الموضوع: بيانات المتبرعون لحالة زميلنا المصاب بسرطان دم

المشاركة الأصلية كتبت بواسطة wahba87

السلام عليكم , انا اسمى احمد عادل

رقمى : 0124307736

انا عمرى ما اتبرعت صفائح بس اتبرعت بالدم كتير قبل كده (اخر مرة 19 يناير)

ان شاء الله انا رايح بكرة اتبرع لمحمد

انا ساكن فى رمسيس لو حد عايز ييجى معايا يكلمنى

السلام عليكم , انا رحت النهاردة و للاسف الصفائح عندى طلعت قليلة , اتبرعت بالدم للاستاذ محمد

و عايز اقول بعض الملاحظات :

1- بالنسبة للركن , فى امام المستشفى مباشرة جراج تابع للاوقاف ركنت فيه و اديت الراجل 2 جنيه و انا ماشى , بدل ما تركن صف تانى ولا حاجة الجراج امان (بس سيبتله المفتاح)

2- لو لاقيت نفسك مش قادر تتبرع صفائح مرة ده مش معناه ان مش هينفع تتبرع صفائح على طول , دى بيبقى ليها سبب (واخد دواء معين - عندك دور برد - سوء تغذية) , يعنى كل مرة تروح تعمل تحليل و تشوف ينفع تتبرع صفائح ولا لأ , و تكون مش واخد ادوية و معندكش برد وواكل كويس اليوم اللى قبلها

3- فى نقطة احنا كنا فاهمينها غلط , المتبرع الواحد بالصفائح بيتبرع ب 6 وحدات , يعنى كيس كامل , مش كل 6 متبرعين بيعملوا كيس , انا اتأكدن من الكلام ده من الممرض اللى هناك

4- المدة الزمنية

من تبرع بصفائح لتبرع بصفائح ---> من 7 الى 15 يوم

من تبرع بدم لتبرع بصفائح ---> شهر

من تبرع بدم لتبرع بدم ---> 3 شهور


يعنى ان شاء الله بعد شهر من اليوم , انا جاهز للتبرع بصفائح (لو كان عندى صفائح كافية) , و لكن لا يجوز التبرع بالدم (لازم 3 شهور)


5- مستشفى الزراعيين بتعمل فحص شامل على الدم بتاعك , ممكن تتصل بعد 48 ساعة تتأكد ان انت سليم ان شاء الله

جزاكم الله خيرا يا شباب و ربنا يشفى استاذ محمد فى القريب العاجل ان شاء الله