الموضوع: انت نوووووعك اييييييه

السلام عليكم ورحمة الله وبركاته

موضوع لذيذ بس الحقيقة انا بتوقع انك حتلاقى خطوط عريضة متشابهة بين المشاركين ان شاء الله فى الموضوع لان ظروف الوقت اللى احنا عايشينه متشابهة فى كل الهيئات والمصالح العامة والخاصة وانتا سيد العارفين بحالة الناس والبلد دلوقتى
يعنى حتلاقى اغلب اللى شغالين فى القطاع العام و الهيئات الخدمية مقضينها العبى يا العاب زى ما بتقول ونت وشات و فى بعض الاحيان برضو عاملين اللى مطلوب يسد وبس
و حتلاقى بتوع القطاع الخاص مقطوع نفسهم من كتر الشغل والضغط اللى عليهم ولو يطولوا يلعبوا برضو مش حيتأخروا
وكله بيربط الحمار مطرح مايحب صاحبه
وانا عن تجربة لاقيت ان الابتكار وحب العمل والكلام ده يفتح عليك ابواب جهنم للاسباب
1- اغلب الاحيان رئيسك نفسه عايز يربط الحمار مطرح مايحب رئيسه او ليه مصلحه او مش فاهم اصلا انت بتقول ايه ......انت يعنى حتفهم اكتر منه ومن خبرته فى الحياة من غير اى مرجع علمى اوعملى هو كده وخلاص ...وان حت شافك بتقرا كتاب أو بحث أو برنامج يفيدك فى شغلك يترق عليك هو الزملاء طبعا لحد ما يزهك وترميه
2- زملاءك الاعزاء وخصوصا الأكبر منك غالبا من الانواع دى :
نوع عرف الى فيها يعنى و اتعقد و مش عايز يعمل حاجة ولا عايز غيره يعمل حاجة ياأما انتا حر فى اللى حيجرالك بقى ..............
نوع شايف انه هو ومافيش بعده وما تحاولش تعرف او تسال ولازم تفضل صغير لانك مش عارف و مش فاهم الدنيا ماشيه ازاى (قال يعنى هية ماشية)وهو كله بالبركة
اما اللوائح والقوانين اللى محدش يعرف عنها حاجة فدى تسلك بيها سنانك دة اذا لقيتها وسلملى عليها
3 - الجو العام فى اى عمل ملئ بالقلق والامبالاه و الجهل والاستهبال وخراب الذمم والكآبه
يعنى الواحد حتى أول ما اتخرج واشتغل وكان شايف انه على رأى الشاعر
"وانى ولو كنت الاخير زمانه لاتا بما لم تستطعه الاوائل "
والحياة ان ما كنش لونها وردى فالكفاح والعمل والعلم عبادة و متعه
و لكن بمرور الوقت ومعاصرت المواقف و الازمات التى تصطدم مع مبادئك واخلاقك واحلامك وطموحك وكل ماهو حق مشروع لك
ونصائح سكن تسلم وكله كده و انت اللى حتجيب الديب من ديله وسهلها شوية وخليك مرن وفهلوى
اكيد حتحس ان فى حاجات حلوى كتير اتكسر وضاعت منك ... من عزيمتك واحلامك الحلال المشروعة بالدين والقانون والى كان نفسك تنفع بها الناس مش نفسك وبس
دلوقتى يمكن بالعافيه تزق نفسك تعمل اللى عليك وبس وبرضو بما لا يتعارض مع مبادئك ؟؟؟؟؟؟؟؟؟؟؟؟؟

معلش اتمنى انى ما كونش طولت عليك وكأبتك ويابوي (زى محمد صبحى فى المسرحية)
لكن لكن أن شاء الله بكرة احسن من النهارده و" تفائلوا بالخير تجدوه "

انا موظف بحترم شغلى جدا وبعتبر تراكم الشغل او الاعمال احسن بكتييير من وقت الفراغ اللى يعتبر قاتل بالنسبة ليا
احب الانجاز والتمييز فى اى عمل واضافة اى لمسات جديدة عليه
دقيق جدا وبحاول اوصل لدرجة تميز
على استعداد تمام لاى عمل مرهق حتى لو خارج حدود وظفتى
مفيش حاجة بالنسبة لى مستحيل كله بيسلك بعون الله مع التفكير السليم