عاوز اشترى سياره فى حدود 27000 الى 30000

سلام عليكم يا شباب

عاوز اشترى سيارة فى حدود 27000 الى 30000

انا بحب الابيزا بس خايف من قطع غيارها وتوفرها
ناس نصحتنى بالاونو

عاوز رأيكم

انا شايف لو حضرتك دي اول عربية تشتريها يبقى لسة حتتعلم فيها و لازم حيتنصب عليك من الصنايعية اللي معندهمش ضمير زينا كلنا لغاية لما تفهم في الميكانيكا بتاعت العربية . في الحالة دي انت عاوز عربية قطع غيارها رخيصة يبقى خليك في الاونو .
انما لو ليك خبرة في العربيات يبقى لو اشتريت عربية ابيزا وحالتها كويسة مش حتحس بقطع غيارها الغالية لانها بتعيش .
وانا كان ليا واحد صاحبي اشترى عربية ابيزا وكانت اول عربية ليه وفي مرة راح لميكانيكي عشان كان عنده مشكلة في العربية الميكانيكي قاله دي الراشاشات عاوزة تتنضف تقريبا او حاجة كدا المهم الراجل اشتغل فيها وهو بيقفل في الاخر ركب سلك مكان التاني مش فاكر كان بتاع ايه بوظله الانجكشن كله ودخل في متاهات . فلازم اللي يركب عربية زي الابيزا يكون فاهم فيها وفاهم حيعملها صيانة عند مين .

انما الاونو عربية بسيطة جدا وسهلة الصيانة وتحس ان حوض الموتور بتاعها فاضي ومافهوش اي اختراعات .
عموما ده رأيي وشوف الانسب ليك

متشكر جدا يا رامى لردك الممتاز

هوا فعلن ده اللى انا حاسس بيه

معندكش اى اقتراحات لعربيات تانيه فى نفس الرنج

أونو أو كيا برايد .. الاتنين تقريباً زي بعض في كل المميزات والفيصل الحالة. وربنا يوفقك
آه وممكن لو إكسيل هاتش باك حالة نضيفة جداً جداً هاتتفوق عنهم بسعة الموتور الأكبر وتقريباً نفس المميزات (توافر قطع الغيار .. سهولة الصيانة .. موديلات حديثة نسبياً أواخر التسعينات)
الموديلات دي كلها في حدود ال 27 ألف مايزيدش عن كدة

ممكن كمان سوزوكي سويفت مو 93 وده الياباني اللي بعد كدة تقريبا مصري والله اعلم فبلاش منه
والعربية دي حلوة وفيها تكييف وسحبها كويس وموتور اكبر وفيها شنطة مش هاتش باك زي الاونو وعلى فكرة الاونو من اوسع العربيات الهاتش باك اللي شوفتها وشنطتها حجمها كويس .
وعندك الاونو الموديل الحديث ال 1300 انجيكشن بس مش منتشرة زي الاونو الشكل القديم العادية .

كل الى هنصحك بية
ان شاء الله اذا هتجيب اونو خليك فى القديم الكربراتير والاحسن انك تجيب الاقدم الايطالى عضمة انشف واحسن

شاكر جدا يا شباب على مساعدتكم وربنا يكرمكم

انا خلاص نازل ان شاء الله من قطر نهائى كمان اسبوعين هكون قررت فيهم

لو عندكم اى نصائح يبقى كتر خيركم

اونوووووووووووووووووووووو وو موديل و يفضل لو لقيت حاجة 93

فليشيا حالة حلوة ومحافظ عليها أيضاً اختيار جيد

وفي الكورسا برضه والجولف2