حسيت أنى مش بعمل حاجه غلط و كنت مبسوط جدا بإيلي انا عملته ده

وموقف تاني حصل قدامى ( سعتها كرهت العربيات )
كان في بنت سايقة عربية و كان في قدمها ولد سايق عربية تقريباً هينداى كوبيه
المهم البنت يادوب لمست إكصدام الولد
راح واقف وطالع قدام شوية و راح راجع مارشليه وديب في عربية البنت
كسرلها الفانوس و دغدغ الإكصدام من النص و الكبوت أتعوج لفوق

وهو ولا حصله حاجة ( إكصدامة كان عريض و تقريباً كده كان حديد لأنه محصلش فيه حاجة خالص )
طبعاً انا أديقت جدا من إيلي حصل و مش عارف و الله لو ده كان حصل معايا أنا كنت ممكن أعمل فيه إية