الموضوع: بم تفسر حب الناس لل 405 بهذا الشكل

السلام عليكم ورحمه الله وبركاته
ازيكم يارجاله عاملين ايه يارب تكونوا بأحسن صحة وحال
من المملكة العربية بقولكم وحشتونى جدا جدا ومصر كلها وحشتنى
المهم بقي
شئ غريب جدا ليه ال 405 ليها دراما خاصة بشكل عام ولكل المتعاملين معاها
الناس كلها بتحترم العربية ديه وبتقدرها فوق الوصف
بالنسبة ليا
لما كنت بدور على واحده اشتريها بقيت كل ملاقى واحد معاه وحده ويتفتح بنا كلام اقوله تبيع يقولى لايمكن مابعش والحكاية ديه حصلت معايا اكتر من مرة
المكانيكي بيعشقها والميكانيكى التانى بيقدرها والعفشجى بيقولى فى العفشة شعر ماشاء الله
الناس فى الشارع بوجه عام العربية ديه بالذات لها معنى وهيبة كدا فى قلوبهم
فى البيت عندى كل البيت بيحبوها
حتى صحابي بيعشقوها لدرجه كمان ان جواز صحابي اللى كانوا بيركبوا معايا بيحبوا العربية ديه بالذات وزعلوا جدا لما عرفوا انى بعت كذلك كل اللى ذكرتهم
لما جيت اقول هبيع لقيت اول ناس عاوزين يشتروا جيرانى وصحابي واغلب المعارف بس انا كنت متردد جداجدا لحد مجه نصيبها
الرجالة فى المنتدى هنا تلاقى قصص عشق كتيييييير للعربية ديه
طب ده تفسيرة ايه واسبابه ايه
من وجه نظرى ان العربية ديه تعتبر مصب لسمعة واداء وقوة العربيتين ال العظيمتين ال 504.505
كانوا عاملين طفرة كبيرة فى البلد وخصوصا مصر الناس كلها عارفة ايه هى معنى العربيتين دول لدرجة ان ناس كتيير بتتمنى تمتلكهم بالرغم من قدم الموديلات
بس عربيات اكثر من رائعة
وبما ان ال 405 الموديل التالى والمكمل لسلسة الانجازات للشركة مع مميزات عصرية
فالناس اوتو ماتيك بدون نقاش عرفت ان المو الجديد ده اساسي ممتاز حتى بدون اى تجارب على سمعة المعجزتين اللى فاتوا
وده فعلا الحقيقة
بس الله ماشاء الله عربية والله العظيم الاولى فى فئتها فى مصر وفى شتى المواصفات
يعنى لما نقول من ناحية
الوسع وخصوصا الشنطة والصالون وكمان الابواب وكمان الحوض
لما نقول قوة وعزم وجرى ماتور من احسن الماوتير فى اوروبا فى التسعينات
لما نقول عفشة قوية تستحمل كل مطبات وحفر مصر
صاج قوى ومدعم سقف وابواب وتحت الماتور
خامات قوية وممتازة
ده مبدأيا ياترى الكماليات بقي حتى لو مش موجوده تعمل ايه قصاد الاعتمادية الجبارة دية
بسم الله ماشاء الله
ناس بتقول ياعم ابعد عن القديم واشترى جديد طب انهوا احسن
اجيب جديد المفروض انه غير جيد او ردئ ويا فرحتى شوية كماليات زى الاجهزة الصينى وغير كدا مفيش
ولا مستعمل لكن أصلى ومعروف وده مش فى البيجو بس لا فى التيةتا والاوبل والبي ام والمرسيدس
يعنى افضل اركب حاجه قديمة على الاقل سعرها زمان كان يساوى اضعاف سعر الجديد على عربية جديدة متساويش الفلوس اللى هتدفع فيها
وفى الاخر ربنا يطرح لينا فيها البركة ويكفينى شر الطريق وشر انفسنا
وفى انتظار ارائكم وبكل حيادية وبدون خلاف . بشكل اسلامى حضارى وراقى

ربنا يباركلكوا فى عربياتكم و يحفظها من كل شر

من ضمن أسباب حبى للعربية دى
إنى عملت تدريب فى توكيل بيجو فى الصيف اللى فات
و جوة الورشة يمكن أكتر عربية إشتغلت فيها كانت 405 عشان منتشرة

لما كانت تيجى عربية 405 و نفتح الكبوت و يدور الموتور و آخد نظرة كده على العربية
كنت أقول دى أكيد موديل 2000 او يمكن أكتر
أدخل أشوف الرخصة الاقيها 94 و أشوف عداد الكيلومتر الاقيه كاسر ال200 الف مستريح

و الموضوع حصل معايا كذا مرة لدرجة إنى كنت بركز جدآ مع ال405 بالذات

بجد عرفت قيمة العربية دى ساعتها
لما تلاقى عربية موديل 94 او 95 و المكيف شغال تمام
و الموتور ما شاء الله صوته هادىء و مش بيرج
و العربية من الداخل سليمة و الخامات بحالتها

إنها حقآ سيارة محترمة
و أدعولى فى أقرب وقت أقدر أشترى عربية لنفسى .. أكيد بإذن الله هشترى 405