الموضوع: مشاكلي اتحلت مع التوكيل الحمدلله

بص حضرتك اللي انا متعلمه في حياتي اني طالما ليا حق مش بزهق اني اطالب بيه عمري كله وبعمل كل حاجة ممكنة مشروعة عشان اخد حقي يعني بجد انا كنت فكرت جديا في جهاز حماية المستهلك وممكن يكون موقفه ايه من العيوب اللي في عربيتي ده لو كانت بيسموها عيوب ولو جهاز حماية المستهلك قاللي مالناش دعوة طب مين تاني كجهة ممكن اكلمه طب هل لو كلمت رينو فرنسا وهما اكيد علي علم بالمشاكل اللي في العربية دي وطنشوا لاي سبب كان ايه التصرف وقتها هل نجمع بعض ملاك اللوجان اللي متضررين بس ونعمل زي حملة عليهم عن طريق النت يعني نوقف حالهم بمعني اصح .. انا كل ده كان في بالي بصراحة ودائم التفكير فيه عشان كده بدات باول خطوة وهي اني اكلم التوكيل نفسه اكتر من مرة لحد ماوصل معاهم اني مفيش حل وقتها ابدأ في الحلول التانية بس الحمدلله الموضوع اتحل بهدوء وعقل منهم لدرجة اني فعلا مستغرب طب لما هو موجود طب ليه مش بيركبوه للناس في عربياتاهم وهل هو فعلا قليل والمشكلة مش فيهم لكن في رينو فرنسا هي اللي مش عاوزة تبعت قطع الغيار الناقصة دي...بصراحة مش لاقي تفسير للموقف

المشاركة الأصلية كتبت بواسطة hardlive

انا الحمدلله ركبت العازل والبريك بتاع الفتيس وتقريبا المشاكل اللي كانت عملالي صداع زي العضة والسخونة اتحلت وهاقول الموضوع برضه للامانة عشان مش اكون ظلمت حد زي ماقولت اني معاملة التوكيل في المرتين الللي روحتهم وحشة وكلام من ده وكنت والله اخدت قرار اني اخرج من الضمان واعمل صيانة العربية بره وقولت خسارة انفع التوكيل بجنيه وكل الكلام ده انا قولته هنا علي المنتدي ده قبل كده
المهم انا وصلت ل 10000 كيلو وقولت هاعمل محاولة اخيرة اسال فيها علي العازل وصل ولا لا وفعلا اتصلت بيهم وردت عليا خدمة العملاء سالتها علي العازل حولتني علي قطع الغيار وكان رده اسف العازل مش موجود ومش عارف هايجي امتي وكلام من ده زي قبل كده المهم قولتله اوك ورجعت لخدمة العملاء تاني وقولتلها من فضلك عاوز اكلم اي حد مسئول يعني اكبر مستوي ممكن اوصله عاوز اوصله من فضلك ( وكنت اقصد اكبر شخصية ممكن اوصلها في eim كلها مش مجرد مدير فرع او مركز زي ده ) وفعلا حولتلني وكلمني شخص نفسي افتكر قال وظيفته ايه بس من اول كلام بيقول خير يا فندم حكتله المشكلة بهدوء تام والمعاملة وقطع الغيار كان رده عجيب جدا قاللي المهندس اللي قالك تابعنا اخدت رقمك عشان لما تيجي من بره يبعتولك قولتله لا قاللي اسمه ايه قوللته فلان قاللي هات رقم موبايلك واديني 10 دقايق
بعدها علي طول جالي تلفون من التوكيل وقالتلي المهندسة تشرفني يوم الاحد تركب العازل والبريك انا استغربت اني قبلها علي طول قالوا مفيش بس قولت مش مهم وفعلا روحت التوكيل وبصراحة كان الاهتمام واضح اوي وكنت مبسوط جدا من المعاملة وفعلا ركبوا العازل والبريك وده كان فارق في العربية بس بجد كان نفسي اعرف مين كلمني عشان اكلمه واشكره جدا
اللي اقصده من حكايتي دي اني مفيش حق بيروح وراه صاحب

مبروك يافندم حل المشاكل وعقبال الجميع ان شاء الله سؤالى بس لحضرتك

الكلام ده تم فى فرع ايه

وكمان حضرتك قولت للاستاذ اللى كلمته ده او لمهندس الاستقبال ايه يعنى علشان يركبلك البريك

وبعد اذنك كمان اخدوا وقت اد ايه فى القصة دى ....

فى انتظار رد حضرتك

ويا ترى العازل والبريك كان بمقابل ولا ببلاش

هو المهندس اللي كلمني حولني علي فرع العبور وادوني ميعاد فيه كان يوم الاحد اللي فات واتصالي كان يوم الاربعاء ... الموضوع تم بسرعة جدا بمجرد ماخدمة العملاء حولتني علي المهندس ده اللي نفسي افتكر اسمه عشان كله يكلمه علي طول .. انا كل اللي قولت في اول اتصالي زي ماحكيت انا بسال علي العازل راحت محولاني علي قطع الغيار ومش اعرف فرع ايه واللي رد عليا ردوده ثابتة مش موجودة مانعرفش هاتيجي امتي تابعنا روحت متصل تاني وقوللتلها من فضلك عاوز اكلم اي مسئول يعني وصليني لاكبر مستوي ممكن اوصله انا عربيتي بتسخن وفيها مشاكل مش هاستني لما تولع بيا وبصراح كنت متنرفز جدا بس كان غصب عني لاني كان محروق دمي ... بس نصيحة هاقولهالك بجد مش تسيب حقك معاهم او مع غيرهم اطلبه بس زي ماقال المهندس خالد بالاساليب الشرعية