ياريت تقولنا بيفتح قنوات hd فعلا ولا لأ ؟
مثل الجزيرة و باقة الشوتايم ال hd الجديدة !
هههههههه و الله كلامك سليم
المشكله ان الناس بتجرى ورا الحاجات الجديده و مش بتستفاد منها حاجه
انا رأئى الشخصى ان تقنيه ال hd دى مش هنستفاد منها الا بعد يجى 10 سنين ههههه و الله بجد مش بهزر
عارف امتى لما كل القنوات المفتوحه او معظمها تبث hd وده مش هيحصل قبل 10 سنين ... و بالتدريج
القنوات المشفره بس هيا اللى بتبث hd دلوقتى و للأسف الشديد 90 % منها مش بيشتغل على الشيرينج اساسا فى الوقت الحالى
يعنى من الأخر ملوش لزمه ... كبيرك هتجيب كام قناه للطبيعه على اقمار اوروبيه بتبث hd و عمرك ما هتتفرج عليها اصلا ... الناس بطبيعتها بتدور على الجديد بس للأسف مبنسألش نفسنا هنستفاد منها ايه
لو الناس عرفت المعلومات دى و ان مفيش قنوات hd اساسا هنستفاد بيها حاليا يبقى السؤال المنطقى فى الحاله دى ....
طب اجيبه دلوقتى اعمل بيه ايه ؟؟؟؟؟
و السؤال التانى اجيب lcd hd اساسا ليه و انا مش هستفاد منها و صوره القنوات ال SD عليها اوحش من صوره التلفزيون العادى ؟؟؟
انا هسيبلكوا الأسئله دى تجاوبوا انتوا بقى عليها ههههههه
نرجع للكيوماكس الجوكر ... الجهاز للأسف الشديد فى شكاوى كتير منه فى الوقت الحالى .... استنى لما كوداك يقولنا رأيه فيه ايه .... انا عن نفسى مش بثق فى منتجات عبد العال بصراحه
:satelite::satelite:
انا جبته لان ال lcd مش بيوجع العين زى التلفزيونات العادية ال cathodic
ومش عشانى انا لانى طول عمرى بتفرج عليها
لكن عشان العيال الصغيرة
وتانى حاجة عشان الحجم الصغير
واخر حاجة عشان اقدر اوصله hdmi بالكمبيوتر و اتفرج من على التليفزيون احلى من اللاب توب
بس
بيفتح قنوات اتش دى بس لسة مجربتش زى ما قولتلك يا دوب وصلته فى الشقة بس ولسة هدخل نت عندى فى شقتى واشوف
ان شاء الله هجرب واقولك
انا قريت كتير على موقع الديفيدى قبل ما ااشترى واستفدت منه بمعلومات طبعا
وهشوفلك الفاتورة واجيبلك اسم المحل حاضر
هرد عليك على نقطة نقطة
اولا التلفزيون عندى HD
اجيبله ريسيفر عادى ليه ؟؟
طيب خلينى جبت ريسيفر عادى مفيش غير الجولد
الجولد طبعا مفيش منه فى السوق وانا عارف انه جهاز جامد
نزل اللى بعد الجولد اللى هو جوكر 999 العادى سعره 550 فى المحلات كلها اقل سعر سمعته 520 جنيه
لقيت الجوكر اتش دى ب 750 - 800 فى كل المحلات ووصلت لسعر 600 جنيه
يبقة اجيب العادى ب 500 ولا الاتش دى ب 600 ؟؟؟؟
وانا معاك ان مفيش قنوات اتش دى كتير
بس ايه اللى يخلينى اجيب العادى دلوقتى وبعد سنة ولا اتنين ابيعه واخسر فيه واكمل واجيب اتش دى ؟
(كل واحد وتفكيره طبعا ) بس انا تفكيرى كده بحب اجيب الحاجة كويسة علشان مفكرش اغير غير بعد فترة
