الموضوع: جماهير في قمة التعصب !!!!!!

احمدوا ربنا اننا مش في كولومبيا ولا تشيلي ولا بيرو دول بيضربوا بعض بالنار
واللاعب اللي يضيع جون و لا حارس ميصدوش يبقى يا رحمن يا رحيم عليه
بس انا ليه سؤال بسيط
هما الاخوة دول كانوا فين في متش الجزائر
يلا مش مهم

المشاركة الأصلية كتبت بواسطة aif

كلمة صغيرة
المنظومة كلها فاسدة يا جماعة مش الكام واحد بتوع الاسماعيلي اللي طلعو ف التلفزيون
الاهلي جماهيرة مش مختلفة عنهم كتر .... والزمالك زيهم تماما ... وبور سعيد والسويس واسكندرية ...... الفرق في لون الفانلة فقط لاغير .... لكن الجهل والعصبية والتخلف ..... متشابه تماما
واللي بتشوفوه في التلفزيون ده اقل القليل
........
اللي اعرفه ان قبل المباراة تم تكسير اتوبيسات الاسماعيلي بتاعت الجماهير وتم اشعال النيران في بعضها من قبل جماهير اهلاوية ردا على اللي حصل في الاسماعيلية الدور الاول
وحصلت اشتباكات بين الجماهير بالاسلحة البيضاء والشوم والحجارة .... ده في الشارع خارج الاستاد ..... وفيه اصابات
علشان كدة قبل ما تقولو جماهير الاسماعيلي ...... شوفو باقي الجماهير ......
كله زي بعضه .... اسماعيلي واهلي وزمالك ومصري ........ بصراحة دول قاع المجتمع المصري للأسف .... والمصيبة ان فضايحهم بتتنقل ع الهوا للعالم كله

والله انا لو مسؤل في البلد دي
كنت اخذت قرار بنقل مبارايات الاهلي والاسماعيلي ( المواجهات المباشرة بينهم ) الى بلد محايد بدون جمهور لمدة عامين
....
ومش عاجبكم الجزاير.... وبنقول عليهم همج ........ طيب
يا شماتت طنك ظاظا فينا
ومش عاجبنا حالنا وبنقول اننا نستحق افضل من اللي احنا فيه ......... وما ربك بظلام للعبيد

+111111111111111111 هي دي الخلاصه

المشاركة الأصلية كتبت بواسطة terrible_darsh

خدنا ايه لما بقينا ناكل فى بعض سواء كنا اخوات او اصدقاء او مواطنين !

و لا اى حاجة و الله , هما نجحوا انهم يخلونا نكره بعض و نكره العيشة علشان محدش يفوق لهم و لا يقولهم بتعملوا ايه .

دول خلوا الناس تهتف لبلد مش بلدهم !

و ادى النتيجة كل يوم بنزيد صراعات و مشاكل و كره و حقد و محدش بقي طايق حد و البلد بتتقدم بينا ( ازاى متعرفش ) ..

يا رب الناس تفهم بقي .

+111111111111
هوده بالظبط اقرب تصور عندي للي بيحصل..........لازم الناس يكون عندها وعي وتكبر دماغها اكتر من كده علشان يشوفوا الصورة بالوضوح ده .....بس ازاي!

المشاركة الأصلية كتبت بواسطة kemoelord

اتاسف عليه يا باشا ؟ مش فاهم ناس غلطت واتصورا كمان وهما بيعملوا الكلام ده وجيت هنا علشان اقول ما ينفع الكلام ده سواء من جماهير الاهلي او الاسماعيلي او حتى جماهير مزارع دينا مع احترامي يعني لنادي مزارع دينا ,, اصل احنا لو قعدنا نقول الجماهير دي عملت والجماهير دي سوت مش هنخلص وهنطلع بلاوي , وزي ما الناس طلعت بعد مباراة الشرطة والزمالك وقالت ان جماهير الزمالك غلطت , المفروض نطلع ونقول ان جماهير الاسماعيلي غلطت وزي ما جماهير الاهلي بتغلط

ثانيا : حضرتك بتتكلم على نادي الاسماعيلي وبتقول احنا مش معانا فلوس طيب ده يعني ذنب الانديه التانيه زي الاهلي والزمالك وكده , بدل ما تشوفوا ايه الادارة المناسبه والي تصلح لادارة النادي بدل ما الاداره الي عندكوا مودياكوا في داهيه وبتستغني عن لاعيبه بتعتبر اعمدة في الفرقه !!! , راحوا عملوا صفقة الحضري ! طيب لازمتها خصوصا انكوا مش هتقدروا تتدفعوها والنادي اصلا عنده حارس كويس , وكل ده والمحافظه واقفه معاكوا طيب نعمل ايه تاني

يا استاذي انا ضد انك تقول علينا متخلفين مين الي اداك الحق انك تحكم على الناس انا ضد الي عملوا كدا امبارح بس مقدرش اطلع اقول جمهور متخلفين لان في ناس كتير محترمة وبتفهم انت بتتكلم عن الاسمعلاوية كلهم و تقول متخلفين ايه دليلك ان الاسمعلاوية كلهم متخلفين و مين اصلا الي يقدر يحكم على الناس اكيد مش انت ولا انا ولا اي حد تاني ولو دا رايك فاكيد انت لازم تحتفظ بيه لنفسك لاننا مش عايزين نسمعوا ............ يا ريت يا جماعة الي يجي يتكلم عن موضوع يقول مثلا ان الناس الي بتكسر الكراسي في الاستاد دول غلطانين مش يطلع يقول جماهير في قمة التخلف ازاي بس .......... ياريت يا جماعة اي حد من الناس الكبيرة الي قي المنتدى يرد عليا بس علشان اعرف انا بقول اي كلام ولا ايه مع اني متاكد ان معظم الناس دي مش هتخش على الموضوع اصلا لان يا جماعة حكاية انشغالنا بالكورة دي باه موضوع هايف جدا جدا جدا انا ضد بس انك تقول على اي حد متخلف انت متقدرش تحكم على الناس ............. و فعلا لازم تتاسف لانك لما تيجي تقول جمهور متخلف طيب افرض مثلا اني كنت في الماتش امبارح حتى لو مكنتش فانا من الجمهور دا يعني انت بتقول عليا متخلف هل انت تعرفني علشان تقدر تحكم عليا اذا كنت متخلف ولا لا يا ريت يا جماعة نحدد و نفهم الكلام قبل ما نقوله

صلوا علي النبي يارجالة وكلنا اخوة وكبروا دماغكم والمسامح كريم يالله سلموا علي بعض ....والي كسب كسب والي خسر هاردلك........وفي الاخر دي كورة مش هاتقدم البلد.....انا الي شايفوا الصراحة ومن غير زعل مشاكلها وخسائرها اكبر بكتير من فايدتها....وتصبحوا علي خير.

المشاركة الأصلية كتبت بواسطة otefa

صلوا علي النبي يارجالة وكلنا اخوة وكبروا دماغكم والمسامح كريم يالله سلموا علي بعض ....والي كسب كسب والي خسر هاردلك........وفي الاخر دي كورة مش هاتقدم البلد.....انا الي شايفوا الصراحة ومن غير زعل مشاكلها وخسائرها اكبر بكتير من فايدتها....وتصبحوا علي خير.

+1111111111 و الله يا بشمهندس يتحرق دا على دا ولا في دماغي و كنت بتفرج على الماتش زهق بس انا معترض على الكلام مش اكتر