حكايتى مع 305

**aboomar22** · 04-05-2010 02:34 PM

امتلك عربية 305 من ثلاث سنوات ولكن معلوماتى عن الميكانيكا مش كبيرة المهم مرة كنت راجع من سفر وكان ابنى عمر مريض وفجاءة ارتفعت الحرارة وباستطلاع الامر وجت قطع سير المروحة المهم كنت على الطريق الدائرى المهم مشيت وخلاص وقلت تولع بقى لحد لما نزلت اشتريت سير وحاولت اركبة ايدى اتلسعت من الحرارة قولت يلا امشى بيها وخلاص الموتور يفوت يفوت الوالد تعبان وانا كمان قرفت المهم رحت للميكانيكى قالى ريح دماغك وركب مروحة كهرباء بلا سير بلا غيره رحت اشتريت مروحة المانى مستعملة وركبت ترموستات واسلاك كهرباء وكده واتكلفت 300 جنية ورحت الشغل وخير الاقى العربية سخنت والمروحة مشتغلتش طيب فكيت السلوك ووصلتها ديركت للاسف العربية مبردتش لاكتشف ان خير الهم اجعله خير ان السير بيدور طلمبة المياه يعنى لازم يكون راكب وكده المروحة مالهاش لازمة معلش زهقتكم بس اللى عايز اقوله لو كنت سالتكم اكيد كان هيكون فيه حد عارف وعنده معلومة ومكنتش دفعت ولا اتبهدلت عموما ياريت نتشاور وننقل الاراء لبعض ونعمل نادى 305 مش احنا بس كل اللى معاه موديل معين يتبادلوا فيه الخبرات

**mmd3** · 04-05-2010 02:49 PM

ما انا كنت عاوز اعمل كدة بردو
اني يعني اركب مروحة بترموستات علي الريداتير ولما تسخن المروحة تشتغل لوحدها
بس كتر خيرك والله انك قولت علي حتة طلمبة المياة دي بدل ما كان الواحد يدفع فلوس علي الفاضي
بس هل ممكن اني اركب المروحة واسيب الاصلية بردو موجودة ؟

شكرا جدا لافادتك علي المعلومة دي

**ashraf4280** · 04-05-2010 07:31 PM

انا بقي حاطط سيرين ااحتياطي في شنطة العربية واحد للدينامو
والتاني للمروحة
تحسبا للظروف دي عشان انا بسافر كتير

**ashraf4280** · 04-05-2010 07:33 PM

بس للاسف تركيب سير المروحة مش سهل لازم يكون معاك مفتاح 17 وتفك البكرة اللي تحت وبعدين تركبه

**aboomar22** · 05-05-2010 03:32 PM

المشاركة الأصلية كتبت بواسطة mmd3

ما انا كنت عاوز اعمل كدة بردو
اني يعني اركب مروحة بترموستات علي الريداتير ولما تسخن المروحة تشتغل لوحدها
بس كتر خيرك والله انك قولت علي حتة طلمبة المياة دي بدل ما كان الواحد يدفع فلوس علي الفاضي
بس هل ممكن اني اركب المروحة واسيب الاصلية بردو موجودة ؟

شكرا جدا لافادتك علي المعلومة دي

ايوه ينفع طبعا ودى هتساعد فى التبريد خصوصا وقت الزحمة والاشارات بي لو السير اتقطع مثلا الطلمبة مش هتقلب المياه يعنى لازم يكون راكب

**د.محمود صلاح** · 05-05-2010 05:19 PM

الرجاء عدم الإنصياع ورا كلام الصنايعية بتغيير فابريقة العربية ... ركب لك مروحة كهرباء ونسي ان السير بتاع المروحة مرتبط بطلمبة المياة ؟

**abobelal** · 10-06-2010 06:03 PM

السلام عليكم ورحمة الله وبركاته
معلش الميكانيكى اللى انت رحتلو مايعرفش أ ب ميكانيكا أكيد واخد الصنعه عافيه وكده هو بيأزى الناس

**hesham_shousha** · 10-06-2010 08:30 PM

الحقيقه المشكله دى من أهم عيوب ال 305
حصلت معايا على الطريق الدائرى لكنى وقفت وقطرت العربيه لحد الميكانيكى وربنا ستر ان معايا سير إحتياطى
أحب أقول إن السير بالعربيه والسير مقطوع يؤدى إلى إن الموتور يقفش
بالنسبه للمروحه الكهرباء : أحب أقول إنها مفيده جدا فى الصيف وبتساعد على تبريد العربيه وأنا مركبها وبشغلها عن طريق مفتاح وليس عن طريق ثرموستات