بالنسبة للتلفزيون
اى تلفزيون lcd صور القنوات العادية وحشة عليه
بس عندى الكمبيوتر عليه افلام اتش دى وبلو راى وكارت الفيجا عندى فيه اتش دى بردو وكمان عندى فى الكمبيوتر كارت ستالايت
واللاب توب عندى فيه مخرج اتش دى
ومعايا جهاز ديفيدى بلاير صغير بردو اتش دى
كل الاجهزة اللى نازلة دلوقتى اتش دى
والحاجات دى مبروحش اجيبها بالطلب تكون اتش دى
يعنى كارت الفيجا بعد ما جبته لقيته اتش دى
واللاب بردو نفس الكلام
يبقة ليه اروح اشترى القديم وبعد شوية اندم واقول ياريتنى كنت جبت الجديد وفرق السعر بينهم مش غالى ؟؟؟
مع العلم انى قبل ما اشترى الحاجة بكون متابع الاسعار ولافف كويس ومبشتريش غير لما السعر يكون كويس
يعنى التلفزيون جبته اول لما عرفت ان سامسونج عاملة عرض علشان كاس العالم
ووفرت فى تمنه اكتر من 1600 جنيه يعنى الواحد بيشترى بعقل بردو :)
يبقة انا اللى كسبان مش بجرى ورا الحاجة الجديدة وخلاص !!!!!!!!!!
بالنسبة لتجاربى مع الريسيفرات انا مليش فيها خالص (انا زى ما قولتلك الكمبيوتر عندى فيه كارت ستالايت فمكنتش بحتاج ريسيفر خالص)
بس عندى اخويا فاهم فى الحاجات دى وهو معاه الجولد من اول لما نزل
واول لما الجولد نزل كان عليه مشاكل كتير جدا وبتتحل فى السوفتات الجديدة لحد ما اتظبط
انا شخصيا شاري LCD HD علشان..
انا ال LCD عندي شغالة 10 حاجات في بعض !
ال LCD متوصلة ب :
- جهاز Workstation منزلي ( انا الي عامله يعني ) و ده بخلص عليه كل شغلي في البيت .
- جهاز Nintendo Wii ( هو اي نعم مفيهوش HD بس صورته اكبر من الشاشة العادية ) .
- جهاز Xbox 360 ( و ده شغال HD الله ينور ! )
- Home Theatre ( بيعمل UPSCALE للصورة علشان تبقى HD و صورته احلى من التلفزيون العادي من المسافي الي بعد فيها ).
-Notebook بتاع المدام في حالة لما تكون عايزة تشوف حاجة على الشاشة الكبيرة
- جهاز دريمبوكس 500
يعني من غير ال HD و سيبك منها .. هاتلي تلفزيون عادي في كمية الوصلات دي و تنوعها و سهول التنقل منها ..
اجدع تلفزيون CRT حيكون فيه 2 VIDEO-IN و واحدة كومبوننت و يكوم ماركة محترمة و 29 بوصة مثلا ؟ مش حيقل عن 2500 جنيه ان وجد .
العيب مش شراء LCD
العيب في التاخر البشع من وزارة التكنولوبيا ! في تحويل البرامج والقنوات المصرية و العربية الى HD و الي بدا من 2004 او قبل كدة كمان برة !
واحنا قاعدين نتلكم عن ال HD...
ال 3D نزل !!
وعقبال ماننقل .. و هكذا ....
انا حاليا شايف ان رسيفر HD ملوش لازمة الا لو حيفتح قنوات الشوتايم ال HD
بس سؤال بقى ؟ بالنسبة لقنوات SKY و CANAL+ عندهم HD كتير ... دول حيتفحوا برده ؟
محمد باشا ازاي اعرف ايه الباقات المفتوحه
يعني شوسينيما اشتغلت ولا لسه
يا ترى اية اخبار ال samsat 80 hd ؟؟؟