مرايات ودن القطه سعرها كام جديده ؟
مرايات ودن القطه سعرها كام جديده ؟
اللي معايا ب180 جنية ومصبووبين فيبر
وزجااج متحرك
بس دى اسمها كماليات مش تعديلات
:satelite:كل التعديلات الى انت بتقول عليها مغالى فيها وبعدين ملهاش لازمه طالما حاله العربيه وحشه
فى الميكانيكا
يعنى الاول تسقط ماتور كويس وتراجع على الكهربا والعربيه تبقى تمام وابدء فى التعديل
الاسعار اجمد جنوط 900 جنيه
المرايات انزل الوكاله او الحرفين هات جوز مرايات كهربا بال 150 جنيه وزرار 20جنيه واى كهربائى يركبهوملك
الزجاج الكهربا فى عزبه شلبى 100 بالزراير بالسلك لكل باب 4ابواب =400
شغل العتب والاكصدام الصاج عمره ميبقى حلو مفيش بعد الشغل الفيبر فى الحرفين
اما عده الصوت فمتصرفش كتير فيه gm 120 جنيه بيشغل كارت ميمورى وفلاشه وفيه fm نقى جدا فى الصوت خرج 4 سماعه وبالريمود مع سماعه كبيره (صبايه جامده)وجوز سماعات صينى نوع كويس ولوعاوز سماعات فى الابواب مع سنت وانزار سيمفونى فى حدود 150جنيه
التابلوه مع الابواب جلدهم جلد عند الاستورجى وخد الرضيه بالمره ومكان السماعات فى الخلف
وياسالام لو يدخل لون احمر مع اسود وعصايه الفتيس فيه كسوه جاد لونها احمر كده فى التوفيقيه ب10 جنيه
اما الفرش فانزل التوفيقيه ولف وهتجيبه ارخص من كده كتير وهت بالمره عراقه خشب للكراسى
اما موضوع الوحه الى بتنور
فيه جهاز صغير متصل بيه رينجين صغيرين كده بيتسبتو داخل العربيه شكلهم وحش بس المهم الجهاز ده فى زرار يخلى الخرج بتاع الاضائه يمشى مع الوسيقى او الصوت المحيط عموما وممكن تثبت الاضائه وكمان ممكن تلغى الرينجتن الصغيرين وتوصل بدلا منهم شريط لدات من ابو 20 جنيه اليد الكبير تحس ان اضائته شديده جدا ويا تسبت الاضائه يا تخليها مع الموسيقى وممكت تسبت شريطين ليدات اسفل السياره اما سعر الجهاز ده 10 جنيه وعلى التجربه من امام سنترال رمسيس من ناحيه التوفيقيه وده بيجى بوصله الولاعه وممكن انت توصله ديركت او تعدل فيه وانت ودماغك
ونصيحه العربه الى حاله المكتيكا والكهربه والات الجر والعفشه فيها مش كويسه متستهلش التعديل
عندى واحد صاحبى صرف على عربيه اوبل ريكورد موديل 74 10000 الف جنيه (فرش جلد زجاج كهرباء مرايات كهربا شد التابلوه جلد عمه 2500 جنيه وفشلت البوجيه ال4 بيعرق زيت والتاكيهات خربانه والكربراتير بتاع عربه لاداوراكب على موتور المانى 1600 cc ,;lhk va وكمان رش العربيه فضى ميتاليك ولصموله العفشه اى ورخص 3 سنين ضيف عليهم 7000 الف تمن العربيه يبقى =17000 العربيه شكلها نضيف وجامد بس تيحى تخرج بيها تدور على ميكانيكى علشان يدورهالك ولو دارت متمشاكتر من 60 -70 علشان بتعوم على الرغم ان الموتور عزمه كويس بس علبه الدركسيون والبارات وجلب المقصات والبيض كل ده عاوز يتغير
فنصيحه مهما صرفت على 132 مش هتبقى هيونداى ولا حتى bmw
فلوسك وفرها لعربيه تكون تستاهل وهات عربيه رخيصه مرمط فيها فى شوارع المحروسه المكسره وبعدين هات عربيه حديثه وحافظ عليها واى كماليات فيها هتبان
ياما قولناله بس هيا العربيه حالتها متوسطة أصلا مش هتجيبله فلوس كتير
والله ماعرف يا باشمهندس بس أكيد فى الحرفيين أو عند أى سمكرى محترم
يا مسهل مانا قولت أجرب فيه الأول لأنى ناوى إن شاء الله على 132 برضة
يا سيدى مش هتفرق المسميات المهم إنها فى القسم الصح فى المنتدى الصح مع الأعضاء الصح الصح
تسلم أيدك على الرد الوافى الكافى إلى مش عارف أقول عليه حاجة بصراحه غير ربنا يكرمك يا باشمهندس على تعبك و مجهودك فى الرد و إن شاء الله كلامك وصل 100 100 لكن بالنسبه لتغيير العربية حتى لو حط الفرق بتاع التعديل مع فلوسها مش هتجيبله حاجة لأنها حالتها مش كويسة فهوا هيصرف عليها و هيظبطها الأول فى الميكانيكا و يبتدى الرحله دى