الموضوع: بيانات المتبرعون لحالة زميلنا المصاب بسرطان دم

المشاركة الأصلية كتبت بواسطة harmadan

استاذ سامح
سيب مشوار بكره على . باذن الله تعالى هاتصرف واروحه وانت عارف ان مكان شغلى قريب من البنك والمستشفى ايه يااستاذ سامح انت فقدت الثقه فى ولا ايه؟؟؟!!!! ولا لسه زعلان من اللى اتكلمنا فيه النهارده؟؟؟!!!! على العموم انا اسف مره ثانيه بس مشوار بكره معايا ياباشا

أنا برضه على استعداد بكره أن شاء الله
تليفونى 0112550704

المشاركة الأصلية كتبت بواسطة د-شريف

شوفوا يا جماعة من يومين أنا و الأستاذ سامح بنفكر نعمل إيه فى موضوع تبرع الدم ده و الحمد لله وفقنا الله فى الحل النهارده بس.
التبرع سيكون فى بنك الدم داخل القصر العينى نفسه.

مميزاته:
1- مكانه داخل المستشفى يعتى حنرحم الأعضاء من المشاوير الصباحية و المسائية.(مكانه بالتحديد بعد المدخل الرئيسى للمستشفى اللى أمام الكوبرى حتلاقى مسجد عى اليمين هو المبنى اللى خلفه (له بوابة داخلية) حتطلع الدور التالت قسم التبرع و باقى الإجراءات زى بنك دم الزراعيين بالضبط(حتقول أسم المتبرع له و حتتاخد منك عينة الأول قبل التبرع)
2- متوافر فيه الصفائح بصفة مستمرة وأحيانا بيكون فى فائض بيتعدم بعد يومين.
3- فصيلة دم محمد ab+ve من أكثر الفصائل المتوفرة فى البنك.
4- عند إحتاج محمد للصفائح أو الدم طبيب الإمتاز بالدور بيروح يجيب من البنك من غير مشاكل.
5- كان فاضل أخر حاجه كنت بفكر فيها مع الأستاذ سامح و هى التعقيم و الألات. فرحت النهارده البنكين (الفرنساوى و القصر القديم) و شفت مستوى التعقيم فيها و فعلا مستوى عالى نفس بل يمكن أفضل من الزراعيين.و حائز على شهادة الأيزو كما شاهدتها مع طبيب البنك النهارده.
6- أهم ميزة هى أنهم ممكن يبعتوا لمحمد صفائح أو دم حتى لو مالوش رصيد عندهم لانه نزيل داخلى يعنى له الأولوية و دى بتحصل أحيانا.

عيوبه:
ميعاد العمل لأستقبال المتبرعيين من 9 صباحا حتى الثالثة فقط. وجه ممكن يكون مش مناسب مع المترعيين فى المحافظات.

طبعا الرأى ده قابل للنقاش أولا. بس فعلا الأشخاص اللى بيشتغلوا مع محمد شايفين أن الموضوع ده أفضل و عملى أكتر.خصوصا و إن البنك ده يستوعب أشخاص أكتر من المترعيين.

مرفق صورة لمكان البنك بالتحديد.
ملحوظة: كان لى مقابلة سريعة مع محمد ووالده حكتبها بعدين بس الحمد لله هو النهاردة الساعة 10 مساء كان فى وسط جلسة الكيماوى و صحته كويسة (دى كانت أول مرة أشوفه فيها بالرغم إنى بتابعة من اليوم الأول) حسيت بس إنه متضايق و مخنوق من القعده خصوصا إنه بعيد عن المنتدى فياريت له تكلموه لأن دى الحاجه الوحيدة اللى بتخرجه من الوحدة دى. وححاول أشوفله vmc علشان يخش على النت قريبا إن شاء الله)

