يكاد لا يخلو بيت من بيوتنا من وجود طاغية مستبد فيه وممكن يكون مجموعة من الطغاة
http://www.gulfkids.com/images/solouk.gifhttp://www.gulfkids.com/images/solouk%20(1).gif
الطغاة دول هم ولادنا ربنا يخليهم ويبارك فيهم :E_braces[1]:
طبعا كل واحد فينا عنده قصص وحكايات عن الظلم اللي واقع عليه ومش قادر يقاومه او ياخد حق من المستبدين الصغار
لما بنتعرض لظلم او استبداد من الكبار بنقاوم وندافع عن حقوقنا لكن قدام الطغاة الصغار بنكون ضعاف قليلي الحيلة مكسورين الجناح لا حول لنا ولا قوة
عايزة اسمع قصص الاستبداد اللي بتشوفوها في بيوتكم وياسلام لو مصحوبة بالصور عشان نثبت طغيانهم وظلمهم
وانا هابدأ بنفسي
الاستاذ سفندي ابني او يوسف كان عامل مشترك في كل خناقة مع اخواته على الكمبيوترPC
فأنا عشان اريح دماغي بقيت اخليه يلعب باللاب توب خمس دقايق كل يوم
والدقايق بقت تزيد يوم ورا يوم واصبح اللاب توب شرك بيني وبينه
وياريت على كدة وبس
لا كمان حضرته استولى على حسابي في الفيس بوك بيفتحه من الفيفوريت وبقه يضيف ويحذف الاصدقاء بمزاجه واستولى على الجيمز على الفيس وقسم الالعاب بينه وبيني
امبارح بقه مش عايز يسيب الجهاز نهائي وزهقت منه وسيتهوله وسيبتله الاوضة كمان وادخل عليه بعد شوية الاقيه في الوضع ده
لا وكمان مظبط نفسه على سريره وجايب كرسي المطبخ وحاطط اللاب عليه عشان يقعد بمزاج لحد النوم ما كبس عليه يا عيني من كتر التعب