مشاكل كاسيت نيو اكسنت زيرو 2010

**hdabawy** · 05-05-2010 12:50 PM

يغيروهولك فى صيانة الألف ان شاء الله
بس وانت بتحجزلها قولهم على المشكلة دى علشان تتسجل على الكمبيوتر
ومايقولولكش ما فيش كاسيت دلوقتى فى المخازن
لو انت مبلغ فى الحجز وما لقتش كاسيت فى المخازن اعملهم باللو الكاسيت هيطلع على طول لأنها حصلت معايا فى جهاز الانذار قبل كدة

**MOSTAFABASAL** · 05-05-2010 09:50 PM

المشاركة الأصلية كتبت بواسطة mostafabasal

حاول تستعمل الفلاشه و بلاش الاسطوانات على الاقل عدسه الكاسيت ما تبوظش

توضيح بسيط
انا مش بقوللك سيب الكاسيت كده
لا انت تروح التوكيل و تطلب غيره و تطلع عينهم انما بعد كده شغل الفلاشه احسن
السيديهات مهما كنت محافظ عليها بتلم تراب و مع الوقت عدسه الكاسيت بتبوظ و يبقى خساره الكاسيت
و كمان في مطبات شوارعنا المحروسه لو اخدت مطب جامد هتلاقي الكاسيت فصل و رجع اشتغل تاني
ده من مبدأ المحافظه وليس من مبدأ التطنيش عن الحق

**saber2010** · 06-05-2010 03:27 AM

المشاركة الأصلية كتبت بواسطة mrbebo

مساء الخير عليكم يا جماعة

بالنسبة لكاسيت النيو اكسنت 2010 لاحظت شوية عيوب

اولا ساعات بيحصل تقطيع في الصوت مع ان الطريق بيكون كويس يعني مش مكسر علشان التقطيع ده

ثانيا فيه بعض التراكات مش بيقدر يشوفها يعني مثلا يشوف تراك رقم 1 وبعدين يطول جدا علشان يحاول يقرا 2 وفي الاخر ميقدرش ويحول على 3 وهكذا ممكن في كل cd تراكين تلاته مش بيقدر يقراهم !

ثالثا الكاسيت ساعات مش بيشوف السي دي ويقول ريدنج وفي الاخر يطلعه ولما اقفل الباور واشغله تاني نفس السي دي يتقري عادي !!!

عيوب غريبة جدا مع العلم ان العربية زيرو عامله 500 كيلو بس مبقالهاش اسبوعين :h_angry[1]:

فهل العيوب دي طبيعية في كاسيت زيرو لسه بيقول يا هادي ؟؟ وايه الحل ؟ وهل حد واجه المشكلة دي قبل كده ؟

بص يا معلم القصة دى بتحصل معايا فى السيديهات اللى انا حارقها لكن الاوريجينال بتشتغل تمام واعتقد ان المشكلة دى سببها برنامج الحرق او نوع السيديهاية نفسه

**m_zizo620** · 06-05-2010 12:43 PM

بص انا عندي نفس الكاسيت في الالنترا و ساعات برده كدة بيخرف في السيديهات و يقطع و احيانا كمان بيعمل كدة مع الفلاشة

**ehabpop** · 15-05-2010 11:57 PM

انا عندي مشكة في الكسيت كان فيه لمبة بتعمل فلاش و دلوقتي مش بتنور خالاص اية الحل اكسينت 2010

**zamalek26** · 19-05-2010 02:30 AM

لو هشترى نيو اكسنت جديدة اتوماتيك المفروض الكاسيت بتاعها يكون عامل ازاى؟؟؟ واشيك عل ىاية فيها بالضبط عشن اتاكد ان كل حاجة سليمة ؟.....؟؟ عشن ما تعكننش بعد ما استلمها....

**mo3taznader** · 22-05-2010 01:59 PM

المشاركة الأصلية كتبت بواسطة zamalek26

لو هشترى نيو اكسنت جديدة اتوماتيك المفروض الكاسيت بتاعها يكون عامل ازاى؟؟؟ واشيك عل ىاية فيها بالضبط عشن اتاكد ان كل حاجة سليمة ؟.....؟؟ عشن ما تعكننش بعد ما استلمها....

بص يا باشا انا انشاء الله حاستلمها برده قريب و في حد من الشباب اداني شوية نصايح اعمل ايه فعلشان كدا الرد اللي تحت مني مقتبس و اسيبك تقرا النصايح دي:
اذن ياجماعه لازم فحص وتجربه كل حاجه قبل استلام السياره
عن نفسى عند استلام نيو اكسنت 2010 قمت بلاتى
1 - بصيت على قراءه عداد السياره وده هام جدا
2 - كنت مهتم بان تكون السياره عليها الورق الابيض الملصق على السياره من الخارج
3 - لفيت حول العربيه وتاكدت من صاج السياره بانه بدون خدوش وبالذات الفوانيس اماميه وخلفيه
4 - من الداخل جميع الاوراق واللزق الشفاف يكون ملصق على السياره من الداخل مثل الابواب من الداخل وذرا النور وذراع المساحات
5- تجربه الكاسيت والراديو وال cd (طبعا مفيش فى السياره سى دى ) مش عيب لو خدته ماك وانت رايح
6- تجربه وصله مشغل اغانى الموبايل عن طريق التاكد من وجودها اساسا مع السياره
7- طفايه السجاير الداخليه وهى علبه سوداء اسطوانيه متنقله والاريل الخاص بالراديو
8 - تجربه التكييف بشكل سريع
9- تاكد من وجود كتيب الضمان والكتالوج
10- تاكد من وجود الاستبن والكوريك وشداد العربيه لاسمح الله فى حاله عمل قاطره للعربيه بسياره نقل مثلا
11- تاكد من المفتاحين للسياره واطلب كود المفتاح لانه مهم جدا جدا فى حاله فقد المفتاح
12-جميع الكراسى بالسياره تكون مغلفه بالاكياس البلاستيك
13- افتح كبوت السياره وتكد من وجود الزيوت بها كزيت الفرامل والموتور وماء الرادياتير
14- مفيش مانع زى انا ماعملت تاخد نمر تجاريه لحين وصول الورق المبايعه والافراج ( لو مش موجود وهيوصل بعد يومين مثلا ) وهو عاده مايحدث وحدث معى.
15- اقرا الفاتحه وتوكل على الله وسوق على مهلك وياسلام لو كان استلام السياره فى وقت بعيد عن وقت خروج العاملين من العمل .
والف مبروك
و ربنا يديلك خيرها و يكفيك شرها