الاخوه الاعزاء
السلام عليكم ورحمه الله وبركاته
تم تغيير مكان التبرع ليكون بنك الدم بمتشفى القصر العينى القديم لعده اعتبارات اولهم واهمهم ان كل متبرع بالصفائح يقابله كيس صفائح كامل غير بنك الزراعيين (6 أفراد = كيس واحد)
ثانيا : نوعيه الصفائح هى خام غير مخلوطه (حسب كلام الاطباء) مما يساعد فى اقصى درجات الاستفاده من نوعيتها لان القصر العينى جهه لاتهدف الى الربح (عكس المصل وللقاح - الشبراويشى- بنك الزراعيين) فليس لهم مصلحه فى خلط او تخفيف الصفائح لانهم لايبيعونها مثل بنوك الدم الاخرى.
ثالثا : تم الاتفاق مع الدكتوره (عبير)مديره قسم فصل الصفائح بالبنك ان يتم تأمين كميه الاكياس التى يحتاجها محمد (بالجوده المطلوبه) مقابل توفير متبرعين بصفه يوميه مما يعطى محمد الاولويه فى الحصول على الكميه المحتاجه يوميا لوجود متبرعين بصفه دائمه له.حتى وان كان ليس له رصيد سيتم اعطاءه ميزه واولويه الحصول على الاحتياج اليومى لالتزامى معهم (ثقه فيكم) بوجود متبرعين بصفه يوميه.
رابعا : فى حاله وجود كميه كبيره من المتبرعين وبالتالى الاكياس سيتم توجيه جزء من الصفائح لمرضى اخرين فى نفس الاحتياج مثل اخونا محمد (حاله استيفاء الكميه المطلوبه)لاخونا محمد يوميا لان صلاحيه الصفائح 3 ايام فبدلا من اهدارها(فى حاله عدم احتياج محمد لها)سيتم توجيهها لمن يحتاج من المرضى (وهم كثيرين )فى نفس القسم الموجود به محمد (ولن ينتقص هذا من محمد فى شيىء) بل سيعطيه الاولويه الدائمه للحصول على مايريد يوميا.
ميعاد التبرع (من الساعه 8 صباحا الى 3 عصرا) علما بان عمليه التبرع بالصفائح تستغرق 80 دقيقه على الجهاز فى غرفه مكيفه مجهزه بشاشه عرض تلفزيونى منعا للملل.
معنى ذلك ان اخر ميعاد للحضور هو الساعه 1,30 ظهرا.لان القصر العينى جهه حكوميه ويسرى عليها المواعيد الحكوميه (الجمعه اجازه)ولكن البنك يعمل 24 ساعه 7 أيام فى الاسبوع للصرف وليس استقبال التبرعات.
مكان البنك :الباب الرئيسى للقصر العينى (القديم) (مبنى بنك الدم)الدور الثالث غرفه (فصل الصفائح الدمويه) اسم المسئوله دكتوره عبير.
التبرع بأسم : محمد جمعه كامل (وحده السيزيوم بالقصر العينى)
لايوجد كارت للتبرع او اى شيىء الا تسجيل التبرع من جانب العاملين هناك والاتصال بى فى حاله التبرع لكى اقوم بابلاغ اهل محمد ليعرفوا الرصيد اولا بأول.
فى حاله تعذر الوصول للمكان او وجود اى استفسار يرجى الاتصال بالرقم التالى وانا على اتم الاستعداد للمساعده بالحضور او الاجابه عن اى استفسار (0105314183 - 0111517041) هشام رمضان
سوف اكون متواجد (امام باب القصر ) يوميا من الساعه 8,30 صباحا حتى الساعه العاشره والنصف صباحا لتوجيه المتبرعين والاجابه عن اى استفسار والصعود معهم لبنك الدم وتسليمهم لغرفه التبرع بالصفائح وانهاء جميع اجراءاتهم.
الحمد لله اليوم بدأنا التعامل الفعلى مع البنك ب 6 متبرعين (تم التبرع من شخصين فقط)واستبعاد الاخرين لاعتبارات صحيه. فشكرا لكل من حضر اليوم سواء تبرع او لم يستطع وجزاهم الله خيرا بما فعلوه.
ملحوظه هامه : برجاء عدم التبرع بالدم (لاخينا محمد)لانه تم التبرع له اليوم من شخص واحد ويقتضى نظام البنك انه فى حاله وجود متبرع واحد فقط بالدم لمريض مقيم بالقصر العينى يتم توفير أى كميه سوف يحتاجها المريض من الدم طوال فتره اقامته بالمستشفى!!!!! وتم عمل هذا التبرع واخذ الكارت الذى سيتم به الصرف اليومى من الدم فى حاله الاحتياج له. (بنك الدم بالزاعيين كان يحتسب كل 6 متبرعين بالدم = كيس دم واحد او كيس صفائح واحد !!!!!! فبرجاء عدم التبرع بالدم لاخونا محمد وفى حاله عدم الامكانيه للتبرع بالصفائح لاخونا محمد والاصرار على التبرع بالدم كبديل يتم توجيهه للمستشفى نفسه لاى مريض احتسابا لوجه الله لان القصر العينى لايتبع سياسه الاستبدال بين الدم والصفائح كمستشفى الزراعيين.
وجزاكم الله خيرا.

تم غلق الموضوع لوفاة زميلنا العزيز رحمه الله
هنا تقبل التعازي
http://www.nilemotors.net/Nile/148521-a.html
رحمك الله يا محمد وأسكنك فسيح جناته
الإدارة ..